Ka Nupepa Kuokoa, Volume XLIII, Number 39, 25 September 1908 — O S. NOHOKOKE UA HALA. [ARTICLE]

O S. NOHOKOKE UA HALA.

Ma ke ahiahi o ka po Poaono, Sept. 5, 1908, hora 9:30 p. m., i hiki mai ai ka Anela o ka Ilaku a kaili ae la i ke aho hope loa o ko makou hoa pokii Sam Kalua Nohokole, ma kona home noho me kona makuahine ma Kalihikai, me ke aloha nui. A ma ka auwi-' na la Sabati ae Sept. 6, 1908 i malamaia ai kona anaina haipule, a hoomoeia ma ka ilina o Puea. Ua hanauia oia ma ka la 1 o Sept., 1892 ma ke kulanakauhale o Honolulu, mai ka puhaka mai o Kahalau ame No« hokoke; a nolaila, ua piha iaia ka 16 makahiki a oi o ke ola ana iloko o keia ao. Ua haalele iho oia i kona luaiii makuahine e paiauma aku nona me ke aloha nui. Ua hoonaauaoia oia ma ke Kula o St. Francis o keia kulanakauhale. Ua komo mai oia a lilo i lala no ka Alialiui Hooikaika Kristiano o na pokii o ka Apana o Kalihi-kai, me ia kulana oia a moe aku la iloko o kona Haku aloha, me ka maemae ame ke ola mau loa ia ao aku, a ia ao aku. O kona kulana, he haahaa, he noho malie a he hoopono. Mailuna mai o kona wahi moe nawaliwali, ua hoomau mai oia i kana mau haawina kokua no kona Ahahui Aloha, i kona wa ma'i iini mau oia e hele i ka pule o kona Ahahui, o keia na lee ola o ka Uhane o ko makou. hoapaahana pokii i hala e aku me lesu e noho ai. Nolaila, E hooholoia: O piakou ona lala o ka A. H. K. P. o Kalihi-kai, ma keia; ke koino aku *nei makou e auamo pu i kou mau luuluu e ko makou makuahine aloha, i hooneleia i ke ka-malei,-a na ke Akua ka Haku e lioomaha mai ia oe, a ia kakou apau. Ma o ko makou komite la,. ,TOSEPH H. AMOSj ANNA E. KALAMA, MARY LOE KAELELE.