Ka Nupepa Kuokoa, Volume XLIII, Number 42, 16 October 1908 — HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe. [ARTICLE]

HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe.

MOKUNA XIX. "Ke hoomanao pu nei no hoi au, o ke kumu o ke kiolaia ana o keia pahu pua e Akeneki ilo-ko o ke kapuahi, mamuli o ka hele ana aku o Lora me kela mau pua rose ame kela leka, a hoopumpum aku iaia, o Lora ka'u i kauoha aku ai no ka hele ana mai e hui pu me a'u ma ke ahiahi nei." "Ke mahalo aku nei au no ka maikai o kou mau manao hoakaka e kuu keiki, akahi no hoi a komo mai ka manao iloko o'u, o ke kumu 0 ko Akeneki makemake ole an;a mai e kamailio pu me oe, i keia kakahiaka, oia no kona ike ana i na mea apau au i kakau ai ma kela leka a Lora o ka lawe ana aku imua ona, aole loa o'u kanalua, i ko Lcfra hana ana pela, i wahi e hookaumaha aku ai i ko Akeneki mau manao." <4 Ke lokahi aku nei ko'u manao me oe e mama ma keia mea, aka nae i mea e hooiaio ma! ai i na hana kolohe a Lora, oia no kona hoololi koke ana i kona lole o ke komo ana mai ma kela ahiahi. Ua ike a he keokeo ko Akdneki e komo mai ana, a me ia lole oia hele mai ai no ka hui pu ana mai me a'u, a o kona hoololi ae la no ia 1 kona manao ma o ka waiho ana i kela lole sihka hou loa o ka hanaia ana nona no kela po, a komo mai la he lole keokeo. "He w«aiala okoa hoi ka kaua e ike mau nei i ko Lora hana i kona hainaka, eia nae ma kela po, ua hoohalike loa oia i kona waiala me ko Akeneki, a nawai no hoi e ole ko'u kuhihewa, a haupu ole ae, lie liona wahine ka'u e puliki ana ma ka nmiumi. E kuu mama, ua manaoio loa au, mai kinohi loa mai no ko Loka hoao ana mai e hoohei ma na ano apau ana i manao ai no'u e kaa aku ai malalo o kona mana i wahi no'u e mare aku ai iaia." "Ke loaa nei ia'u ka hoohuoi no ia mea au e kamailio mai nei, aka e kuu keiki, pehea la oe i hoolohe pono ole ai i ke ano o kona leo, a ma ia wahi no hoi paha e hiki ai ia oe ke ike iho, aole oia o Akeneki, aka he mea okoa!" "Pehea hoi e hiki ai ia'u ke noonoo pono i ka wa o ko u mau manao e uilani ana, aia no ka pono o ko'u hu'e pau aku i ko u mau manao aloha apau iwaho, eia nae ua lilo ia mau hana awiwi ana a'u i mau mea hookomo aku ia'u iloko q ke kulana pohihihi." "H|i elua a fekolu wale no ana mau huaolelo o ke kamailio ana mai ia'u ma ke ano hawanawana, me ka hoohalike loa ana i kona leo me ko Akeneki, a oiai he like loa no hoi ke kiekie o kela mau kaikaimahine, a he wahi poeleele no hoi kela a maua e hui pu ana, nolaila aole loa e hiki ia'u ke ike maopopo aku iaia." Aole loa e loaa ana ia'u ka maha, a hiki i kuu hoikeike ana aku i na kuhihewa apau i hanaia imua o Akeneki." "Na'u e hele aku a hoike iaia i na mea apau," i pane mai ai o (Mrs. Reminakona. "Ke manaoio nei no hoi au, e hoopauia ana no keia pilikia, aka nae he hookahi a'u mea kaumaha loa o ka lilo o keia mau mea i hanaia i mea no Akeneki e hookaumahaia ai, i like aku no hoi me kou loaa ana ia haawina hookahi." MOKUNA XXI. Hala ae la kela la me kana mau hana, a i ka hoea ana mai i kekahi la ae, ka manawa a Mrs. Reminakona i makemake ai e hele aku e hui pu me Akeneki, ua loaa iho la oia i kekahi ma'i ma ka po aku mamua, a hiki ole iho la iaia ke hele ma ia la. Ua hoike aku nae oia ia Hakawela he wahi ma'i wale no ia e oluolu ai iloko o na la elua a ekolu paha, alaila hele aku oia no ka hooko ana i kana mea o ke kamailio ana, eia nae,- ua oi loa mai la ka ma'i maluna ona a hiki i ka hala ana o na pule ekolu, akahi no oia a hiki ke hele mai kahi moe mai. Ina paha hoi i hoounaia aku e ia i leka ia Akeneki ilolko o kekahi o kela mau la ona e waiho ana i ka ma'i, ina ua loaa aku ia Akeneki ka ike no ko laua nei mau ano, a hoomamaia mai hoi ka manao o ua l-aikamahine la, aole nae pela, aia no ota ke noho mai la iloko o ka f>ouli. Mamuli no hoi o ka loaa ole o ka maha ia Hakawela Reminakona, ke ole e loaa mai na huikala ana a Akeneki no na mea i hana -Jkuhihfe?waFa', ua hele hou aku la. no oia i kahi o Akeneki ma, me ka manao o ka manawa hoi ia e hiki ai iaia nei ke kamailio pu me Akeneki, a hoakaka aku i kahi o ke kuhihewa i hanaia, eia nae no elua a ekolu manawa o ia hoao ana aku, ua huli hoi mai oia me ka nele. Ua kakau okoa aku oia maloko o kekahi leka e hoakak piha aku ana i na mea apau e like me na mea i ike muaia ae nei, eia nae ua lioihdi houia mai no ua leka la me ka wehe oleia, a hoopau okoa o Ulakawela i kona manao ana e loaa ana iaia na huikala ana mai ia ĪAkeneki mai. o ka waiho pu wale aku no i keia hana nui pela, a mapia o hiki mai no he manawa e loaa aku ai na wehewehe ana ia Akemeki, ka mea nana e hoihoi hou mai i ko laua mau ano i maa mamua laku. Iloko o kela mau la o Mrs. Reminakona e waiho ana i kona ma l aia no hoi ko Akeneki makuahine ke waiho la iloko o kekahi ma y i ikupilikii, ua manao loa o Akeneki me Akiholo e puka laelae mai ana p Mrs. Walakona mai kona ma'i mai, mamuli o ka loaa ana mai o ka K>luolu i kekalii mau la elua, eia nae ia iho hou ana aku, o ka iho no ia a hiki i kona make ana. Aole wale no hoi o ka ms'i o Mrs. Walakona na mea a Akeneki e noonoo nui ana iloko o ia mau la, aka o kona mau pilikia ponoi no kekahi, i papaluaia aku imua o na pilikia a Hakawela e auamo nei. Aole o Akiholo i hoohemahema i ka haawi ana i kana mau hooikaika ana ma na ano apau e loaa mai ai ka palekana ia Mrs. Walakona mai kona ma'i mai, eia nae ua lilo ia mau hooikaika ana i mau mea ole, aka ua lawe mai no oia i na koikoi apau ma kona aoao a hiki i ka waiho ana aku o ke kino o Mrs. Walakona ma kahi mau o na mea apau. Ua noho kokoolua iho la no o Akeneki me Akiholo, me ka haawi mau ana o ua elemakule la i na olelo hoolana ame na mea nona e hanoli ai, a me he makuakane ponoi loa la o Akiholo no Akeneki ia laua e noho pu nei iloko o ia mau la. Aole nae i loihi loa ia noho kokoolua ana a laua, no ka mea hoea mai la kekahi kauoha ano nui ia Akiholo no ka holo ana aku no ka Moana Pakipika, oia naeleana e mihi loa la no kona haalele hookahi iho ia Akeneki mahope nei. Ina he hana kela e hiki ai i kona mau akena ke hooponopono, a ina no ia he mea e papaluaia ai kona mau hoolilo, ina no ua hpouna oia i kekahi o lakou e hele ma kela hana, aka aole nae pela, ua makemake maoli ia no kona hiki kino ana aku, a pela oia i kamailio aku ai ia Akeneki i ka i ana aku: "E haalele iho ana au ia oe e Akeneki e noho hookahi i ka home b kaua', mamuli o kekahi hatfa ano nui loa e hiki ole ai ia'u ke noho hou iho, a ua makemake au ia oe e noho malie no oe ia nei a hiki i kuu huli hoi ana mai, aole no au e loihi loa aku ana, oiai o oe wale no ko'u kumu e hoi koke mai ai. "Ina nae aole oe i makemake e noho aku ma kekahi mau hale hoolimalima." "Ina oe e hele ana, alaila ua like no ia me ko'u noho hookahi ana ihol me ka hoaloha ole ma keia ao inea," wahi a Akeneki o ka

pane ana aku oiai hoi kona mau maka ua hele a piha i na waimaka. "Aole no au e loihi loa aku ana, a e hoomanao oe e like me ka loihi o na la a Akiholo e holoholo ai maluna o ka ili honua, pela no auani oe e manao mau mai ai ia'u ma ke ano he hoaloha nou, e haawi ana hoi i na pulama ana ina na mea apau nou e hauoli a e pono ai." "Ao'le paha e hiki ana ia'u ke noho i ko kaua home nei, no ka mehameha o keia wahi owau hookahi wale iho no, a no ka hoomanao ana ae no hoi kekahi no kuu makuahine aloha. E aho no paha ko'u hoi ana aku a noho iloko o na hale hoolimalima o Mrs. Gac!ana. manao no hoi au aole no oia e kaki mai ana ia'u a nui loa ka uku hoolimalima no ka mahina hookahi. "He mau dala no ka mama o ka malama ana na maua, a hui pu hoi me ka'u wahi loaa ma ka noho humuhumu ana aku, ua lawa loa ia a hiki i kou huli hoi ana mai, a hoi mai no hoi kaua a noho like ma keia home ou." "Ina ua makemake oe e hoi aku a noho ma kahi o Mrs. Gadana, ua hiki no ia oe ke hana pela, aka o ko manao ana e hele i ka hana, aole loa au i makemake e ike ia oe e hana ana oe i kekahi pale kaliki hookahi, no ka mea ua ili iho maluna o'u ke koikoi o ka hoolako ana aku ia oe i keia inanawa, a mawaho ae o ia mau hoolilo, ke haawi aku nei au i keia mau dala i mau mea hoolilo no kou mau hemahema," me ke kiola ana mai o ua elemakule la he ekolu mau bila dal& o hookahi haneri me kanalima dala pakahi. "Ua makemake au e hooia mai oe ia'u i keia manawa e hele mau oe i ka holo kaa i na la apau, no ka mea ma kou helehelena ke nana aku, aole loa oe i kupono iki e hele ma kekahi hana, nolaila pehea kou manao no keia mea a'u e kamailio aku nei ia oe?" "E Akiholo," i hoomaka mai ai o Akeneki e kamailio me kona piha i ke pihoihoi ame ke pahaohao no kela mau olelo a Akibolo ame na dala ana i'haawi aku ai, alaila hoomaka hou mai la x e kamailio: "Aole loa au i manao he wahi lihi kuleana kekahi o'u i keia mau dala au o ka haawi ana mai nei, a pela hoi kou uku ana no ko'u mau hoolilo o ka noho ana aku iloko o ka hale hoolimalima." "He mau koi kupono kau ia'u ma na ano apau, no ka mea nau ame ko makuahine i hoololi loa ae i ko'u ano a loaa ia'u ka hauoli i keia manawa, nolaila mai imi wale mai oe i kumupale ma kou aoao. E hana aku ana no au e like me ka'u i makemake ai me kou komo hokai ole mai ma ia mau mea, nolaila e hele aku oe e hoomakaukau i kuu paiki, alaila hoi mai kaua a inu ti like, no ka mea o keia no paha ko kaua inu like ana, a hiki i kuu huli hoi hou ana mai." Ike aku la o Akeneki i ka paakiki loa o ka manao o Akibolo, nolaila o kona hele aku la no ia e hoomakaukau i ka paiki o Akibolo a hoi mai la no ka inu ti pu ana me kona hoaloha. Iloko o Jkeia mau kaumaha apau i kau aku Akeneki, ua hoomamaia aku ia mamuli o ka ike ana aole he kanaka e ae ana e kau aku ai na maka no na kokua o keia elemakule wale no, a ke hoomaopopo la oia, nona keia home i na wa apau ke koho oia e noho ilaila, a me kela manaolana hauoli i hookuu ai laua ma ia ahiahi. Ma ke kakahiaka nui o kekahi la ae, ua haalele mai la o Akibolo no kana huakai aukai, oiai hoi o Akeneki i hooponopono iho ai i klahi hom-e' o laua, a mahoipe iho o kona hookuu ana aku ia £ hoi no kona wahi, ua hoi aku la oia a noho ma kahi no a laua me kona makuahine o ka noho mua ana mamua o ka loaa ana aku ia Akibolo. Ua haawi mai la ka ona hale Mrs. Gadana i na rumi maikai loa ia nei e noho ai eia nae aole i liJo ka nani ame ka maemae a |a mau rumi i mea e hoomamaia mai ai kona mau manao kaumaha, oiai akahi no oia a kaawale mai kona makuahine mai, a hui pu iho hoi me kona manaoio loa ana i ke apuhi o Hakawela iaia, ua lilo ia i mau mea hooniua loa aku i kona noonoo. O ka hoea ole aku hoi o Mrs. Reminakona e ike iaia mahope iho o kona huli hoi ana aku i kona home, a i ole hoi ia kakau aku la hoi iaia, kekahi kumu nana i hookomo aku i ka manao iloko o Akeneki, ua like no kona manao me ko Hakawela, oiai nae aole i lohe iki o Akeneki no ka ma'i o Mrs. Reminakona. He mea waiwai ole nona ka noho pu wale iho no pela, a lilo i mau mea nana e noonoo mau ai keia mau pilikia i kau aku maluna ona, nolaila, i mea e lilo ai kona manawa i mea waiwai mamua o ka huli hoi ana mai o Akibolo, ua hooholo iho la oia e hele i ke kula ma na hora kakahiaka, a ma ka auwina la, e hele ai oia ma ka holo. kaa ana. O ke pena kii kana hana i. makemake loa ai, e like no mē ka lilo ana o ia hana i mea nui iaia iloko o kona mau la e hele ana i ke ! kula, nolaila mahope iho o ka hala ana iaia he hookahi pule o ka noho hoomaha ana, ua hele aku la oia e ike i kona home kahiko i noho ai ma Elekina, oia no hoi kela wahi a Hakawela o ka hoopakele ana iaia mai ka ulia mai o ke kaaahi. Mamuli o ke kalae maikai o ia la, a mamuli o ka pa mai a ka makani me ka hu'«hui, ua lilo ia mau mea i mea e hooluoluia mai ai na manao o Akeneki, a hui pu iho no hoi me kona ike ana aku i kana poe i kamaaina mua ai ma ia wahi; ua hookomoia ipai he ola hou iloko ona ma ia la. Ua hele aku oia e ike ia Mr. Naita, a ua hoohalaia he mau hora me kela keonimana, i?ie ke.koi okoa ana mai iaia nei noho aku ilaila a hala he mau la, alaila huli hoi mai no kona wahi, eia nae ua hoole loa aku o Akeneki i kona manao, a ua hele a htki i ka hora eha o ke ahiaijhi, ua hoi mai la ua kaikamahine la no Kikako. O ke kulana loli nae i loaa ia Akeneki ma ia la, niamuli o ka nele ana e! ike i kona mau hoaloha kaliiko, ua loli koke ae ia, mamulii o kon'a hoomanao ana mai i kela kakahiaka i loaa ai iaia o ka ulia, ?a Hakawela i hoopakele mai ai iaia, a ke ku la oia a nana i kahi ana i waiho maule ai, a o keia ka mea nana i hoihoi hou mai i na hiona kaumaha maluna o kona helehelena. Ia Akeneki nae e ku ana maluna o ke kaa e nana ana i wahi nona e noho aku ai, ua ike aku la oia i ka noho mai o Habaki Aboka, a no ko ia nei makemake ole e kamailio hou me kela keonimana, ua awiwi pku la oia e hele e huli i noho nona, me ka manao aole oia i ikeia. mai. Ua hele aku la keia a noho iwaena o ke kaa, a wehe ae la heluhelu i kana buke hou loa o ke kuai ana mai no ma i,a la, aka ua piha paa he umi minuke o ia heluhelu ana iho ana, ua lohe aku la oia i ka wehe ia ana mai o ke pani o ka puka mahope aku ona, a manao ae la keia o Habaki ka mea e hele mai nei, me ka manao e noho pu mai me ia nei, a he oiaio o ua keonimana la no ia a ia nei i haupu mua ai. "Aloha ahiahi oe e Miss Akeneki," wahi a ua Habaki nei i kamailio mai ai me ko nana ole aku iaia, oiai nae ua hoomaopopo mai la no oia ma ka leo aole keia he mea okoa aku e kamailio aku nei iaia. "He hauoli keia i loa ( a ia'u o ka halawai hou ana me oe, aole au i manao o oe kekahi ohua maluna o keia kaa hookahi, Ua ike aku nei no au i k'e ku mai o kekahi lede ilalo o ka honua mamua o ka holo ana mai nei o ke kaa, a eia no ko'u lioomaopopo ana mai nei ia oe, a i kou hele ana m,ai nei no keia kaa. E ae mai ana anei oe e noho pu aku au mai ko aoao ?" Ua manao no hoi ua o Akeneki e hoole aku i ka'noho pu aku o' Habaki me ia, a oiai he hana rula ole hoi ia nana ka hoole ana mai i ke noi a kekahi keonimana, nolaila o kona po'epo' aeīa no ia i kona lole me ke kamailio ole mai i u,a keonimana nei e noho pu aku me ia, oiai nae e hookaawale mai ana oia i wahi no Habaki e noho aku ai. 'Ua ho'olalau wale ae la no o Akeneki, me ka pani ana iho i ka !buke moolelo hou ana e heluhelu ana, me kona makemake ole no keia komo hokai wale ana aku no o keia kanaka i kona manawa heluhelu. No' Hahaki nae, ke kauli wale la no oia i ke anu Waialeale, me ka huki ana ae i kona hainaka i hele a paoa i ke ala, i wahi e ike mai ai o Akeneki i ko ia nei ano lalawai. He manawa maikai loa keia i loaa ia Habaki, o k?a noho kokoolua ana me Akeneki, oiai iloko o kekahi mau la aku i hala, e kuk4 wale ana no oia o ka loaa iaia o kekahi manawa e hui pu ai me keia kaikamahine ana o ka hoohihi ana, a o ka loaa ana hoi o keia ulia laki

f ma kela la, hele loa ua keonimana lalawai la o Kikako Ika hauoli. Ke noke aku nei ua o Habaki i ke kamailio ia Akeneki nia n.i ano apau e ume mai ai i ka manao o ua kaikamahine la, aka no Akeneki nae, aole loa he wahi lihi hoihoi iki iloko ona 110 keia kanaka. Ke ike la no oia, he kohu ole loa nona ka lilo ana i hoa kamaiiKi no keia keiki a ke kanaka waiwai, oiai he ilihune oia, a ua kupmio v ole kona komo pu ana mai iloko o ka poai o ka poe kiekie a han<>hano. Aole nae ma ke kulana ka Hahaki e nana aku nei, aka ma ka u'i o keia kaikamahine a he mea ole na mea e ae apau iaia iloku ,> n3 minuke o kona hauoli, nolaila ke kuupau la oia i kana aila, aia k;i pono o ke ona mai o ka i'a ia Makalei. He hookahi hapakolu o kahi i koe hoea mai ke kaaahi no Kiknke, ua ku honua iho la ko lakou nei kaa, a o ka wa ia o Akeneki i i aku ai i kona kokoolua. "Heaha la hoi keia mea o ko kakou kaaahi e kv nei, manao au aole paha i loaa kekahi mau ulia e liiki ole ai ke hoomauia aku ko kakou holo ana aku no Kikako." "E hele ae hoi ha au e nana i ke kumu o keia pilikia, a e noho malie no hoi oe a h ; .ki i kuu huli hoi hou ana mai," wahi a Hahaki, me kona ku ana ae iluna a hele aku la nowaho o ke kaaahi me ka nui ae o na keonimana ohua e nana i keia kumu o ke kaaahi i ku a;. Aole no hoi i li'uli'u iho, u;a pii hou mai la o Hahaki noluna o ke kaa a i mai la: "O ke kumu oko kakou kaaahi eku nei, mamuii no ia o ka hu ana o kekahi kaa ukana i kula, a ke m.anao nei au aole e hlki' ana e malaelae ke alahele no kakou a hīki i ka hoea ana mai o na kokua, no ka hana hsi ana i ke alahao', a ma ia ano iho la e ka!i ana kakou ia nei a hiki i ke kakahiaka o ka la apopo." Ua lilo keia ulia i loaa i ke kaaahi i mea no na ohua apau e pihoihoi ai, a o ka oi loa aku nae o ke pihoihoi o Akeneki, mamuli o kona hoomanao ana ae, e komo aku ana paha ka hoohuoi iloko .> kona haku hale Urs. Gadana no kona hoea ole aku i ka hale ma i;t ahiahi, a o ka ike ana ae no hoi kekahi, aole he wahi kupono o keia kaaahi no ka hooluolu ana ma ia po. Ua hoolana iki ia ae nae ko Akeneki manao pihoihoi mamuli o ka pahola ana ae o kekahi lono iwaena o na ohua, no ka hoounaia ana aku o ke kauoha ma ke kelekalapa, no ka holo ana mai o kaaahi kuikawa e kii mai i na ohua, a oiai he mau hora loihi no ia e ikakali aku ai mamua o ka hiki ana mai o ia kaa, aia no ka hopohopo ame ka maka'u iloko o Akeneki ke halii la iloko o ia manawa. Ua lilo nae o Hahaki i mea kokua nui aku ia Akeneki iloko o keia mau hora a lakou e kakali nei o ka hoea mai o kela kaaahi, o\'ii ke hele loa aku la i na hofa o ke aumoe, a ke pii mai la ke anu, me ka lele ino ana o na ao kaalelewa, e hoike mai ana i kekahi ino a hoea mai, a oiai he kuka pumehana kekahi o Habaki e hele pu nei me ia, ua hoaahu aku la oia maluna o Akeneki, a hele aku la iloko o kekahi mau kauhale o ka poe mahiai e ku kokoke mai ana, no ke kuai ana i kekahi mau mea ai na kona kokoolua, a he oiaio ua huli hoi mai !a oia ine kekahi mau i'o pipi palai, he mau apana palaoa a he pika kope. No keia mau liana ku i ka lokomaikai a Hahaki e hana aku nei ia Akeneki, ua ano akakuu mai la kona mau ano uahoa no keia keonimana, a ke ai like la laua i na mea ai, me ka hoonuu, a o ia ka Akeneki 0 ka pane ana mai: "He mau mea ai ono maoli keia au o ka lawe ana mai nei. a aole au e poina ana no keia ai pu ana o kaua maluna o ke kaaahi. Ina aole i loaa ia'u keia mau mea ai, ina ua pololi loa au mamua o ka hiki ana aku i Kikako, a ke hoomaikai aku nei au ia oe no kou lokomaikai." N© keia mau olelo ku i ka hoomaikai a Akeneki e haawi aku nei ia Habaki ua kuhihewa loa mai la keia ua like pu ka m.anao o keia kaikamahine me kona, o ka wa ia i oi loa mai ai ke kuu ana o ka palu a ua k'eiki nei, a hiki i ko Akeneki mihi okoa ana iho no kela mau mea ana o ka hoike mua ana aku ia Habaki. 1 "Ina no hoi paha oe e Akeneki e ae mai ana la na'u oe e kiai mau aku i na manawa apau, a e hoopakele ia oe mai na ino mai o keia noho ana ina aole au mea e maka'u ai, a aole oe e noho mehameha a nolio hookahi iloko o keia ao inea," wahi a ua Hahaki nei nie ka leo i piha me ka waipa-he. Ua papani okoa ae la o Akeneki i kona mau pepeiao; me ka huli ana aku o kana nana ana i kalii e me ka pupuku ana iho o kona mau maka, a oiai ua puka okoa aku la kela mau huaolelo mai ia Habaki aku; aole ana hoololo hou ana iho, aka o ka wa oi loa aku ia ana i manao ai e pahele aku i ko Akeneki manao. "Mai hoohuli mai hoi paha oe e Akeneki i ko kua ia'u," i pane aku ai ua o Habaki, nie ka uhi okoa ana aku i ke kuka hoopumehana maluna o Akeneki, a hoohuli okoa mai la no i ke kino o ua kaikamahine nei iaia. "He keu no hoi kou lokoino ia'u i kela po a kaua i hui hope ai ma kahi o Mrs. Reminakona. O ko'u liuli hoi ia me ka manao e ike ia oe mamua o kuu hiili hoi ana mai i kela po, eia nae aole oe i loaa iki ia'u a hiki i keia halawai hou ana iho nei o kaua. He nani hoi ia ke hui hou nei kaua, nolaila e hoike okoa aku ana no au ia oe, me ka hookamani ole, ua hauleliia au i ke aloha nou, a aole no hoi au e kala i manao ai e hoike maoli aku i keia manao ia oe, eia hoi o ka loaa (ole he manawa no kaua e halawai pu ai." | No ka hiki ole ia Akeneki ke uumi hou iho i kona mau manao hoowahawaha a hoihoi. ole no keia kanaka, ua i okoa mai Ia oia i ka pane ana mai: "Ke kauoha aku nei au ia oe e Habaki, mai hoao oe e kamailio hou mai i na olelo o keia ano ia'u no ka mea aole loa au i makemake i kena mau olelo," wahi a Akeneki me ka pii pu ana ae o ka ula ma kona mau papalina. "Aole e liiki ia'u e Akeneki ke hoomanawanui hou iho e uumi i ko'u aloha nou. Ina oe e hoole mai ana ika lilo ana mai na'u, alaila ua like no ia me ko hou okoa ana mai i ka pahi oilua ma kuu puuwai, no ka mea o oe wale no kuu hauoli ame ko'u ola ana a'u e kau aku nei e loaa he nohona hauoli ana no ke koena aku o ko'u mau la o ke ola ana aku." "Ua hiki ole ia'u ke hooko aku i kau noi, a e like no me ka'u i hoike moakaka aku nei ia oe mai kamailio hou mai oe i na olelo o keia ano ia'u, o ka'u pane iho la no ia i mea e ike m.ai ai oe i ko'u ano maoli," wahi a Akeneki. Ua pii mai la ka huhu ame ka hoonaukiuki ia Habaki no keia hoohokaia mai o kona mau manao, aka e like no me ke ano o kekahi poe kanaka ka imi ana aku ma kekahi mau ano limanu: a m.ui hana puuwai eleele i mea e hookoia ai ko lakou mau manao, pela iho la no i ala mai ai na manao o ia ano iloko o Habaki ia manawa, aka ua pane aku Ia no nae ua kanaka nei ma ke ano hoomalae: "E huikala mai oe ia'u e Akeneki no keia mahaoi ana aku nei o'u, aka hoi, pehea hoi e nele ai ko'u hoike okoa ana aku ia oe ia mea, oiai uā hiki ole ia'u ke uumi hou iho i ka puapuai ae o ka wai mapuna oke aloha ia oe. E hoomanawanui no hoi paha au pela, a malia 0 hiki mai no hoi ka wa nou e maliu mai ai i ka'u mau 'ulono ana aku." Mamuli o ka waipa-he o keia mau olelo a Habaki, ua mihi maoli mai la o Akeneki no na olelo kikoola ana o ka hoopuka mua ana mni ia Habaki, a o ka olu hoi ia o ua kanaka opio nei o ke komo ole aku o na hoowahawaha ana a Akeneki nona, nolaila ua hoohuli hou ae 1* o Habaki ika laua kamailio ana m.aluna o kekahi matt mea e ae, ua hoihoi hou ia mai ke ano oluolu o Akeneki no Habaki. Ua hele a hiki i ka hora umi-kumamakahi o ia po, ua kani mai la ke oeoe o ke kaaahi i holo mai la no ka hoopakele ana aku i na ohua o keia kaa e kakali nei mamuli o ka loaa ana o kekahi ulia, a o ka hoomakaukau koke iho la no ia o na ohua apau e haalele iho i'keia kaa, a hele aku la no kahi o ke kaa hou e kakali mai ana ia lakou nei. He mau kapuai wawae helu no ia a lakou nei e hele aku ai a oiai ua halu mai la ka hau iluna o ka honua, nolaila ua hu'ihu'i m'aoli ia po a 1 ahona wale no o Akeneki i ka loaa ana iaia o ke kuka pumehana o Habaki, a i kona kbmo ana iloko o ke kaaahi hou, ua hc!c maoli oia a ha ukeke. 1 Aole! pau.