Ka Nupepa Kuokoa, Volume XLIII, Number 41, 9 October 1908 — LILO MA'U WALE NA DALA I KE KOA Uku Hewa ke Paniolo he Iwakalua-Kumamalua Dala no Kekahi Paa Kamaa. [ARTICLE]

LILO MA'U WALE NA DALA I KE KOA

Uku Hewa ke Paniolo he Iwaka-lua-Kumamalua Dala no Kekahi Paa Kamaa.

Ma ke ahiahi Poaono o ka pule i hala ua pii mai la kekahi mau Paniolo hana o ka mahiko o Ewa i Honolulu nei e holoholo. Ma kela la ua ohi mai laua i ko laua ukuhana a o ka mua loa no hoi kela o ko laua holoholo ana mai i ke kaona nei mahope o ko laua hiki ana mai Sepania mai. 0 kekahi o kela mau Paniolo he iwakalua dala ma ke gula ame elua dala keokeo iloko o kana wahi ekeeke a me he mea la o ka mua loa paha kela o ka loaa ana o ke dala gula iloko o koaa lima ma Hawaii nei a i ole ma Sepania no paha. 1 ko laua hiki ana mai ma Aala Paka, halawai mai la laua me kekahi mau koa me ka paa lole kaki. He paa kamaa ka kekahi o na koa e makemake ana e kuai, a he hana mau no ia na na koa o ke kuai i na mea liilii o ia ano i loaa ke dala. Aohe maopopo i kela mau Paniolo ka mea a kela poe i makemake ai a hiki i ko lakou huki ana mai ka poli ae he paa kamaa hou loa e hoolakoia nei no na koa. "He ekolu'dala ke kumukuai," wahi a na koa a no ko lakou ike he mau Paniolo laua, ua kamailio Paniolo aku la kekahi "he ekolu dala." He paa kamaa hou loa kela a he maikai maoli no ke nana iho a no ka nui loa 0 kona makemake i keia paa kamaa ua hooholo iho la oia e kuai. Aia iloko 0 kana wahi eke dala he $22, a huki koke ae la ia i kana wahi eke a lawe ae i ua mau dala nei a pau, aohe no hoi he ulu ae 0 ka noo-

1100 e 'wawahi mua, aole, haawi aleu la no a pau-ioa me kona hauoli no kona laki no ka loaa ana ei kekahi paa kamaa maikai emi loa. A no kahi ole e paa ai olelo aku la i kona kokoolua e u haele i ka halekuai Pake e kuai i paiki. I ka wthe ana ae i kana wahi eke no ka hookaa' ana aku i ke kumukuai o ka pāiki,. aohe dala i koe e hookaa aku ai. XJlu koke ae la no rka noonoo iloko ' ona oia no kela ana i haawi ai i na 'koa no ke kamaa, tf i ka huli ana aku "1 na koa aohe loaa, ua hoi i Waikiki. Ua hakilo laua i kela )po no ke 'koa me ka moku ma ka papalina, aōh& he loaa, oiai ia loaa ana no o kela iwakalua dala i "kela poe ua kani lea lakou aka a komo koke aku la iloko 0 ka hale inu rama a ilaila i mamaia ai ua mau iwakalua dala la &, puhi ke okal Ma ka Poakahi nei ua makemake ua wahi Paniolo la e hele i ka papu o Kahauiki e nana ai i ke koa me ka moku ma ka papalina, a no kona a f oia ana *aku ina oia e hele ana ilaila e paa mai ana oia i ka hopuia no kona kuai i na lako o ka oihana koa, ua huli hoi aku la ia i ka hana i ka mahiko o Ēwa me ka ma'i nui he hoka. 0 na waiwai i loaa hewa mai aole ia he mea e pomaikai ai.—Hesiod.