Ka Nupepa Kuokoa, Volume XLIII, Number 41, 9 October 1908 — HOAO HE KEPANI E OKI I KA HAOLE ME KA PAHI. [ARTICLE]

HOAO HE KEPANI E OKI I KA HAOLE ME KA PAHI.

Ma ka mahiko 0 Wainaku, ma Hawaii i hoao ae ai kekahi Kepani nona ka inoa 0 Hiaakiehi maluna o Ebeling, a eia ke Kepani ke paa nei no ka hoea aku imua o ke kiure nui i ka wa e noho mai ai, no kona hoao ana e hoeha me ka mea make. 0 ke kumu 0 ke ala ana mai o kela pilikia mawaena o ke Kepani ame ka haole,e like me na mea i wawaia ae, mamuli no ia 0 ka hoemiia ana o s ka uku o ke Kepani, he $2.50 mamuli o ka nahae ana 0 ke eke kopaa iaia. 1 kekahi kakahiaka ka, e like me na mea i oleloia ae, ia Mr. Ebeling e huli hoi ana no kauhale e ai i kona aina kakahiaka, ua halawai mai lā oia me keia Kepani, a kiola ia aku la kona mau maka me ka puna, me ka hoaano pu ana 0 ua Kepani la me ka laau, a mahope mai me ka pahi, a e ole wale no ka hoea ana ae o kekahi keiki Paniolo, pela i kaawale aku ai ka pahi mai ke Kepani aku. Ua nahuia kekahi 0 na manamanalima 0 ka haole e kela Kepani, aka nae ua eha kekahi lima o ua Kepani la, a pela me kona ihu, a i ka wa i kahea f ai 0 Mr. .Ebeling no na hoea J aku la kana keiki ilaila no ke kokua ana i kona makuakane. I