Ka Nupepa Kuokoa, Volume XLIII, Number 41, 9 October 1908 — I KA POE KOHO BALOKA O KE Kulanakauhale ame Kalana. [ARTICLE]

I KA POE KOHO BALOKA O KE Kulanakauhale ame Kalana.

Me ke Aloha: Mamuli o na hookonokono ana mai a na makamaka ame na hoaloha, i hilinai i ka'u mau lawelawe oihana ana, ua ae aku la au e laweia ko'u inoa i Moho no ke kulana Makai Nui o ke Kulanakauhale a Kalana o Honolulu, a e kapae hoi i ko'u manao i hooholo mua ai. Oiai, he lehulehu na Moho e holo nei, aole e nele ana ka hahana o na paonioni ana no ke kakooia mai e ka poe koho paloka ma keia kau. N.olaila, he hana kupono na kela ame keia ka noonoo pono ana i na ninau ano nui 0 ka manawa, kaupaona i ke kulana o kela ame keia moho, a e haawi i kona paloka i ka moho i ikeia kona kupono ma kana mau hana, aole hoi e hilinai wale aku 1 ka mea i maa ole nana e lawelawe i na hana o kekahi o na oihana koikoi, elike 'la me ka Oihana Makai o ke Kulanakauhale a Kalana o Honolulu. Na ka'u mau lawelawe oihana ana i keia mau makahiki elua e hoike no lakou iho. Ua hookoia ka oihana ma ke ano akea a kaulike, a ke hauoli nei au i ka olelo ae, ua ko ka li'a o ka poe i kakoo ia'u me ko lakou mau patoka ma ke kau i hala, a ua loheia hoi na leo mahalo mai na poe mawaho ae o ko'u aoao kalaiaina ponoi. Aole no hoi oia wale, aka, ua hiki ia'u ke kaena ae, aole mea hiki ke nema mai me ka oiaio i ke ano o ka'u lawelawe oihana ana. O ka mea i makemake nui ia maloko o ka Oihana Makai ma Honolulu nei, a ma na wahi e ae no hoi, oia ka makaukau ame ka manaopaa e hooko i na kanawai a hoomaopopo hoi i ke koikoi o ka oihana ana i aa ai e auamo. Malia paha, he mea maa .mau no na moho ka lawe ana i ka hoo-hiki-moho i loaa ai ia lakou na keehina~e kau aku ai iluna o. na oihana aupuni; aka, ade loa e liiki i kekahi mea i kamaaina i ko'u moolelo ke olelo mai me ka oiaio owau kekahi o ia poe. Ia oukou hoi e o'u mau hoa oiwi, ke waiho aku nei au i ko'u inoa imua o oukou ma ke ano he Moho Kuokoa no ke kulana Makai Nui e paio ana no ka inoa maikai o ko kakou lahui aloha, a e makee ana hoi i ka lawelaweia ana o na oihana o ka lehulehu me ka maemae, i hoomaopopo i ko kakou mau iini, a i ike hoi i na inea o ka nohona aupuni. O' ko kakou aina hanau keia.' E kuilima pu mai kakou i ka malama ana i ka hanohanō a ihiihi o kona mau oihana. Owau iho no, Ko oukou C. P. lAUKEA.