Ka Nupepa Kuokoa, Volume XLIII, Number 39, 25 September 1908 — UA MANAOIA E HOOKAPU I KA LAWAI'A ANA MA KE AWA. [ARTICLE]

UA MANAOIA E HOOKAPU I KA LAWAI'A ANA MA KE AWA.

Oiai ka ma'i aliulau, ke Kolela ame ka taifoida fiva e holopapa mai nei ma na aina hikina, he inea pono loa i ka Papa Ola ke lawe mua ae i na keehina o ka makaala ma ka hana ana mai i mau kanawai ikaika e hoomalu a e kaupale aku ai i ka pahola ana mai a ia ma'i weliweli ma keia Panalaau, oiai me ka ikaika no o na kanawai hoomalu e ku nei aole no e nele ana ka alo ae mai ka hoomalu ana a na luna aupuni Amerika. I kahi e n<» ka ua kahi i haloku mai ai he mea pono i ke kanaka mahiai ke hoomakaukau mua i ke pulu, a pela no tiui i kahi e ka pilikia kahi i laha mai ni h« mea pono no i ka Papa Ola ke makaala mua i na hana e palekana ai ka lahui kanaka. Ua loaa ka ike ika Papa 01* i keia la no ia pilikia, a nolaila, liookahi kumuhana ano nui i lawe a noonoo akaheleia e ka Papa, oia no ka hookapu loa ana i ka lawai'a ame k» auau ana ma ke awa. . Ua oi loa aku paha ia hana ma o loft aku o ka ninau kupono o ka hookapu ana i na kanaka o kekahi kulanakauhale maemae e like me Honolulu nei, oiai aohe i ike a ia mea he ma'i maloko o keia kulanakauhale i keia la, aka, no ke ola ame ka palekana o ka lahuikanaka mai o a o he hana pono loa keia na ka Papa Ola e hookapu ai, oiai aia ma Manila i kela Ia ke pahola mai la ka ma'i kollela me ka ikaika a he awa kumoku ia a na moku lehulehu e ku mau aku ai a e liolo mai ai ianei, a no ia kumu me he mea la e hoopuka ana ka Papa i ke kuahaua hookapu, a he hana makaala loa ia na ka Papa e hana ai. He nui na kanaka e lawai'a nei ma na uwapo ma ke kakahiaka Poakolu nei me he.mea la aia paha ma kahi o ka elia haneri makoi, a mamua iho o na hale waapa o ka Healani ame Makaia e piha mau ana i kela ame keia la i ka poe auaukai, a - ina e hoopuka io mai)ana ka Papa Ola i ka hookapu e pau loa ana keia mau ano hana ma ia mau wahi.

0 ka mea e hoohana ana i ka 1010 o kekahi i mea e holopono ai kana hana oia ke kanaka koikoi.—Donn Platt.