Ka Nupepa Kuokoa, Volume XLIII, Number 41, 9 October 1908 — HOIKE HOOPUNIPUNI NO KA MAKA'U I KONA HOA [ARTICLE]

HOIKE HOOPUNIPUNI NO KA MAKA'U I KONA HOA

Iloko ae nei o kekahi manawa pokole i hala, ua hopuia ke Kepani nona ka inoa o Morimatsu no ka hoeha ana i kona hoa Kepani nona ka inoa o Ota ma ke Kamp Kepanl mawaho ae nei o ke alanui Beritania ma o aku o ke alanui Piikoi. Mamuli o ke kukonukonu o na palapu i loaa aku ia Ota, ke Kepani i hoeha ia, ua hala okoa keia mau pule no ke kakali ana i keia hihia a hiki i kona puka ana mai ka halema'i mai, a i ka hooloheia ana o ka hihia hoeha o Morimatau, ua hoole o Ota i ka hoeha ana o ka mea hoopiiia iaia, me kona olelo ana ae imua o ka aha, i hoomaamaa kakapahi wale no laua ma ke ano paani, a pela i loaa aku ai iaia kela poino. Ua hoomauia no nae kela hihia ma ka hoopanee ana o ke aupuni i ka hoolohe ana i kela hihia, me ka manao e lawe mai i ka mea i hoehaia a hopu aku iaia no ka hoike wahahee, a ma ke kakahiaka o ka Poakahi nei, ua hoolohe houia na hoike ma ka aoao o ke aupuni, a ia manawa i hoike ai o Ota i ka mea oiaio, oia hoi, mamuli o kona hooweliweliia ana, kona kumu o ka hoike hoopunipuni ana, i wahi e pakele ai ka mea hoopiiia. Ua loaa ka ike i ke aupuni, mahope iho o kela hoeha i hana ia, ua hoao aku na hoaloha o Morimatsu e hoolimalima ia Ota, me ka hooweliweli pu ana i wahi e hooko oleia mai ai ka wikani o ke kanawai maluna o ka mea hoopiiia, pela i hoike hoopunipuni ai o Ota imua 0 ka aha ma ka manawa mua i hoolo» heia ai kela hihia. Mamuli o na oleloike maopopo loa mfi ka aoao o ke aupuni no ke ahewa ana i ka mea hoopiiia, ua waiho loa ia aku la kela hihia imua o ka Aha Kaapuni. ; Olelo mai ana ke kilo wahine o ka aoao Demokarata no Kuhio ana no ka ka noho Elele i keia kau ma Wasinetona. Heaha la hoi ka mea oka papa ole ana aku i ka lakou moho Elele e noho malie iho no i ka hale pohaku ana o ke kukulu ana iho nei; i ole e pa 1 ka leo i na Home Rulaf ♦ i 0 ka hana keia o ke kalaiaina pau ka inanao kuokoa o ia kanaka, he hookahi ka haluku like ana me ka pohai o ka aoao hookahi, a ma ia ano e hoolilo ia auanei ka maikai i ino, a o ke ino hoiimaikai.