Ka Nupepa Kuokoa, Volume XLIII, Number 44, 30 October 1908 — JONAH K. KALANIANAOLE KE KANAKA SAMARIA [ARTICLE+ILLUSTRATION]

JONAH K. KALANIANAOLE KE KANAKA SAMARIA

I mea e akaka ai i ka poe koho baloka owai la o na moho Elele ke Samaria eiaio, o McCandless anei ka haole e olelo nei i ke mele i walewaha i na kamalii o na pipa alanui, "I mai hoi oe he aloha kou, he aloha wale no i ko lehelehe, hoopunipuni," a i ole oJ. K. Kalanianaole anei ke kanaka Hawaii hookahi ma ka aoao o na Hawaii i loaa aku na hoohanohano ana a kona lahui ponoi no ke kulana Elele no na makahiki eono i hala ae nei? Ke olelo nei o Mr. Colburn kekahi o na Demokarata ua anaia o McCandlcss ma ke ana kaupaona, a ua ikeia kona mama ana, a no ka mea he mau maunu pakalikali baloka wale iho no keia ana e hoohiki aku nei imua o ka poe koho baloka no ka loaa aku o na eka aina nui hewahewa, oiai nae aole ana mau hana< maikai i hana aku ai i na kanaka Hawaii, e like la me Kalanianaole. I hooia hoi no na hana maikai a Kalanianaole i hana aku ai i'kekahi heluna o na Hawaii, ua haawi wale aku ka Waiwai Kapiolani, ka waiwai ana i nolio ona aku ai, he ekolu haneri poe Hawaii i aeia aku e noho ma Auwaiolimu me ka uku hoolimalima ole. Aia he kanakolu mau Hawaii e noho nei ma Honuakaha i hoolakoia aku me na home me ka uku ole i na uku hoolimalinia; aLu hoi mawaho o Kewalo he kanaha ia mau ohana i hoolakoia aku me na home, ina Waikiki, a ma Kona, Hawaii. Mawaho ae o keia mau hana ku i ke aloha a ke Samaria oiaio Kalanianaole, ua hookuu laulaia ke kailawai'a o Mokauea i na Hawaii apau e hele lakou e lawai'a e like me ko lakou makemake, a o keaha aku ka hana a Kalanianaole i: koe no na kanaka Hawaii e nana kee mai ai iaia ma ka la koho baloka? Lawe mai iaia ame McCandless a kaupaona aole auanei e nele ana ke koho lokahi ana o ka lehulehu iaia i Elele i keia kau. E Koho Pololei ia J. K. Kalanianaole i Elele i Wakinekona!