Ka Nupepa Kuokoa, Volume XLIII, Number 42, 16 October 1908 — LILO KA HAPANUI O NA MOKUAINA KOMOHANA IA TAFT. [ARTICLE]

LILO KA HAPANUI O NA MOKUAINA KOMOHANA IA TAFT.

CHICAGO, Sept. 24.—0 na palapala hoike i hoihoiia mai e pili ana i na noi baloka mua f o na mokuaina Komohana loa i lawelaweia malalo o na hooponopono ana a Lunahoomalu Hitchcock ame ke Kakauolelo Hayward o ke Komite Lahui Repubalika, e hoike ana ia e like me na palapala hoike i hoouna ia ae ma ke keena halawai o na Repu> balika i keia la ; o na Mokuaina o Wa--Binetona, Oregon, California, Idaho, Waiomina ame Colorado ua lilo holookoa ia Taft ame Sherman. Ma ka hoike a ka Lunahoomalu Mo« kuaina i ke Komite Lahui, e hoakaka ana ia i ka oi loa o ko Taft mau baloka ma ke koho aku, aka aole i hoike akeaia ae ia mea e ka Lunahoomalu Hitchcock. 0 ka hoike mai ka Mokuaina mai o Montana aole no he ikaika loa o ka manaolana, me he mea la e hahana an?» no ka paio ana malaila. 0 ka hoike mai ka Mokuaina mai o Nevada, no Bryan ka hapanui, a he manaolana no nae ko na luna hooikaika o Taft e hoohuli i k"e kai malaila mamua o ka la koho baloka.

Aohe home ke nele ka makuahine.— Howard.