Ka Nupepa Kuokoa, Volume XLIII, Number 41, 9 October 1908 — HOONOUIA HE HUAMOA ME KA MANAO KOLOHE [ARTICLE]

HOONOUIA HE HUAMOA ME KA MANAO KOLOHE

Ma ka lialawal i malamaia ma Aala Paka ma ka po Poakahi nei, a ina hora mua no, ua hoonouia mai la kekahi huamoa pilau mailoko mai o ke aluka kanaka e kuku mai ana mahope e kekahi mea i maopopo ole, a ua manaoia nae na kekahi no ia o ka poe i maa ia ano hana mai mua mai, a pa ana iluna o kekahi kanaka a o ka nahaha ana nae iluna o kekahi wahine. 0 ka makai kiai Awa Harry Swinton ka mea e noho koke ana malaila, a i ana ae no ka hele ana aku e huli pono i ka mea nana kela hana kolohe, ua nou houia mai la ka lua o ka hua a pa mai la iaia. Ua telepona kokeia na makai kauwai i ka halewai a i ko lakou hiki ana mai ua hoomaka koke lakou i ka huli ana aohe nae mea 1 loaa. Ua piha loa kekahi poe kanaka i ka huhu i ka mea nana i hana kela hana, a wahi a lakou i walaau ae ai, ina no ka loaa o ka mea kolohe e p6pehi muaia ana e lakou mamua o ka haawi ana aku i ka makai. Pau ole no kela maniaO lili iwaena o kekahi poe kanaka.