Ka Nupepa Kuokoa, Volume XLIII, Number 41, 9 October 1908 — LOAA AKU HE KAIKAMAHINE PAKE ILOKO O KA PAHU. [ARTICLE]

LOAA AKU HE KAIKAMAHINE PAKE ILOKO O KA PAHU.

j Ikeau e noho peresidena ana oAberahama Linekona no Amerika Huipuia ua hanaia ke kanawai e hookapu loa ana i ke kuai ia ana o na kanaka i mau kauwa Kuapaaj aka nae, o ka moolelo malalo iho nei e hoike ana ia i ka pau ole o ia ano hana ma Amerika. VALLEJO, Sept. 17—Maanei i lieia la, ua hoopakeleia kekahi kaikamahine Pake u'i o Moe Kim kona inoa, nona na makahiki he eiwa wale no, mai ke kuaiia ana aku i kauwa, kuapaa a eia oia i keia la malalo o ka malama ana & ka luna nui o ka hoomana hoole Pope, Dorfaldina Cameron ma ka' Home o na Kaikamahine Pake ma Eapalaleiko. Ma ka mahina o lulai i ha» la ua laweia. mai keia kaikamahine mai Kina mai me ka manao e kuai aku iaia i kauwa kuapaa ma Kapalakiko. He elua keia mau kaileamahine i laweia maij o kona kokoolua he 14 ona makahiki, a oia ke kaikamahine i nalowale loa a hiki i keia la aohe i loaa iki. I ka wa i ku mai ai lea mokuahi Korea mai na aina hikina mai ua hoomaka kokeia ka huli ana, 'a ma ka la i neliinei i loaa aku ai ia iloko o kekahi pahu iloko o ka rumi moe o na Pake. ma ke kaona Pake maanei. TJa nui kona maka'u i na Pake nana oia i malama. He kaikamahine tt'i ia, aua manao ia e ulu mai ana he hakaka nui mawaena o na Pake ame na makai mamuli o ka makemake loa o na Pake e lilo hōu ia lakou kelā kaikamahine, aohe nae leekahi mea oia anō i ikeia. I ka wa i lolieia ai kela hana lapuwale, ua kii koke ka Makai Nui i palapala huli i ka Lunakanawai Kiekie ma ke Kalana o Solano a hoomaka koke ka huliia ana, a o ka hopena i ikeia, ua loaa aku kela kaikamahine ua hanaia iloko o ka pahu. TJa hoihoi ia kela kaikamahine malalo o ka malama ana a Miss Cameron ke kahu hanai o na kaikamahine Pake ma Ka'palakiko.