Ka Nupepa Kuokoa, Volume XLIII, Number 42, 16 October 1908 — LINK McCANDLESS KA HOOPOMAIKAI. [ARTICLE]

LINK McCANDLESS KA HOOPOMAIKAI.

Aia anei he kanaka Hawaii koho baloka i makemake e loaa ona kome hookuonoono, kahi e hiki ai iaia e kanu i mau ■wahi taro liilii, a i ole malama paha i "wahi puaa, a mau moa paha; a i ola hooulu paha i kekahi mau mea kanu a mau huaai pahal Ua makemake anei oia e uku liilii aku no ka aina i kela ame keia manawa! No keia manawa anei kana i makemake ai mamua o ke kali ana aku a hiki i ke kohoia ana he Senate Demokarata, he Hale Lunamakaainana Demokarata a he Peresidena Demokarata a ia manawa o Link McCandless e koi aku ai ia lakou e lokahi mai me ia no ka puunaue ana i ke kumuhana 160 eka aina maanei nei—he manawa e hoololoiahili aku ai e like me ka olelo a Kathleen Mavonrneen, oia hoi; "he mau makahiki paha e kali aku ai, a i ole no ka manawa pau ole paha?" Ina pela io ea, no keaha mai ka mea NINAU ole aku ia LINK? He eono haneri ka nui o na eka aina i onaia e Link ma ka Mokupuni o Oa.hu. He mau aina maikai wale no apau. l T a hiki iaia ke mahelehele ia lakou i na apana liilii o ekolu eka o ka apana, i mau aina kanu taro. i mau aina kanu i na mea kanu a mau hua ai; a no ka hanai puaa a moa paha, I ka maheleheleia ana pela, e loaa aku auanei i kela ame keia o ka poe koho haloka he 2000 o na kamaaina he mau home hookuonoono. I ka lawe ana mai a kau aku i ke kumukuai kupono, aole no e nele ana ko Link kau i ke kumukuai o like me kona aloha i na kanaka Hawaii mamua o ke kumukuai, ma ka olelo ana ae i $40.00 no ka eka—no eono makahiki e hookaa ai, a o ke kumukuai e haawiia aku ai i ka mea kuai mai, he $20.00 wale no no ka makahiki me kahi ukupanee uuku loa e hui puia mai ai. Ua hiki loa no keia jmeaske hana kokeia aku i keia maj nawa—oia hoi ke pau na aina i ke ana j ia. I ka -wa mua ua hiki i na kanai ka Hawaii ke kukulu i hale mauu, a mahope aku .e kukulu ai i hale oi ae o ka maikai i ka wa e loaa maoli mai ai ke kuleana i ka aina. E maalahi auanei na mea apau nona. He mea oiaio, aole o Link i hana aku i kekahi mea o keia ano. O kana wale no i manao ai, na Amerika Huipuia e haawi wale aku i na aina o ke Teritore i na kanaka Hawaii ma ka 160 eka o ka mea hookahi. He pono nae e ike o.Link, aole no Papa Sam keia mau aina, a aole loa ma ke ano a Link e manao nei ka Amerika e hoohana mai ai. Aole loa i malama o Papa Sam i ka aina no kekahi poe katiaka, koe wale no ka poe Ilikini koho baloka ole. laia i vehe ai i ka apana aina ma Okalahoma, aole oia i haawi aku i ka poe noho kokoke mai ana, aka ua hoike aku oia i na mea apau iloko o Ameiika e hele mai e koho i kela mau apana, a ma ia ano, he mau kaukani ka poe i hoest mai. O keia maoli iho la no kana e hana mai ai maanei nei, ke holopono ka hoolala ana a Link. E hoea mai ana ka poe ili keokeo alunu aina o Amerika a hookeke aku i na Hawaii, a hookuene pono iho ko lakou la noho ana, ao ka mea maopopo loa e pili pu ana na I Ha-waii ma na hana kalaiaina kuloko; a o ka mea pilikia aku ia no na kanaka Ilawaii. Malia paha aole o Link i noonoo mua no keia mau mea apau, malia paha, ma ke aka wailiula wale no; o ke aloha wale iho la no i na kanaka Hawaii; o ka oi aku nae o ke aloha, oia no ke kokua ana aku ia lakou; mamua hoi o ko lakou la kali loa mai no kekaiii mea e hiki ole loa ke loaa aku ia lakou. Ua like pu ia me keia. E noi aku ana ke kanaka ilihune i ke kanaka waiwai e haawi mai i na kokua ana, a eia mai kana olelo: "E kali malie oe pela, malia paha o loaa ia'u kekahi mea nana e kokua mai ia oe.'' A e olelo īpai ana hoi kekahi kanaka e aku: "Aole au i maopopo no ia mea. E kali ae au no kekahi ma> nawa a maopopo ka'u mea e hana aku ai. Ia wa auanei e komo mai ai kela ame keia hana nona iho." I ka lofte ana i kela mau olelo e olelo mai auanei ke kanaka waiwai mua loa, ina he aloha io kona ika mea noi: "Ina hoi ha pela, na'u no oe e malama aku, aole o'u makemake e ike aku i kou make i ka pololei. Eia mai kekahi mea nou e pono ai i keia manawa." O ka ninau e ala mai ana oia keia; o Link anei ua kanaka aloha la; a i ole, ua makemake no paha oia e loaa iaia kekahi pono nona iho; a e hoo« paneenee aku ana i ka makemake o ke kanaka ilihune me na hoohiki lehulehu, e pili ana i ka mea a kekahi e hana mai ai, ke manao oia e hana aku pela i ka manawa e hoea mai ai mahope. O ka mea oi ae o ka maikai no na kanaka Hawaii koho baloka e hana ai, o ka hele maoli aku no e ike ia Link maluna o keia kumuhana. E noi aku iaia e haawi mai i aina ma ka hookaa liilii ana. Malia o ae mai no hoi oia, o ka hoomaka koke no ia o ke ana ia o na aina mahi a hanai holoholona me ka ole. O keia ka mea oi ae o ka pono mamua o ke koho ana aku ia Link i keia manawa; mamua o kona olelo mai maope.—The Bystander Sunday AdvertiBer o Okatoba 11, 1908. hoike aku ai i ke kumu o ko'u lawe ana mai i ua kanawai o la. A. S. KALEIOPU. Honolulu, Okatoba 11, 1908.