Ka Nupepa Kuokoa, Volume XLIII, Number 43, 23 October 1908 — HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe. [ARTICLE]

HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe.

MOKUNA XXI. Iloko no o ko Akeneki hoowahawaha ia Habaki, aia no nae ka mahalo iloko ona no ko Hahaki lilo ana i mea kokua aku iaia iloko o keia manawa o ko*ia pilikia mamuli o.keia ulia. Aia o Akeneki ke mihi la no kona kulana kupilikii i ka wa e hoea aku ai o ke kaaahi no Kikako, oiai aole ana e hiki iaia ke huli hoi aku 110 kona hale hoolimalima, ua paa ia wahi i ke ki ia iloko o na hora o lee aumoe, a ke noonoo ae hoi no ka hokele, aole no paha oia e aeia mai ana e komo aku iloko olaila mamuli o kona hele hookahi, e manaoia mai ana keia he kaikamahine auwana. 0 keia mea hookahi no hoi ka Habaki e noonoo la i wahi no Akeneki e pono a i ka hoea ana aku o ke kaaahi ma Kikako, ua i mai la ua keonimana nei ia Akeneki i ka pane ana mai: "Heaha ka mea hiki ia'u ke hana-aku nou? Aole loa e loaa ia'u ka mah'a a hiki i kuu ike ana, ua kaawale na pilikia mai. ia oe mai.'' "O ka hokele wale no ka'u wahi e manao nei ilaila au e moe ai i keia po, aka he nui nae hoi ke anu o keia po, a ke hele paha a hiki i ka hokele o ko'a make no ia i ke'anu." Akahi no a olu iho ko Habaki maniao i keia oldo ana mai a Akeneki i ka hokele oia i makemake ai e hoi aku i keia po, a o ka i koke aku la no ia o ua kanaka opio nei: "Ina hoi ha pela, e kahea ae au i kaapio nou a na u ponoi no e hoihoi maoli aku ia oe no ka hokele. I ka hokele hea kaua e l>ele aku ai?" "Aole iau i maopopo loa- i ka hokele maikai," wahi a Akeneki me ka hookunana. "Ina pela na'u kaua e pailaka aku a hiki i kahi maikai nou e moe ai i keia po. Aia ka hale He wiahi maikai loa kela nou e moe ai, a hiki i ka la apopo," me ke kuu 2fha iho o ka leo o ua Habaki nei i ka nanahe. Akahi no a hoomamaia ae na manao kaumaha mai ia Akeneki ae mamuli o keia i ana mai o Habaki i kahi o ka hale nona e moe ai i kela po a o :a kana o ka pane -ana aku: "Ke mahalo aku nei au ia oe e Habaki, a ke lana nei-ko'u manao e loaa ana ia'u ka moe maikai ana i keia po a hiki i ke kakahiaka. 1 hakalia no a loaa aku keia pane mai ia Akeneki aku, o ke kahea koke -aku la no ia o Habaki i kekahi kaapio i maalo ae ia manawa, me ke kali hou ole aku, mahope auanei hoololi hou o Akeneki i kona manao, a ma keia vtfahi i eleu loa mai ai o Habaki ma ke kii maoli ana mai no i na lima o Akeneki a ka'i aku la no kahi o ke kaapio. / Aole no hoi he hookololohe iho o Akeneki, no kona manaoio loa € loaa ana iaia he wahi maikai loa nona e maluhia ai i kela pcf, me ka haupu mua ole i na poino ame na pilikia e kakali mai la no kona komo aku iloko o ka lua o ka liona hae. " MOKUNA Xill. Aole i liulin ia holo ana aku o ko laua nei k-aa, ua hoea aku la laua no ua hale nei a Habaki o ka lawe ana aku ia Akeheki, a o ko laua lele aku la 110 ia he ke alakai pololei ana aku a Habaki ia Akeneki noloko o ke keena hookipa me ke kauoha ana iho iaia e kakali malie a hiki i kona huli hoi ana mai, oiai e hele ana oia e hui pu me »ka ona nona keia hale; a i ole ke kupakako paha. Ua kakali aku la o Akneki ia Habaki a hala okoa he manawa loihi me ko ia nei manao aole oia e huli hoi hou mai -ana, aka iloko nae 0 ia noho nanea o Akeneki, ua oili hou mai la ua o Habaki, a ia wa i minoaka aku ai o Akeneki, aole ma ke ano hoomahie aka no ka ike aku i na hana kokua a keia keonimana e hana mai ana no ko ia nei mau pono, a i aku la: "Ua piha maoli au i ka mahalo ia oe e Habaki no kau mau hana kokua a ku no hoi i ke ano hoaloha oiaio ilqko o keia manawa kupilikii i loaa ia'u." "Ke hauoli loa nei au no kou kapa ana mai ia'u ma kela ano, aka ua lawa kela mau huaolelo au o ka hoopuka ana mai la e ukuia ai ko'u luhi. Auhea nae oe e Akeneki?" i kuloj.t loa mai ai ke poo o Habaki a kokoke i ka pepeiao o Akeneki a i hou mai'la: "Ina no hoi paha e hiki ana ia oe ke heluhelu mai i kuu puuwai, ina ua ike maopopo oe, eia ia ke pana kapalili mau nei nou a nou wale no." Ua neenee loa mai la o Akeneki a kaawale kona hoa mai, 110 ka mea aole loa ona makemake e hoala hou ia mai na hana a Habaki 1 hoao aku ai iaia maluna o ke kaaahi, a no ka ike pu iho no hoi kekahi o ua keonimana opio nei, ua hele o Akeneki a piena, nolaila ua i mai la oia: "Ua manao au e hookuu kaua i keia manawa, aole au hopohopo ana i koe no ka mea ua loaa mai nei kou rumi e moe ai, a o ka hoea mai paha koe o ke kauwa no ke kii ana mai ia oe, aia hoi a pau mai ka hoomakaukau ana i kou ru*ni," ua kunou haah'aa mai la oia a o ka liele aku la no ia me ka haalele hookahi ana iho ia Akeneki. I ua o Habaki. e hele la, ke namunapiu liilii wale la no oia i ka i ana ae: "E ike ana oe e kena kaikamahine i ko lilo mai ia'u, ina no aole oe e lilo mai ana ma ke ano maikai, alaila e lilo mai ana no oe na'u ma ke ano pulapu." He mau minuke pokole wale no ia o ke kakali ana iho a ua hoea mai la kekahi kaikamahine lawelawe a i mai la ia Akeneki ua makaukau kona rumi moe, a o ko laua nei hele aku la no ia me ka pii ana ma kekahi alanui pii loihi a liiki i ka hale oluna, a komo aku la iloko o kekahi lumi nui i hoolakoia me na mea hoonani e h'ewa ai i ka maka ke kilohi iho. "Ma keia wahi i ku nana iho ai o Akeneki, 110 ka iliea o ka mua loa iho la no keia o kona hoea ana maloko o kekahi o na rumi nani e like la me keia, a ala mai la na hoomanao ana no kona makuahine, a no keia kumu i kunana aku ai ke kaikāmahine lawelawe i ka ike aua mai ia Akeneki a o ia kana o ka ninau ana mai: "Ua loohia anei oe i ke anu, e pono ai ia'u ke hele aku e ho-a i ke kapuahi 'hoopumehana nou? Ua ahonui maoli mai nei no olua o ka alo ana mai nei o ka .ino i keia po," wahi a ua kaikamahine lawelawe la me ka leo oluolu. "Aole au i loaa i ke anu, aka e ku nana ae ana au no ko'u maa ole iloko o na rumi nunui e like me keia a'u e ike nei. Aole anei hoi he wahi rumi e haaw r i mai ai no'u no keia po wale no hoi a ao ae," "Aole e hiki ia'u ke hana aku pela, no ka mea o ke kauoha i loaa mai nei ia'u mai ka haku hale mai, o ia no ka lawe ana mai ia oe maloko o ka rumi helu io nei. nolaila he hana k\i-e kauoha na'u ka iiana wale ana aku mamuli o ko'u manao. Malia ua mehameha paha oe maloko o keia rumi, aka ina no e hoi koke aku ana oe e hooluolu i keia wa, e hoopoina ana no oe i na mea au e maka'u nei." Ua kilohi pono loa aku la o Akeneki maluna o keia kaikamahine lawelawe a ike aku la i kona kulana maemae, a ala mai la kekahi manao iloko ona ina paha e ae mai ana keia kaikamahine e noho pu laua iloko o keia rumi no ia po, a o ia kana o ka i ana mai: "E oluolu ana anei oe e noho pu mai me a'u maloko o keia rumi? Ina owau wale no ke nolio iho ana iloko o keia Vumi, manao avf aole e hiki ana ia'u ke hiamoe a hiki i ke ao ana." "Ina paha i makemake io oe ia'u e noho pu iloko nei o kou rumi, alaila ua hauoli loa au e hooko aku i kou manao, a e holo aku au e kii i muumuu moepo no'u a lawe mai, i kekahi muumuu nou, no ka mea

ke ike aku nei au, aole ou paiki i hele pu mai nei i keia po." a o ka hele aku la no ia o ua kaikamahine nei e kii i mau muumuu moepo iio laua. Ua huli hoi mai la no kela kaikamahine lawelawe e like me kana i hoike mai ai ia Akeneki, a i ko laua makauk-au ana e hiamoe, ua makaala loa o Akeneki i ke ki ana aku i ka puka o ka rumi a paa, me kona manao no, ina e hele mai ana keldlhi mea e hoohalua iaia i kela po, e loaa ana he hoike nona ma kona aoao e lilo ole ai kana mau mea e hoike aku ai no ia pulapuia ana m-ai i mea e hilinai oleia mai ai. He oiaio aole loa oia i moeuhan'e mua, eia o Habaki Aboka ke hoolala mai la i kekahi mau mea e poino ai, a me ka manao ua maluhia keia moe ana ona maloko o kela ha'e, ua haule aku la oia me kona hoa hooluolu no ke koena aku o ia po. He mea pono nae e hu'eia ae na hana ekaeka a keia kanaka i hana ai no Akeneki, a penei kana hana mua loa o ka imi ana aku i na mea e kaa ai ka pono ma kona aoao: , » I kela wa a Habaki i haalele hookahi iho ai ia Akeneki maloko o ke keena hookipa a hele aku ai e huli i mau rumi no laua, ua olelo aku oia i ke kakauolelo, ka mea iaia ka hoopaa ana i ka inoa o ka poe apau i kipa aku ma keia hale, o Habaki Aboka kona inoa ame kana lede, a ua koi aku la oia et haawiia mai i mau rumi no laua e pili pu ana kekahi i kekahi. Ua hoike mai la ke kakauolelo iaia, he hookahi, wale no rumi kaawale i koe, me kekahi rumi hookipa, a o keia mau runii ka Habaki o ka hoolimalima ana aku no laua no keia po, o ia no hoi kela rumi a Akeneki e moe la me kona kokoolua a he rumi hookipa aku ma ke - kahi aoao. Ia Akeneki i hoi aku ai noloko o keia rumi, aia no ua Habaki la ke hoonanea la i ka hale olalo, e noke ana i ke puhi eika. A i kona manao ana ua hiamoe paha o Akeneki, o kona pii malie mai la no ia a 'komo maloko o ka rumi hookipa, a haule aku la maluma o kekahi ko-ki nolunolu a o ka 1,10 aku la no ia ,pau"ka ike ana mai i ke ao aina. I ka puoho ana mai nae a Akeneki ma kekahi kakahiaka ae, ua loaa oia i ka ma'i, eha mai la kona puu mamuli o ke anu i loaa iaia ma ka po mamua aku, a i?a hiki pono ole maoli iaia ke ala mai. kahi moe mai, aka no kona ake nui loa e hoea aku oia no kona mau rumi j hoolimalima, aole oia i nana i ka nui o ka ino e haluku ana ia manawa, | aka ua hooikaika mai la no oia i ke ala ana, a ma ke komo pu ana mai; 0 ke kaikamahine lawelawe e hookomo i kona lole, ua makaukau iho ] la keia. E hoomaka aku ana nae oia hele iwaho mai keia rumi aku, ua lohe aku la oia i ke kikeke mai o kekahi mea ma kekahi puka ma ka aoao aku o ka rumi, a no ka ha'oha'o o ua o Akeneki, owai la hoi ka mea maloko o kela rumi, ua hele aku la oia a wehe hamama ae la > ka puka, a ike aku la oia i ke ku mai o Habaki, ua hele hoi ua keonimana la a lamalama, a mahope aku o kona kua, e ku mai ana kekahi pakaukau i hele a luluu i na meaai ono a ua keonimana la i kauoha j aku ai nona ame Akeneki. Ua hnli papu aku la o Akeneki imua o Habaki a pane aku ia: "E manao ana au ua huli hoi aku oe no kou home i ka po nei, eia ka eia no oe maloko o keia hale hookahi me a'u mai ka po nei mai a hiki. 1 keia kakahiaka." / "Pehea e hiki ai ia'u ke hoi, a haalele hookahi iho ia oe e noho i neinei, aole ia he liana maikai na kekahi keonimana o ka haalele ana iho i kekahi lejje. Ke nana aku nei au ia oe, me he mea la ua loaa oe i kekahi ma'i," a ke noke loa mai la oia i ke kamailio me ka haawi ole mai i manawa no Akeneki e pane aku ai iaia, alaila ua hoomau hou mai la no oia i ke kamailio ana. "Ina paha ua loaa oe i ke anu ea, e hele mai e hoopumehana | ma ke kapuahi hoopumehana nei, a ua makaukau hoi ka kaua mau j me ai, a he hookahi ko kaua ai pu ana maloko nei o keia rumi." Me ke kali ole mai o Habaki no ka Akeneki pane, iia lalau okoa mai la no oia i ka lima o Akeneki a huki aku la noloko o ka rumi, a pani mai la i ka puka, me kona ike ole mai nae, eia no ke kaikamahine lawelawe maloko o lea rumi a Akeneki i puka aku ai, e hooponopono ana i keia rumi. v Ua uwai mai la o Habaki i kekahi noho paipai a kokoke ma ke kapuahi hoopumehana, alaila kauoha mai la ia Akeneki e hele aku a noho maluna olaila. Ua hele aku la o Akeneki a noho iho la maluna o ka noho, alaila akahi no o ; .a a pane aku ia Habaki i ka i ana aku: "Aolelau i loaa i ka ma'i, aka he maikai no au, a aole no hoi au i e ai i kekahi meaai i keia kakahiaka, o ka'u wale no e makemake nei e huli hoi koke aku no ko'u wahi." Ua loaa io no o Akeneki i ka ma'i, a ke hoomanawanui wale la no oia me kona makemake loa e kaawale mai ia Habaki aku, aka ua hoomau mai la no nae o Habaki i ke kamailio ana iaia: "Ina hoi ha pela e inu wahi kope wale no hoi oe, i paia aku hoi ka lioupo lewalewa, o ka kaua komo wahi ai ana no ka hoi iluna o ke kaaahi, a o ka pau no ia a hiki wale niai i keia kakahiaka." "Aole au e inu kope aku ana, e kahea aku ana au i kaa no'u a huli hoi koke aku no kauhale," wahi a Akeneki a o ka hoomaka ae la no ia o Akeneki e ku ka manao e puka aku nowaho o keia rumiy p * Aohe $ Habaki hoololo hou ana iho, a lawe ana ae paha i kona kulana keonimana, aka ua Ru koke ae la no oia iluna a hele mai la e alai mamua pono o Akeneki, a pane mai la: "He keu no hoi oe e Akeneki, aole loa au i makemake e hoohoka hou mai oe ia'u e like me keia kou haalele mai ia'u iloko o ke anu ame ke koekoe. E like no me ka'u i hoike mua aku ai ia oe, no ka nui o ko'u aloha nou, pela no au e olelo hou aku nei ia oe, ua hele nei puuwai la a haehae ka manu ke ale qei ka wai." "Uwoki! uwoki! mai hoao oe e hoopuka hou mai i kekahi mea e pili ana no kou aloha ia'u," wahi a Akeneki me ka leo kuoo, ame ka hele o kona mau maka a piha i ka inaina no na hana a keia kanaka iaia. "Aole loa e hiki hou iho ia'u ke hoomana\vanui i ke aloha nou. Ua hoao aku au e hoike ia oe no ia mea iluna o ke kaaahi, aka ua papani mai nae kou mau pepeiao i ka hoolohe ana mai ia uwalo ana aku a'u, aka i keia manawa., lie mea pono ia'u ka hu'e pau ana aku a koe ole iho kekahi mea iloko o kuu puuwai. ' "Ua ike no oe e Akeneki, ua haulehia kahiko loa au i ke aloha ia oe, aole e hiki ia oe ke hoole mai ia mea, oiai e imi mau aku ana au e loaa he manawa no'u e hui mau ai me oe, mamuli w r ale iho no ia o ka nui o ko'u aloha, a aia nb hoi paha kekahi ia oe la, ina e loaa liA ana ia haawina ia kaua, nolaila e hoomanao oe, o keia waje no ka manawa maikai loa a'u i manao ai e hoike pau aku i keia mea ia oe." "Alaila mamuli iho la o keia mau hana pulapu au ia'u, kou alakai āna mai maloko nei o keia hale, i manao ai <oe e hookoia aku kou mau manao palaualelo?" i ninau aku ai o Akeneki me ka aa pono ana aku 0 kona mau maka maluna o Habaki. "Ua mae iho la ka helehelena o ua keonimana opio la me ka piha 1 ka hilahila, aka o ke ano mau no o na kanaka i piha me na manao kolohe a haakei, aole i lilo ka nana ana aku a Akeneki Laia i mea nonii e( wiwo ai, aka ua pane «ku la no ua o Habaki i ka i ana aku: - | "Ua inanao maoli no au, o kuu lawe ana mai ia oe maloko nei o keia hale, o kahi wale no keia e hiki ai ia'u ke hoike pau aku i ko'u mau manao, oiai aole he manawa e ae -a i hui ai, e hiki ai la hoi ia'u ke huai aku i ka wai mapuna e pipii ana i ka hauoli mau loa. "Pehea no hoi oe e hookuli mai nei.i ka'u mau uwalo ana aku ia oe e lilo mai na'u? He nui ko'u waiw r ai ame ke dala e kuai aku ai i mau lole nani nou, ina o ke gula ame ke daimana kau mau mea e ma- | kemake mai ai, ua hiki ia ke loaa ia'u iloko o ka imo ana a ka maka, a ina he mau kaa me na paa lio holo kainepu ka iini e loku la iloko ou ua hiki ia'u ke hoolawa aku i kou mau makemake apau, i hakalia wale no i ko pane mai na'u oe no ka wa mau loa, alaila aole a kaua mau mea hou aku e kakali ai, o ke kaukai wale aku no o ko kaua lilo i! hookahi." < | pahee maoli no keia mau olelo a ke keiki a kekahi o na ona- J

miliona e kuu la, a ina no paha o na kaikamahine Hawaii kela t i kn lohe ana aku no i ke kulana waiwai o keia kanaka, ua lilo e aku la no loa noonoo, a haawi okoa ka ae, me ka nana ole ae i na mea e liauoli io ai, aka aole nae pela o Akeneki, ua kau ae la oia i kona mau linm iluna me ka papa ana aku *a Habaki aole e kamailio hou aku iaia, a pane niai la: "Ua lawa.kena niau olelo au e Habaki e liiki ole ai iau ke hoomanawanui hou aku ma ka hoolo'he ana ia oe, a ke nonoi aku nei au ia oe e maliu iki mai oe,,i na olelo ma kou aoao. Oko lawe ana mai ia'u maloko nei o keia hale, me ko manao o kahi ia e hiki ai e hook<> ia kou niakemake ma ka hookikina ana mai ia u e lilo aku i wahine nau, ua kuhihewa loa kou manao ana pela, no ka mea aole loa e hikī i ka nui o ko elala ke gula ame ke elaimana ke alako aku i kuu noonoo ,a ae aku e lilo i wahine nau. "Aole mamuli o ko'u ilihune ana, oia kou mea e manao mai ai. ua hiki ia oe ke hookikina mai ia'u, a piliwale aku malalo o kou mau kuko palaualelo." "He keu no hoi i kou oluolu hoi ke nana aku, pela au i manao ai e hiki ana la keia manao o'u k'e "holopono ke hoopuka aku au imua ou, eia ka o kou oi loa mai ia o ka piena," i pane hoolalau wale aku ai no 0 Habaki. "Aole loa ma na ano apau, aole hoi ma ka hana a i ole ia ma nr» huaolelo paha i hoike aku ai au i wahi lihi nou e manao mai ai, ua aloha aku au ia oe. He oiaio ma ka po nei a kaua e holo pu mai ana maluna o ke kaaalii hookahi ua hoike mai kou kulana oluolu, a pela au i panai aku ai ma ke ano oluolu no ia hana au, aka aole loa au i manao, e hoao mai ana kekahi keonimana e like me oe, e hookikina ia'u e like me kau e hana mai nei i keia manawa. "I lohe ponono oe ea. aole loa he wahi aloha iloko o'u nou, a pela e hiki ole ai ia'u ke lilo aku i wahine mare nau." Ua pupuku ae la na ku'e maka o ua o Habaki no ka loaa pono ana aku la i ka ihe laumeki, eia nae aole ona makemake e haawipio, a oiai ua hele oia a piha i ka hilahila, aka heaha nae ia mea iloko o keia manawa o ka hakoko ana mawaena o kona mau manao uahoa, a hopu okoa aku la oia i na lima o Akeneki. Ua kaili ino aku la* nae o Akeneki i kona mau lima a i mai la: "Ke nonoi aku nei au ia oe e hookuu mai oe ia'u e hoi no kou wahi," a huli aku la oia nana i kahi o ka puka, me ka hele hoi o kona leo a haalulu, me ke kokoke loa ana iho e haule na kulu waimaka o ke kaumaha mai kona mau lihilihi poniponi mai. 4< Mai pupuahulu oe e Akeneki no ka hoi ana, no ka mea aole i hooko ia ko'u makemake," me ka hopu hou ana aku ia Akeneki a hoonoho mai la iaia iluna o ka'noho a hoomaka hou Siku la e hookahe i ka aila o ka pulapu: "E Akeneki no hoi, aliea no hoi oe maliu mai, o ka pau 'ae la no ia o ko'u mau manao, a hoi iho aka wai ua lana malie. Ke kapa aku nei au ia oe ma na inoa kapakapa, a'u e hoohalike ae ai, ua like oe e kuu Akeneki me ka manu nunu makaonaona, e hiki ole ai ia'u ke hoopau i ko'u mau manao ame na upu ana aku e lilo mai oe iia'u. "Ke uwalo hou aku nei no au imua ou e Akaneki, e ae mai oe e lilo na'u, a e ike no auanei oe aole au mea e hoohalahala ai, a e lilo no au i kauwa e moe okoa aku ana malalo o kou mau kapuai wawae." 1 "Ua pono io oe e lilo i kauwa, ina aole i hoopauia ka hookauwa kuapaa ana e Peresidena L'-nekona," wahi a Akeneki i huli pono aku ai imua o Habaki me kela mau olelo ku i ke pahenehene. "Ina paha i kau o Linekona i kanawai e hoopakele ana i na leele opio mai ka hoopiiikia ia ana mai e na lapuwale e like me ke ano. ina ua hiki ole ia oe ke hana mai i kekahi mea maluna o'u, nolaila ke kauoha hou aku nei au ia oe e hookaawale ae oe i wahi no'u e hele aku ai a hemo iwaho." Ua welawela maoli keia mau olelo a Akeneki i pehi pono aku ai inuia o kona hoa mokomoko, a he mea kau a hoopau ae o Hahaki i kana koi ana mai i keia kaikamahine, aka ua luliluli wale ae la no kona poo, a hoomaka mai la e kamailio ma ke ano hookanaaho: "Ua hoomaopopo anei oe e Akeneki i ke ano o kau mea e kamailio mai nei ia'u? Ke noke mai nei oe i ka hailuku ia'u ma na ano apau, a e ike ana auanei oe, e ili pu aku ana he haawe kaumaha maluna o kou hokua, ka mea au i moeuhane mua ole ai," wahi a Habaki me ka leo kakana. "E hoolohe hou mai oe ia'u a e lohe no auanei oe i ka oiaio o ka'u mau mea i kamailio mua aku nei ia oe: Ia kaua i komo mai ai maloko o keia hale, e kapaia ana kaua ma ko kaua mau inoa pakahi iho, o oe no hoi o Akeneki Walakona, a owau o Hahaki Aboka, aka ua kakauia aku e a'u maloko o ka buke o keia hokele, ko kaua mau inoa'ma ke ano he kane a he wahine mare, a pela au e i aku nei ia oe la, e ae mai oe e lilo mai oe i wahine na'u. "Ina no e mau kbu paakiki e like me kau e hoole mau niai nei i ko'u manao, alaila ia oe e haalele iho ai ialoko nei o keia hale, e lilo ana kou inoa i mea kamailio heleia e na mea apau, a ke hoomaikai ae nei au i kela ino i poipu mai ai ia kakou maluna o ke kaaahi, pela iho la i kaa mai ai oe maloko o ka poho. o kuu lima, me.he leinipopo la e miliapaia ana e ke keiki o ka pahu ekahi," a hooki iho la ua Hahaki la 1 kana kamailio ana me ka hene malie ana iho o kana aka. Ua like keia mau olelo hoonuinui a Habaki me he kui la e hott aku ana ia Akeneki, a ke ku malie la oia, me ka piha i na manao like ole, a uhi puia iho la kona mau manao maikai apau, a ikeia aku la ke okoko o konji mau niaka me ka piha loa i ka huhu, alaila kapae ae la oia 1 kona kulana iede a huli pa-pu mai la imua o keia kanaka me he liona wahine la e makaukau ana e lele mai maluna o kana mea i makemake ai e po'i. Ua liapai ae Ia o Akeneki i kona poo iluna a kau mai la kona mau maka maluna o Habaki me kekahi nanaina e hiki ole ai i ua kanaka nei ke hoopoina, alaila hoopuka mai la oia i ka i an&. mai. "Kanaka hohe wale o ka hilahila ole." He mau wahi huaolelo uuku wale no keia i hoopukaia aku e Akeneki, aka ke wawalo liele la ia iloko o na paia o keia *umi a laua t noho nei e hiki hou ole aku ai ia Habaki ke ke'ake'a aku i ua kaikamahine la, a o ka huli mai la no ia o Akeneki no ka puka o ka rumi ana i moe ai pia ia po iho, me ka nana hou ole aku ia Habaki e noho kukule mai la maloko o kekahi rumi okoa aku. I keia komo ana mai o Akeneki, e noho aku ana no kela kaikamahine lawelawe o ka moe pu ana, me ia ma ia po aku, a akahi no a hoomamaia mai kona mau manao kaumaha, a he oiaio, ua hiki no ke pau ka hana o kela rumi i keia kaikamahine i ka hanaia iloko o ka manawa pokole, aka lie hoolalau wale iho no keia ana, no kona ake nui no e ike heaha mai ana la ka hopena o Akeneki, mamuli o na olelo ana e lohe aku nei ia laua i ke kamailio maloko o kela rumi. Ia ike koke ana aku o ke kaikamahine lawelawe, ua piha loa oia i ka olioli, a hooho koke mai la no me na huaolelo mahamaha: "Akahi no a hoomamaia mai la ko if manao ua hoi hou mai la oe me ka maalahi," a oiai ua lohe pono loa aku oia i na olelo hoomaka'uka'u a Habaki ia Akeneki, aole loa he manaoio o keia kaikamahine e loaa ana he pilikia ia Akeneki mamuli o kela kakau ana a Habaki maloko o ka bttke o ka hokele. Aole nae he hiki ia Akenēki ke pane koke aku i kona kokoolua. no ka mea ua oi loa mai la ka ma'i maluna ona e hiki hou «le iho ai ke hoomanawanui, a o kona hehee iho la no ia ilalo, a komo aku !a iloko o na lima aloha o keia kaikamahine lawelawe. Ua lohe mai'la o Habaki i ka leo auwe o ke kaikamahine lawelawe mamuli o ka maule ana iho o Akeneki, a o kona wa no ia i komo k°ke mai ai iloko o ko laua nei rumi, a hapai aku la ia Akeneki ilui.a o ka moe me ka hoomaopopo ole mai o ua o Akeneki i ka mea nana oia i ka'ika'i aku a hoomoe iluna o ka moe. ' • Aole nae i loihi loa ia waiho maule ana o Akeiieki, a iloko o na minuke helu w r ale no, ua kaakaa ae la kona mau maka, a ike mai la oia i ka noho aku o Habaki ma kona aoao, a o ia no ka wa i hopu mai ai o Akeneki i ka lima o ke kaikamahine lawelawe a i mai la- "E kipaku aku oe i kela kanaka e hele iwaho i keia manawa, aole loa o'u hoihoi e ike hou ī kona mau maka!" Aoie i pan.