Ka Nupepa Kuokoa, Volume XLIII, Number 43, 23 October 1908 — HOOMAIKAI KIEKIE. [ARTICLE]

HOOMAIKAI KIEKIE.

0 makou o ke Kula Sabati o Opihikao ma o ko makou' mau komile la mamuli o ko makou iini e loaa ona mau buke himeni no ka hoonee mua ana i na hana e holomua ai ko makou Kula Sabati ua hoiliili makou i na wahi kenikeni a haawi ma ka lima o ko makou K. K. S. N"ui a mai iaia aku a ia oe e ītev. Moses K. Nakuina. Mahope o ka hala ana o kekahi manf;wa ua loaa mai makou na buke himeni i oi aku mamua o ka makou m.ea i makemake ai. Ama ka hoike a ko makou K. K. S. Nui mai kou aloha mai kekahi i hoopiha īho i mau buke hou. f t Nolaila ke haawi aku nei makou i na mahalo kiekie loa ia oe, a ke noi aku nei makou i na leo pule i ka Makua ola e haawi mai i iia hoopomaikai ana ame ka holomua o kau hana no kona Aupuni. A ke lawe mai nei makou ia mau buke ma ke ano he makane nau ia makou a hoolaa aku no ke Akua a mau. 0 makou iho na komite:—S. T. Piihonua, J. K. Kahao, F. Maiola ame Jos. Hezekia.

O na kanaka i loaā na manaolana nui o lakou na kanaka koikoi oiaio.-— Opdyke.