Ka Nupepa Kuokoa, Volume XLIII, Number 44, 30 October 1908 — KE ANO A NA LUNAKANAWAI KOHO BALOKA E HANA AI. [ARTICLE]

KE ANO A NA LUNAKANAWAI KOHO BALOKA E HANA AI.

No kekahi manawa ae nei i hoomakaukau ai o Kakauolelo Mott-Smith i kekahi mau kuhikuhi i ke ano o ka hana ana a na Lunanana koho baloka ke hiki mai i. ka la 3 ae nei o Novemaba i maopopo ai ia lakou ka lakou mau mea e hana aku ai, a he mau kuhikuhi hoi e pono ai i ka ]ehuJehu ke hoomaopopo mai i ka waiwai o keia ike. I ka wa e pau ai o ke koho baloka ana, e wehe koke ae ka lunahoomalu 0 ka papa nana koho baloka i na pahu baloka, a hoomaka e helu i na baloka i hookomoia iloko o ka pahu e ka poe koho, ina paha ua kulike ka huina 1 hookomoia ai me ka huina o ka poe i paa ma ka buke hoomanao a na Lunanana koho baloka. Ina nae ua oi loa aku na baloka i hookomoia iloko o ka pahu mamua o ka poe i hookomo baloka iloko, alaila e hookomo houia kela mau baloka apau e ka lunahoomalu iloko o ka pahu, a e uhiia iho ka pahu me kekahi welu, alaila huki pakahi mai oia i na baloka a hiki i ka lawa ana o ka huina i kulike me na mea maloko o ka buke hoomanao. E ma-kaia kela mau baloka i laweia mai ai mailoko mai o ka pahu, me ke kakauinoa ana o ka lunahoomalu mainua ae o ko lakou heluia ana me na inon o na moho ; i hiki ai ke ikeia ma ia hope mai i na e ala mai ana ke« knlii mau hoopaapaa. Tna hoi ua like loa na baloka i hookomoia me na mea i paa maloko o ka buke hoomanao a na lunanana, alaila e hoomaka koke no ka heluia ana o na 1 baloka no na nioho. , O ke ano e hiki ai ke kiolaia na bai loka penei no ia e like me ia e hoakakaia aku nei malalo iho' nei:: i E kiolaia no kekahi balpka ina ua oi loa aku na inoa i kahaia mamtia o na moho i makemakeia ai e kahaia no kekahi kulana. Ina e kahaia aku a oi wale aku na inoa maluna o ka paa baloka no na Lunamakaainana mamua o ka ke kanawai i kauoha ai. Ina ua kauia kekalii mau ma-ka inopopo loa i ka ikeia iho, a mau hoailona paha i ku-e maoli i ke kanawai koho baloka. Ina e loaa palua aku ana kekahi mau baloka i pelu like ia me he mea la ua hookomoia aku ia e ke kanaka hookahi. E kiolaia ka baloka e loaa aku ana, 'ua kahaia iloko o ka inoa i apoia, a i ole ka aoao hema o ka inoa o ka molio a i ole iloko paha o ia kowa hookahi me ka inoa o ka moho/ a i ole ma paha ua kakau maoli iho ka mea koho i ka inoa o ka moho, aole hoi i kaha, ame kekahi mau kaha lehulehu e ae e hiki ai no ke ike maopopoia iho, ua ku-e maoli i na mea a ke kanawai i kuhikuhi ai.