Ka Nupepa Kuokoa, Volume XLIII, Number 42, 16 October 1908 — HE HOALOHALOHA. [ARTICLE]

HE HOALOHALOHA.

Me ke kaumaha, minamina, aloha poina ole, nou e Naney Kameeualani Eldredge. Ma ke kakahiaka poniponi 0 ka Poalima i hala, Okatoba 2, i poha mai ai ka uwila telepona, o Kvneeualani ua hala aku la i na hora wanaao, a niau aku la i kana huakai hele, aohe koolua, aloha wale oia. Ua hala aku la ia kamaaina kuonoono o Hawaii, ua meha ka leo heahea, ua nalo na helehelena mahiehie, ua mae ka pua o ia Home. Ma ka aoao o kona moe e waiho oni ole ana, kana mea aloha he kane, Mr. A. K. Eldredge, kona hanau mua Mrs. M. K. Stillman, na keiki a na hanan mua, ka ohana, na hoaloha ame makou kona mau hoahanau Kaahumanu, e n a e makena pu ana, no ka mea aloha 1 hala aku la. He wahine oia i kamaaina nui ia iwaena o ka poai o ka poe hanohano, he pokii kaikuahine no Col. S. Parker, a ua maa-na poe i ike ia lakou, na poe kuonoono o ka aina mauna. Nolaila, Hooholoia 1. O makou apau ua lala o ka Ahahui Kaahumanu, Mahele Elua o Kohala Akau nei, ke komopu aku nei me ka ohana ke kane mare i hoopeleia i kau wahine aloha, ka hanau mua i nele i ka pokii, ke kaikunane i nele ia kaikuahine, na keiki hoi i hooneleia i ko oukou aunty alolia, o makou pu iH)ko o ko oukou mau kaumaha. 2. Ke nonoi aku nei ka leo o ka makou pule i ko kakou Hakw alolia, e oluolu mai kona lokomaikai, e hookipa aku i ka uhane o ko makou hoahanau iloko o kona aupuni o ka maha īnaluna. 3. E hoounaia i hookahi kope i ke kane mare pakahi &>pe i na nupepa Hawaii apau. 4. E hoopaa ia keia Hoalohaloha ma ka puka moolelo o keia Ahahui. Na Komite —Caroline Ne, Julia Kawewehi, Margaret K. Holstein, Pukaua Moku, Ana Hussey, Mele Lono. Koliala, Okatoba 6, 1908.