Ka Nupepa Kuokoa, Volume XLIII, Number 43, 23 October 1908 — KA PIHA ANA HE 92 MAKAHIKI. [ARTICLE]

KA PIHA ANA HE 92 MAKAHIKI.

Mr. Lunahooponopono o ka Nupepa Kuokoa, Aloha oe:—E oluolū mai kou lokomaikai i kekahi kolamu kaawale 0 kou nupepa e hookomo iho i keia wahi iheahou. Ma ke Sabati la 31 aku la o keia mahi'na 0 Okatoba, 1908, pilia iho la 1 k,V makuahine Misionari hookahi e ola ana i keia la, he 92 mdkahiki mai ka hanau ana mai. A ma ke kakahiaka o ka Poakahi ae, Okatoba 12 ua moe aku la kaoo o na kaa Buss nunui o ka Hon. W. H. Rice na kaa bake ame na holo lio no ke Kakela o Mrs. Dora Isenberg ma Kukaua, fLihue, hora.9 a. m. He mau kaoo kaa ike keia i ka Makuahine o ka Pono. "Makuahine Laiki." Ka makualiine kokua nui i na hana pono e haawi manawalea ana ma.na hana pili k\iloko a kuwaho, e laa ka Papa Hawii, ka Papa Ilanai Kahu o na Kaliu o Kauai nei, na luakini, na hale halawai, na wahine kanemake, na keiki makuaole, ame na poe apau e hapai a e kokua nui ana i na hana pono, aia no kona mau lima aloha ke hoomohala la>no ia poe, a hiki i, keia la a mai kona lokomaikai piha i ke Karis.tiano oiaio. Ke malama nei oia i ke ola o kekahi makua o ka pono, ke Komite Hoeueu o'ka Paeaina, Eev. E. S. Timoteo ame ka hoonaauao ana i, na leeiki hele kula, ke hoohalike ae me keia Makuahine, aole paha e loaa he lua e like me kona ano e ola nei i keia la. Aia ma ka Lanai e noho ana oia ma kekahi noho, kana moopuna wahine Mrs. Anna C. Wilcox, e ku ana ma ka aoao hema, e haawi ana, i na hoolauna ana; a aia pu no hoi ma" lea aoao akau 0 ka M'akuahine kana keiki Ilanohano ka Hon. W. H. Rice e haawi pu ana 1 na hoolauna ana i na lede, na keonimana na Kahu elua ame na luna o ka Ekalesia o Lihue nei ame na leāe o ka Ahahui Manawalea o Li'hue nei. mele ia he mau himeni "Aole inoa ma ke ao," he mau pule elua mai ke Kaliu ame kekahi. Luna Ekalesia mai, a himeni hou ia ka himeni "He Kumupaa loa na Haipule e," a haawi hou ia he leo pule e kekahi o.na Kahu, a ua pane mai oia, ma o ka hoakaka ana mai a kana Keiki Hon. W, H. Rice: nui au i ko kakou hui hou ana, a ke hoomaikai aku nei au i ka Makua ma ka lani, i Kona malama a kiai ana ia kakou, ka"u mau hoomaikai nui ia oukou no ko oukou hoike ana i ko oukou mau manao aloha, ma ke kipa ana mai e ike ia'u. Ko'u mau mahalo ia oukou a nui." Malaila pu kekahi makuahine 1 loaa na makahiki he 99, oia o Mrs. Awili Koa oia no kekahi o ka laua mau haumana kahiko e ola nei. Mahope iho, ua paneeia mai ka Mea ono La .hanau me na kukui he 7 a oi i hp-a ia iluna o ka meaono, na wai momona ame na ano meaono" he nui. līookuuia na hana me na lulu lima hou ana a hoi kela ame keia me na malialo a nui i ko ke Akua kiai a malama ana mai ia kakou kana poe hipa a mau paahana ma keia ao. Me ka mahalo a nui. LIHUE.