Ka Nupepa Kuokoa, Volume XLIII, Number 42, 16 October 1908 — HOOPAU I KONA HOLO MOHO ANA [ARTICLE]

HOOPAU I KONA HOLO MOHO ANA

Ma ka leka i kakauia mai ia Kakauolelo o ke Teritore Mott-Smith mai ia C. K. Farden mai Maui mai, e hoike mai ana oia i kona makemake ole e holo mai i moho no ke kulana Lunamakaainana ma ka aoao Eepuhalika, aka e kauoha mai ana i ke Kakauolelo, e kau aku i ka inoa o D. H. Kahaulelio ma kona wahi. Ua hoouna mai o D."H. Kahaulelio i (kona palapala holo moho me na dala he iwakalua-kumamalima i kulike ai me ke kanawai. No ka minaminaia o ka inoa o Mr. C. K. Farden, me he mea la e koi houia aku ana no oia e ke komite kuwaena o ka aoao Kepuhalika e holo no no kela kulana, i loaa ai ka ka ikaika i kela paa baloka.

Ma ka po o ka la apopo e lohe houia ai ka: leo o na moho Repubalika ma Aala t*aka. Naueue auanei paha ua paka la ina paapaaina ona pukuniahi kani pamalo o ke aumokukaua o ka Pkipika. ' • • :■ •