Ka Nupepa Kuokoa, Volume XLIII, Number 44, 30 October 1908 — I KA POE KOHO BALOKA O KA APANA O HONOLULU, O KE KULANAKAUHALE AME KALANA O HONOLULU. [ARTICLE+ILLUSTRATION]

I KA POE KOHO BALOKA O KA APANA O HONOLULU, O KE KULANAKAUHALE AME KALANA O HONOLULU.

Ke nonoi aku nei au i ko oukou mau baloka ma ke kau koho e hoea mai ana ma ke ano he Moho Kuokoa no ke Kulana Hope Makai Nui no ka Apana o Honolulu. He keiki hanau au no Hawaii, he keiki ponoi na Maunakea a he keiki hanauna lioi na Kimo Pelekane, a ua kupa a kamaaina imua o oukou. Ua ike i ko oukou mau manao ame ko oukou mau makemake, a pela me na kulana kuloko. Mamuli o ka'u oihana loio e lawelawe nei iloko o ka aina i hookamaaina aku ia'u me na hana pili kuloko, a pela pu no hoi me na mea pili i na kanawai. Ua kupaa au ma ka aoao o ke kanawai ame ka maluhia, a ina e kohoia mai ana no ia kulana, ke hoohiki nei au e hooko aku i ke kanawai me ka maka'u ole ame ka hoopilimeaai ole. Aole o'u manaoio e alakaiia ana ka poe koho baloka mamuK o na ano uahoa iloko o ka aoao kalaiaina, no ka mea he mau ninau pili kuloko wale no keia aole pili lahui, aka e kaupaona ana no lakou no lakou iho, e like me ke kupono o kela ame keia moho pakahi e alualu ana no keia kulana. Ke poloai aku nei au ia oukou, e haawi mai i na leakoo ana. Owau iho no ko oukou hoa makaainana. J. M. MONSARRAT, (Maunakea.) 3247—0ct. 23, 30.