Ka Nupepa Kuokoa, Volume XLIII, Number 43, 23 October 1908 — KA MAKAIKIU NIKOLASA KATA KA WELI O NA POWA [ARTICLE]

KA MAKAIKIU NIKOLASA KATA

KA WELI O NA POWA

; . i MOKUNA VIII. .' [ ■ KA OLELOIKE I PAU s PONO OLE. Oili like mai la na kanaka opio mailoko mai o ka ulu nahelehele ja kuku ana imua o kahi kanaka Palani e naka ana me ka hāalulu. Ia laua i puka mai ai huli aku la na maka o kahi kanaka Palani a nanakee aku la ia laua me he puhi ka-pa la. "Nana pono mai ko mau maka imua," i kauoha aku ai o Kata me ke kala'kala. "Ae, ae, 010 laika," wahi ana, a huli pono mai la kona mau maka ai nana pono mai la i ka makaikiu e kau pololei mau aku ana i ka pu iaia. "E oluolu anei olua e pii ae iluna o ke kaa," wahi a Kata, me ka leo oluolu i kekahi o na opio, me he mea la aia lakou iloko o ka rumi hulahula i kela manawa, "a e lawe mai i ka pu a kela wahi kanaka mai iaia mai ? E nana ae hoi au i koiala oni ae ke pii ae olua." Pii koke ae la na kanaka opio iluna o ke kaa a huli aku la i na pakeke o kahi kalaiwa. Iloko o kona poli ua loaa aku la ia laua he pu panapana ame kekahi pahi loihi o pipi. "Huli pono iiio olua i na mea apau iloko o kona pakeke a lawe mai i na mea a pau e loaa aku ana ia olua," wahi a Kata. I ka pau pono ana o ka laua huli ana hoi iho la laua ilalo. "E Pota," wahi a Kata, "iho koke oe ilalo i keia manawa, wiki-< wiki. Aia-kekahi mea ma o e waiho mai la a'u i makemake ai. ia oe e hookau aku i u*kana iluna cko kaa. Kii koke oe a hapai mai. Wikiwik'!" Lele iho la ua wahi kanaka Palani nei, ka mea nana o Kata i hoopoholo ilalo o ka lua iloko o kahi hale kahiko ma Elemaira, a hele -<aku la a ma kahi a Dona e waiho ana me ke k>au mau aku no o Kata i kana pu iaia i na apau ana e oni ai. "Kupaaanaha," wahi a Kata i kamailio aku ai, "o ka maka u wale ana iho no paha la o kekahi kanaka e like me oe i ka ike wale aku no ike kino oke kanaka make. Ina paha owau kena kanaka make aole paha oe e nana iho ana? Hapai koke oe i kela kanaka iluna oko kaa, AVikiwiki!" Me na lima e naka haalulu ana, hopu iho la ua wahi kaaka la a hapai ae la iluna o ke kaa, ke kaa. helu nani ekahi \ hoolewaia mai ai o Kata i ka po mamua iho, wahi a Mrs. Remona, oiai oia e waiho ana īloko o kahi hale. "Kau koke oe iluna o kela kaa, lalau mai i na kaula 1 kpohi a e hoohuli hou aku i kela kaa iuka ma kahi au i iho mai yei," wahi a Kata. Mahope oka hoohuli ana i kahi kaa iuka, huh ae la o- Kata a kamailio aku la i na wahi kanaka opio: • "Ua hiki ia olua ke hoi i keia manawa ina he makemake ko olua <1 hoi, ua pau ac la no ka'u hana i makemake nui ai ia olua e kokua mai ia'u, ua loaa ae la no hoi ke kalaiwa .nana e lawe aku i ke kino kupapau a kakou a hiki i ka hokele kuahiwi." Kukakuka iho la ua mau wahi kanaka opio nei a pane mai la: "He ku-e no nae oe ia maua ke ukali pu aku ia oe?" wahi a kekahi i ninau mai ai. He makemake ko mauau e ike aku ika hopena o keia mau hana." „ "Pii mai hoi ha kakou ina aohe o olua maloeloe i ka hele wawae. "Aohe o maua maloeloe-,'" wahi a laua i pane like mai ai. Pii ae la o' Kata a kau mahope o ke kaa a kauoha aku la ia Kini Pota e hele aku, a hoomaka aku la lakou e pii he lehulehu maoli mamua ( 0 ka Kata mea i manao wale ai, no ka hokele kuahiwi. MOKUNA IX. Aohe pilikia o kela pii a'na a lakou, no ka mea, ua kauoha aku la o Kata ia Kini Pota e pii malie ke kaa i ole ai e pilikia loa na wahi kanaka opie* helewa,wae. Mai pilikia ole paha ina he kamoe ke alanuui, alaila e hiki pono ana ia laua ke holo mai maluna o ko laua mau kaa baik?kala, aka, o ke alanui he piiku, aole hiki pono ke holo. "Kini Pota," wahi a Kata i kamailio aku ai me ka malie, ma ka olelo Palani, "no keaha ko'u mea i hoi koke mai nei?" Aohe pane leo mai o kahi kanaka Palani, aka, hoekeu wale ae la no i kona mau poohiwi. • Ku koke ae' la o Kata iluna a hele aku la im'ua a hoopili aku la.i ka waha o ka pu ma ka a-i o kahi kalaiwa me ka olelo ana iho. "E pane koke mai oe, a* i ole pela, e hookomo aku ana au i kepan iloko o ko a-i me ke kali ole." » "I hoi hou, mai nei hoi au e huli ia Dona," wahi a ua wahi kanaka Palani nei me ka ha'uha'u pka waha. (Ka, he ike no ka ia mea.) "A, na Mrs. Remona i kena m?ii nei iaia e hoi hou mai i hope nei e pepehi ia'u, ea?" • . "Ae," "a no ko manao ua holopono kana hana, oia kou mea ī hoi hou mai nei?" . ' "Ae, pela ko'u manao, no ka mea, aohe ou pii ae nei, aohe no hoi he pii ae nei o Dona." "A oia kou pono, e ha'i mai oe i,ka oiaio." "Ae, e ha'i aku ana au i ka mea oiaio wale no." "Maikai loa kela. A ina au i make iloko o.kela hale pauahi, alaV. t . heaha ka oukou hana mahope aku? „ "Aohe au i ike. O Mrs. Remona no paha ka i ike." "E ha'i mai oe me ka pololei me ka hunahuna ole i kekahi mea; noonoo pono oei" a kau hou aku la o Kata i kana.pu ma ka a-i «> Kini Pota. « , ' .. i 1 Ua hoopiha loa ia kah'i kanaka Palani me ka maka u nui ī kela manawa. "Ua ha'i mua aku nei hoi au ia oe aole au i ike/' wahi ana, !,•. makemake nei au e loaa ia'u ka ike 'no ka hana aku i ko'e,' "Xo keaha kou mea i makemake ai e ike, oiai ua maopopo mua r,r. ia oe ia mea?" "Aohe au i ike, a ina au i ike ina ua ha'i pololei aku no au la oe 1 knmu no'u e pakele ae ai mai ka poino ae. "Ha, alaīla na ike no hoi ha oe i kekahi mea e hanaia aku ana, oia paha?" "Ae, i kahi mea aole i na liana apau. „ "Heaha ia mea au i majnao.ai e hanaia aku.ana? „ "Aohe au i manao. He hoolohe'wale no ka'u i na kauoha. "Ina kauoha a wai, a Mrs. Remona? " Ae, i kana kauoha wale no i. na wa apau. . "Aole nae paha ia i hoike iki mai ia oe i kana mau mea ī īoo a a "Aole koe wale no e hookaawale mua makou ia Kata mai ke alahele ae, aia a malaelae ke alahele, aohe nalo lele mamua, wahi ana, alaila hana aku ana lie hana hou." # "Pehea ka loihi o koii noho hana ana malalo onā e hoolohe ī kana mau kauoha?" "He elua makahiki a oi" • "E, aole no i kana mai kou noho aihue a powa ana. Mahea oe ī ike mua ai iaia?" . „ . . , "Ma ka mokuaina o Lusiana. Nana i hoopakele ia u mai ka halepaahao mai." Aole i hoomau loa aku o Kata i ka ninau ana, ua manao ia ua lawa ae la no na mea ano nu! ana i makemake ai, a o na olelo apau ; a Kini Pota i kamailio mai ai iaia ua ike ia he oiaio.

"Ina owau ma kahi o kela wahine hupo," wahi a Kata i nalu iho ai, "aole au e hoike i ka'u mea huna i ko'u poe pla'alalo." 0 kekahi kumu o ko Kata hc»oki ana i kana ninau ana, oia ko laua oili ana mai i kahi malaelae o ke alanui a he ahuwale loa ke nana | ia mai e ka hokele kuahiwi. Ua hiki loa iaia ke ike aku i ka pahu hae e ku mai ana ma ka lanai o ka hokele. Aohe ike pono loa ia aku o ka hokele mamuli o ka paa i ka olae pohaku. Aia maluna o kela olae pohaku ua ike aku la o Kata i kekahi kanaka i ka*noho mai; he ano mamao no me he mea la aia paha ma kahi o ka hapaha mile ma ka laina pololei. 1 korfr wa i ike mai ai i ke kaa i ka oili ana aku nana pono loa mai la ua wahi kanaka la. Ua maopopo ia Kata i kela manawa o kekahi no ia o na paalalo 0 Mrs. Remona, a oiai he mamao loa aole hiki pono iaia ke ike aku i ka helehelena o ke kanaka. Aole i liuliu ike aku la o Kata i ke ku ana ae a iho.aku la ma kela aoao o ka olae pohaku a nalowale aku la. "Hele hoomama aku, e Kini," wahi a Kata i hookikina aku ai i kahi kalaiwa kaa ona. * Ua maopopp iaia ina'oia e haalele ana i kahi kalaiwa a e holo wawae, e loaa mua ana iaia kela kanaka ana i. ike aku ai iluna o ke ahua pohaku; aka, no kona makemake ole e haalele i ka mea i paa iaia, a no kona hilinai, ole kekahi i na kanaka opio e hahai mai ana mahope laua ina no i lako laua i, na mea make, nolajla, hooholo iho la ia i kona manao e noho no iluna o ke kaa. Wehe koke ae la ia i kana wahi uwaki a ike iho ! la he hapaha hora 1 hala o ka hora ewalu a he ekolu hapaha hora i koe a haalele ke kaa ia/ uka. Noho malie iho la ia.me ka haka pono o kona mau maka no na hana e hoopoino mai ana iaia, me kona noonoo nui no kana hana pono e hana aku ai. A mahope huli ae la ia i hope e nana i na wahi kanaka elua e hahai mai ana maliope. "E, auhea olua," wahi a Kata, me ka awiwi," e holo e kekahi o olua mamua a ha'i aku i ka haku o ka hokele, i ka wa e pau ai ka. ai ana a kela mau kanaka elua/ ame ka wahine, e koi aku ia lakou e ko'mo iloko o ka rumi a e ki i ka'puka a paa a 'hiki- aku au. Mai hoike 'iki aku oe i kekahi mea, iaia wale no. "Hai aku oe na Nikolasa Kata i kauoha aku iaia a he makemake pu au i kela poe." "Aia ike oe o Nikolasa Kata kela!" wahi a kekahi o na wafri kanaka opio elua. <J Oia no hoi ka'u i kamailio mua aku nei ia oe," wahi a kekahi. Hookahi no o laua i makemake ia ē holomua a no ka manao o lolohi loA haawi ae la i kona kaa i kona kokoolua a holo aku la ma ke ala pokole e hiki koke aku ai i ka hokele, a i ka i?ana aku a Kata me he laikini la ke kolili i ke alanui. '"O kahi Kini Pota hoi keia ke noke la i ka hookikinaia e k a makaikiu e ake ana o ka hiki koke aku o ke kaa i ka hokele a no ka piiku loa aku oia wahi aohe hiki pono i ka lio ke hele mama aku. A i ka manawa hope loa hiki aku la lakou i ka hokele. He haneri anana mai ka hokele aku e ku ana. ka hale hoolulu kaaahi, aia malalo loa aku. 0 ke kaa hope loa ka Kata o< ka ike ana aku a o ke kaa enegini, ua nalowale aku la m{a kekahi aoao, e holo ana. Ike pu aku la ia i ka pua mai o ka uwahi a manao «e la ia aohe no i mamao loa ke kaaahi mai ia lakou aku. Huli ae la kana nana ana i ka lanai o ka hokele a ike aku la ia i na, kanaka e holoke mai ana me ka maopopo ole o ka lakou mea e hana ai. Ua akoakoa ae la na kanaka a kahi hookahi a o na wahine hoi ma ko lakou wahi a o poe holo aku la i kahi o ka hale hoolulu kaaahi. Aia ma ka hale hoo3ulu kaaahi he nui loa na kanaka e kunana i ke kaaahi e holo la me ka piha ukiuki loa no ko lakou haaleleia. * v Mamuuli o keia mau mea a Kata e nana ana a hoohuoi iho la ia ua holo mua ka paha kela poe powa maluna o ke kaaahi me ka ike oleia. Ike aku la ia i kahi kanaka opio i holo mua mai ai e ha'i i ka haku hokele e ku mai ana iluna o ka lanai me ka haku o ka hokele e leamailio ana. • - 1 kela manawia ua kau la kahi kaa o Kini Pota iluna o kajhi maikai a hili aku la ia i kahi lio a holo kainepu aku la a hiki ana i ka hokele a pane koke iho la o Kata i ua wahi kanaka Palani nei; "E lawe aku i kena kaa i ka liale lio," a peahi aku la ia i ka haku hokele e ku mai. ana iluna o ka lanai e iho mai. Iho mai la ia a hui me Ka.ta i ka hale lio. Ua piha loa mai la ia i ka maka'u ho kela kahea ana aku a Kata iaia. "Ua ha'i mua mai nei kela kanaka opio ia'u i kou inda," wahi ana,, a heaha aku auanei ka'u mea hiki ke hana aku? Mamua iki iho o kona kamailio ana mai nei ia'u ua puka inua aku la kela niai ka rumi aina aku a i ka makou ike ana aku nei e holo. ana ke kaaahi ua hoohuiia mai me ke kaa ohua a holo nui aku la me ia mau kaa." "He uwea kelepona a i ole he uwqa kelekalapa no nae palia ko oukou oonei," wahi a Kata. "Ae, he uwea rio, a eia hoi paha ka apiki ua okiia mai nei e kela poe na uwea a elua. Aole hiki ia makouu ke hoohui aku me kekahi mea." . * • ■ ' "He poe lapuwale maoli hoi kela," wahi a Kata; "ua hiki hoi, e hahaiia aku ana lakou e a'u." Mawaho o ko Kata helehelena ke nana aku he malie wale no, aka nae, maloko ona aia ka ukiuki ke paila, la me he waiwela la. Aole hiki iaia ke hookuu lanakila a e <ae aku hoi ia lakou e holo me ke kau ipleia aku o kekahi hoopa'i maluna o lakou. "Ina u-a hiki mua ae o Chika i Hanatavila aohe hoi ana, aMila e pau loa mai ana kela poe i ka paa hiua iaia," i nalu iho ai ia. "Koe wale no, ina lele mua kela poe mamua o ka liiki ana aku i kela wahi." He mea po/no iaia ke uhai mahope o kela poe a heah'a la ke alahele e hiki koke aku āi ia ilaila? "He elua mau kanaka powa eia me a'u," wahi ana i ka.haku hokele, "aia laua a elua iluna o ke kaa me a'u. E hiki ana no anei ia oe ke malama ia laua a hiki i kou lohe ana mai i kekahi olelo mai a'u mai?" - "Ua liiki ia'u ke hoopaa i kahi paa i ka mea ola o laua, ina o kou makemake ia." "Ae, o ko'u makemake ia. E Kini Pota, lele mai ilalo." ' Lele mai la kahi kanaka Palani me ka hokukule. "Mahea oe e lioopaa ai iaia?" wahi a Kata. j "Aia kekahi rumi kaawale iloko o ka halelio la mamua aku o kaua," wahi a ka haku hokele. "E Kini, hele koke \ kela hale nani e ku mai la," wahi a Kata. He mau minute pokole mahope iho hoopaaia aku la o Kini Pota iloko o kekahi rumi' a o ka puka aniani wale no e hoomalamalama ana ia loko e huli pono iho ana ia i kekahi pali he maii haneri kapuai ke kiekie; aia malalo pono iho he pali kuhoho me na pohaku haoeoe ooi e kuku ae ana, a ke liaule kekahi kanaka make wale no. "E pono e haonohoia kekahi kiai ma ka puka," wahi a Kata. Ke waiho aku nei au nau e hana ae i ke kanaka make e like me kau i ike āi he pono." Haalele iho la ia i ka haku hokele a holokiki aku la i ka hale hoo'lulu kaaahi, a iaia i holo aku ai peahi aku la ia i kekahi o na jcanaka opio e ukali aku iaia, a no laua hdi ka holo hookahi ka holo pu ana o kanaka e kuku ana ma na wahi like ole. Ia lakou i, hiki aku ai i ka hale hoolulu kaaahi ike ho la ia i ka wiliki o ke kaaahi o kona pohala ana ae no ia mai kona eha ae mamuli <o kona hahauia ana me kekahi pauku laau e kela poe powa e holo la. i Huli koke ae la no o Kata a nana i ke alahao. Ike aku la ia ua I hoo.moeia kekahi papa mahai o ke alanui, a e like no me ka mamao o kana wahi e nana aku ana, pda no ka paa i ka papa. "Pehea ka mama holo o ke kaaahi i holo aku nei?" wahi ana i ui ae ai i ka poe e kuku mai ana iloko © ka hale hoolulu kaaahi. ana," wahi a ka wiliki. He hapalua hora ka makou e holo nei alaila hiki i kai, aka he hiki no ke holoia iloko o iwakalua minute." "Pehea leela papa e waiho mai la maha'i o ke alahao, ua hoomoe

ia no anei a hiki i kai ?" * "Ae." "Pehea, aohe wahi i haki?" "Aole." "E like no hoi paha me ka makaukau o ka poe nana e hookele < Huli ae la o Kata i kekahi o na kanaka oipio i ukali ai iaia a pane aku la, me ka huki ana ae he ekolu mau bila kanalima dala. "E ka hoaloha, e kuai aku ana au i ko wahi kaa haikikala ina aole i lawa keia dala i kou manao e haawi mai oe ia'u i kou inoa ame kou wahi noho, a ina aole pela e holo kino ae no hoi oe i Nu loka e huli ai ia'u." "Ua oi loa aku keia dala mamua o .ke kumukuai kupono," wahi ana; "manao au he mea makehewa wale no nou ka hahai ana aku ma•hope o kela poe i keia manawa ua mamao loa lakouu la " He makehewa ke kamailio ana aku ia Kata, no ka mea, hakalia no a pau kana kamailio ana o' kona hoomaka aku la no ia e holo. 0 ka poe apau e nana aku ana ia Kata e holo la ua pii ae la ka maeele ia lakou apau no ka mea i ka lakou nana aku ua like inaoli no me ke kono ana aku i ,ka make e hiki koke "mai, oiai o ke alahele a Kata e holo la he ololi maoli. "Manao au e loaa aku ana no» kela poe iaia" wahi a ka opio nona ke kaa; "o kana holo ana me he mea la he alanui palahalaha." Ma kela holo ana a kata, ua makaala loa oia nona iho no na poino ma ke ala. Ua mama loa kela holo ana ana aole nc* nae oia i kuupau i ka holo oiai aole oia i ike aku i na popilikia mamua o ke alahele. Ma ka Kata hoomaopopo iho ua oi aku kona mama holo niamua o kela kaaahi, a ina oia e ike ana i ka maikai loa o ke alanui e hooi loa aku ana oia i ka mama holo aia ka pono a pili koike'aku i ke kaaahi. Ma kekahi mau alahao a Kata i ike ai ma mauna Hunter ua hanaia kekahi mea e pale ai i ka hu ana o ke kaa a ina aole e makaala ia ana ka hooholo ana i ke kaa e hu ana a nahaha me ka pau pu o na ola i ka make. , A mamuli o ko Kata noonoo pela no paha i hanaia ai kela alahao, j a no kona ike he holona wale no kela aohe i ike i ka oihana wiliki o ke kaaahi, nolaila, aole oia i kuupau i ka holo paukiki ana !r, mana,wa. A i kaa ana aku i kahi ano honua iliwai iki- o ke alanni, hooikaika loa iho la ia i ka hehi ana i kona wahi kaa. Aohe ona nana aku ia mua aka ua haka pono loa kona niau maka ma kalii a kona wahi kaa e holo ai i ole ai oia e hu mawaho o ke alaolloli. laia i hoohuli ae ai ma kekahi hoikee a maluna pono hoi o kekahi alahaka kiekie, nana iho ia lalo kau ka weli, a ke haule no pau ke ola, ike lihi aku la ia i ke kaaahi mamua, ona ma kahi paha o hapalua mile ka mamao e komo aku ana iloko o ka ululaan. 1 manawa ua hooikaika loa iho la oia i ka hehi ana a ia liolo ana aku ma ia wahi pau- ke ola Aole oia i hoomaopopo aia oia iloko o ka ululaau kahi i holo ai a i ike i ka malu ana. Lohe maopopo loa aku la ia i ka u-i o ke kaaahi i ka wa i hiki ai i ke kuiki, a iaia e holo aku nei he nehe wale no aohe loheia mai ka nakeke o kona wahi kaa. laia i ike ai i kokoke loa mahope o kē kaaahi hoomaopopo 'loa iho la ia i kajia mea e hana aku ai; hehi iho la ia i kona wahi kaa a ikaika a i kona ike,ana i ka mama loa o ka holo ana, hoomanana ae la ia i kona limaakau, a i kona pili ana i ke kaa ua hopu aku Ia ia me .ka i,kaika me na lima a elua i ka hao ku owaho o ke alapii a paa aku la me ka lele koke ana aku iluna o ke kaa me ka palamimo a i kona kupono ana ae huki ae la ia i kana mau pu panapana a kau pololei aku la i ke kanaka e ku ana ma kahi o ka wiliki a i kā wahine anie kekahi kanaka e noho ana ilalo aohe oia i nana aku i kahi kaa baikikala oiai ia e holo ana a hooku'i i ke kumulaau a nahaha liilii. I ka ike ana mai o kela poe ia Kata, aole hiki ia lakou ke kamailio aole no hoi he oni. Ua like loa lakou me na kii leo o»le. Aole i hooki iki o Kata i ke kau pololei ana aku i na pu ia lakou a hiki wale i ke ku'ana aku i Hanatavila. Ua hoopiha loa ia kela poe me ke pahaohao ame ka pi'ha maka'u, a he haohao nui ko lakou i kona wahi i hiki mai ai, oiai o lakou wale no ka lakou i ike i ke kau ana mai. Ma keia wahi a Kata i kau aku ai i ke kaa, he mile okoa aku koe a hiki aku i ke kulanakauhale o Hanatavila. I ko lakou ku ana aku e ku makakaukau mai ana o Chika me kekalii Ka.paa koke iho la no ia o ua poe paahao nei a ka'i nui ia aku la i ka halepaahao. 0 na wahi kana'ka paahao elua o laua na mea i hele a haalulu i ka hiki ana aku i ka halepaahao a no Mrs. Remona, aolie wahi mea a wiwo iho. Koa no a koa. Nawai e ole ke koa, oia ka hoi ke alakai 0 keia poe. O ka make paha ia a ka opae la, he hihia la ipa ka umiumi. ' . A malalo o na kauoha a kela wahine ua hamau loa na wahi kanaka elua aohe puai leo i ka wa e kamailioia aku ai. Aohe mea hiki ke koi aku i kela mau wahi kanaka e kamailio mai i ka wa i ninauia •aku ai laua e ha'i mai i ka Chika mea i kauoha ia mai ai e holo i Bosetona. _ f i MOKUNA X. 1 1 ka paa ana o na paahao iloko o kahi paa ā i ka pau ana o ka haawi ana ina kauoha e malama pono Joa' ia na paahao a hiki i kona hoi ana mai ka hokele kuahiwi mai, ua koi aku la oia ia Chika e pii pu laua maluna o ke kaaahi. Hohmaka aku la laua e holo no ka hokele kuahiwi a ua hala ia laua he hora okoa mamua o ko laua hiki ana iuka. Ua lolohi loa kela holo ana mamuli o ko laua hooholo malie i ke kaaahi. Ua hiki no ia laua ke mama aku, aka, no ko Kata makemake e nana pono i ke ano o ana i holo mai ai. pela laua 1 ano lolohi loa ai. Ma na wahi kuhoho loa o ke alahao ua ku maoli i ka weliwdi ke nana ilio', a ina paha he holo malie ka Kata i iho mai Jai ina la paha ua ike oia i ka maka'u no ka inoi.no maoli o ke alanui. O Chika o' laua ke paoahi a o Kata no hoi ka wiliki. He paulehia maoli no ka makaikiu Kata ma na ano hana like ole. A ia laua i hiki aku ai iuka, e kuku mai ana no kekahi poe a ua hoi kekahi poe i ka hokele, a o ke kamail ; o nui a na kanaka a hiki no i ko |laua oili hou ana aku, oia ka mea pili ia Kata, no kona koa ame ka wiwoole. 0 ka niea mua loa a Kata o ka ninau ana aku oia no na walii kanaka opio no laua ke kaa baikikala ana i kau ai, a i ka ha'iia ana mai aia laua i ka hokele, o ko laua pii koke aku la no ia a hui. "Pehea aku nei kela poe?" i ninau,koke mai ai laua. . . "Ua pau nui aku nei i ka paa i ka halepaahao, a i hoi hou mai la maua e kii i kela puaa kalua a kakou ame kela wahi kalaiwa kaa powa 'a kakou i lawe pu mai nei a hoopaa. "Auhea aku nei ka haku hokele ?" "Aia ma kela aoao,'* wahi a ka pane a kekahi o na walii kanaka opio. Holo aku la kekahi o laua a ha'i aku la he makemake ka makaikiu o Kata e ike iaia. 1 kona wa i lohe ai hele koke mai la ia a i kona ike anā mai ia Kata 'he mea e kona hauoli, oiai, i ka wa ana i ike ai ia Kata e holo ana maluna o ka haikikala, aole oia i mapao he kanaka ola ana ia i kela la, mamuli o kona ike a kamaaina 'loa i ka inoino ame ka ololi o ke alanui a Kata i holo ai. "Hauoli loa au i* kou hoi ola ana mai.la," wahi ana. "Ua holo |aku nei oe ma kela alanui me kou manao e mauna i kou ola. Aole au i manao he kanaka ola d*e i keia la, a e hui hou ana kaua ma ke kino." "Pela iho la e hiki ai ke holopono keia hana aia no a maka'u ole. He lehulehu loa na manawa a'u i komo ai iloko o na pilikia, a o ka pilikia i loaa ia'u i keia po a i keia kakahiaka, he oi loa aku ia mamua o ka pilikia au i īke maka iho la. / 1 AoUlpau, i