Ka Nupepa Kuokoa, Volume XLIII, Number 38, 18 September 1908 — IKE KUMAKA I KA BALUNA A KAUNA ZEPPELIN. [ARTICLE]

IKE KUMAKA I KA BALUNA A KAUNA ZEPPELIN.

Ia Mr. ame Mrs. Walter Hoffman aku nei ma Kelemania, oiai ilaila laua i hoohala aku nei i kekahi mau mahina hoomaha, ua ike kumaka laua i ka lele ana o ka baluna a ke kaua Zeppelin ma Manheim. Oiai laua ma Heidelberg ua hoikeia mai la ia laua e hoolele ia ana ka baluna i kela kakahiaka a nolaila hooholo iho la laua e kau ma ke kaaahi i ike maka ai laua i ka lele ana a ka baluna. Ia laua i hiki ai ma ka hale hoolulu kaaahi ua piha ka halekuai tikiki i na kanaka, a no ko laua hopohopo o kau ole laua ma ia kaaahi ua noi aku la laua i ke kanaka mamua loa e kuai aku i ekolu tikiki no lakou a pela i loaa koke ai ko laua tikiki, a no ke ake loa e kau iluna o ke kaaahi ua holo awiwi aku la laua a kau i ke kaa, me ka haawi ole aku i ka mahalo i ke kanaka nana i kuai i ke tikiki no laua. O kahi laki loa o ka loaa ana i noho no Mrs. Hoffman e noho iho ai. He kaaahi kuikawa keia a laua i kau ai, a ua manaoia e hiki mua ana ia kaa i Manheim mamua o Ka hiki ana ae o Kauka Zeppelin ke akeakamai nana i hana mai i ka baluna ano hou loa. Ia laua iloko o ke kaa, o kekahi kanaka ma ke kihi loa o ke kaa ka i ike mua jocu i ka baluna, a hele aku la ia ma ka puka aniani a i ka pau ana o kana nana ana hookaawale ae la ia i hiki ai i kekahi poe e ae ke ike aku. 0 Mr. Hoffman ka i nana mua aku a i kona ike ana kahea mai la oia ia Mrs. Hoffman e hele aku e nana. I kana ike aku me he kika nui la i ka lewa i like loa ke ano me ke kika laau e kau ai mamua o ka halekuai kika. A e like me ko lakou hookokoke aku i Manheim pela ka pii mahuahua ae o ka nui ke nana aku, a ua ane&ne e piha ka umi minute o kona kau aheahe ana i ka lewa. He nanaina nani maoli ke nana aku. Nui ka hauoli o ka poe apau i ike aku i ke kau mai a ka baluna i ka lewa. Ua lele loa ae la ka baluna a kaalo loa aku la maluna pono ae o Manheim mamua o ko lakou lele ana iho mai ke kaa a nalowale loa aku la mai ka ikeia ana aku, a kau ino aku la maluna o ke kaalio no ka holo aua ma kekahi aoao 0 ke kulanakauhale no ke ake no e ike pehea la ka mamao o kana wahi e lele aku ai. Ua lele ke Kauna a hiki 1 Mainz a hoi hou mai i Heidelberg i kela po me na kukui nunui hoomalamalama a hiki loa i Stuttgart. Mahope mai ua hoomaka mai la ka ino, nui ka hekili ame ka uwila a oia ka iiio nui a'ui ike ai no kekahi mau la. Ua hookuukuu hou iho la oia i ka baluna no ka loaa ana he wahi pilikia ika mikini loa. Ua loaa pono loa ka baluna i ka ino ame ka makani a no ka ikaika loa o ka makani ua hiki pono ole i na kanaka ke paa a pela i opa pu ia ai kekahi. wahi o ka baluna. 1 ka wa i ike ai ke kauna i ka pilikia o kona baluna ua kuoo maoli oia me he keilei la no ka nui loa o kona minamina. Ua nui ke aloha o ko Ke* lemania. Ua nui ke aloha o ko Kelemania poe iaia a ileko o iwakalua-ku-mamaha hora, ua oi aku mamua o elua milioua mau maka (dala Kelemania) i luluia no ke kokua ana iaia no ka hana hou ana i na wahi i poino. Ua haawi ka Emep.era he hapalua miliona, Berlin he 75,000; ko Manheim he 50,000 a pela aku a hiki i ka loaa ana o kela huina.