Ka Nupepa Kuokoa, Volume XLIII, Number 42, 16 October 1908 — HE LETA MAI KA AINA MAMAO MAI. [ARTICLE]

HE LETA MAI KA AINA MAMAO MAI.

•Seattle, Wash., Sept. 26, 1908. Aloha oe: —Eia no wau ke hele nei e auana ana nia ka ili o ka honua ame ka ili o ke kai, ina paha o keia mau ili a he ili kanaka, ina paha ua nui ka waha i ka uwe i ka eha i ka hehi ia e a'u, auwe eha ia kuu ki. He maikai ke ola a he hauoli mau ia noonoo a he maha ma na ano apau, ia'n ma ka ili honua a ma ka ilikai a i na muliwai ame ke ahi o na manao iino, hoomanao mau ae la au i ka Jsaia mokuna 43:2, laaia mokuna 41: 10 a na keia mau mea e hoohauoli sa'u. I Oregon aku nei au i Klamath Pall, a mailaila au i hele ai he 75 mile hou Bia ka hikina olaila no ka makaikai anie ka hele i ka hahai holoholona; xme ka nana pu no i ka noho ana o ieia lahui ame na kamaaina ame ka manaolana no, anoai o loaa ia'u keka--11 mea hou, hana hou a'u e ike.ai he mea ,e pono ai no kou mau hoaloha ame "kon lahui, oia no kekahi mea ake loa & ko'u noonoo. Eia ka'u ihea i ike, kahi a ke aupnni o Amerika i hookaawale ai no na leamaaina, oia hoi na IlikinL ame ka hana ake Aupuni e hana nei. Ua hoo« leaawale ia he kala no na Ilikini aole e hiki ia lakou kuai, aole hoi e hiki i ke dala ke hoowalewale aohe alanni e hiki ai ke lilo e mau ia mai ka makua a i ke keiki a i kana mau m&mo a i ka hopena. Eia' he mau hale kula Hanai no na "keiki Hikini kane a wahine e a'o ana i ka ike o na ano apau, a o ka ike a'o aui ia i na keikikane o ka ike mahiai ame ka ike hanai, ame ka nana ana i ka mea iloko o ka lepo a o na kaikamahine ma na ike malama hale, humulumn, kuke, hookani pila, hoolohe aku Ta au i ke kapalili mai o ka leo mele x kamalii Ilikini. Na ke aupuni na lilo apau mai ka lole, ai ame i'a. aolie lilo a ka makua, pela mai ka Akena ia'u ame ko'u alakai. Ke a'o nei ke aupuni i na Ilikini i ka hana ana; ma na mea kanu, aine ka hanai a malama ana i na welo holoholona me ka hoowelo ana he hoolako ia na welo lio ame pipi ma na koko helu ekahi, aohe kuai, aohe lilo e ae a oiai makou e nana ana lohe ia mai la lie haole ua make ua powa ia e ka Ilikini a ke liele la ka Akena e hooponopono. E a'o ia na keiki Hawaili i na ike mahi, kanu ana, nana ana i ka waiwai io o ka lepo ame. na mea kupono nrt ia mau mea, ina i Kula Kiekie a i kupakako wale no ka hana, aohe oihana na lakou apau, o ka poe kupono no no ia hana a he hiki i na makua ke kupono a na ke aupuni e hoomakaukau ia niau ae haawi wale ia i mau apana aina i iia keiki Hawaii ponoi e a'o ke aupuni ia lakou i ka ike kanu i na ano meakanu, a na ke aupuni no e hoolako i na mea kanu, a he makeke «o ke aupuni e hiki ai ke kuai ia na meakanu a keia poe, a na ke aupuni e hoonoho ia kanaka. E kanu waina a e kaomi ia ka waina a oia waina maikai ke kuai, aole o ka waina maopopo ole mai na aupuni e ke kuai. I kanaka na ke aupuni e hoolako i mea alakai, a i mau wahi kanu meakanu ma kela ame keia apana koho o ka mokupuni, haawi wale i ka poe jnea aina a e kanu ana, na laau hua ai wale no, a na ke aupuni e kuhikuhi a e a'o i keia poe i ke ano o ke kanu ana ame ka malama ana e like me ka j&merika e hana nei. īna he mea hiki keia, a ina aole alaila na ke aupuni e huli a e hooponopono i loaa a hiki e ku ai i ke kanawai & ina aole alaila na ng. Lunamakaaiaiana a i ole na na Senatoa e hana i kanawai i ka Ahaolelo, aole o ka waha kole wale iho no aohe mea loaa. Ina kakou e hana ana me ka lokahi 0 ka noho ana aloha a huki like kakou i ka manao lokahi ine ka manao aioha i ka aina ame ka Lahui, manaoIhna au e holomua ana ka aina a nalo aku ana ka ilihune, aole e hala, a o Tta poe apau e holo baloka ana apau e holo ana lakou me ka manao aloha a e hana ana me ka lokahi, aole no ka oiLana ame ka uku mahina. Ina e holo ana ke kanaka i Lunamakaainana a Senatoa paha e noonoo ia 1 kekahi mea ano nui e ola ai ka lahui ame ka aina ina no hookahi ua like ia me ke kuikolu a kia hoomanao nona a pela aku ana," a o ke ala no ia o ka'u e ike nei, aohe nana ia o na hana pono a maemae a ke kanaka, aka ke ake nku nei no kekahi poe e kapae ae iaia a oia ma ia wahi, aole nae he mau kumu e ae hookahi wale no o ke kulana ame ka uku mahina ame na mau a o lili e hoopau aē kakou ia mau manao a ake o ka mea e paa ana i ka oihana ina he hoopono a malama pono he hauoli ia no kakou a he inoa ia a he anuu ia o ka hapai ia ae o ka inoa o Hawaii iluna, ina ia he Hawaii. E like me ka "ninau ina e loaa he mau kanaka pono pehea pakele no anei ke kulanakauhale, ae, a i ka huli ana aole, pehea kakou e pepehi nei i ka poe kupono e waiho i ka poe kupono, a o na makalua e ulu ia ana e ka nahele oia ke hukihuki ae a kanu aku i ka mea maikai e ao kanaka ae kakou, a e hoplohe i na olelo a'o maikai, a e malama i ko kakou mau waha mai ka hoino wale ana a e malama i ka Hal. 141:3, alaila aole e loaa ī'a kakou na nohona ku-e a hookolokolo oiai he pahi oilua ke alelo e oki ana i ke kaula kula maemae o ka nohona hoaloha a e makaala no a e pule mau i ole e poina a lilo i ka huhu, a oia no ka hoomana ana i ke Akua E. J. BAKER. (Aole i pau.)