Ka Nupepa Kuokoa, Volume XLIII, Number 45, 6 November 1908 — NA HUNAHUNA KOHO BALOKA. [ARTICLE]

NA HUNAHUNA KOHO BALOKA.

Oiai ua puka ae la na moho apau i kohoia iho la mai Hawaii a Kauai, e hewa hoi ka hoomaoe wale ae 110, a i hiki mai i ko oukou wahi o ka hana, nanāia ka pono o ka lehulehu. N>lawaho uei kaawale oukou ma na aoao, aka, hiki aku maloko o ka Ahaolelo, he poe kauwa like oukou apau na ka lehukhu. I lawelawe aku e na Luna Aupuni o ke Kalana i ka oukou mau hana-, e ike i ke kanaka iki ame ke kanaka nui, e hewa ia la! I kanaka no na Alii i ka hana maikai, pela no auanei oukou, ke hoea • hou mai ia kau holo baloka hou aku. Ua hiki mai la no i ka hopena o keia kau hakoko kalaiaina, a o ke kalaiaina naauao no ea, pau ae la no na la uluku, hoi iho no na manao a ka wai lana malie. Hoopau na manao nonohua, nana aku i ka -nee ana o ke au o ka manawa. Minamina aku a minamina mai 1 ka haule ana o mea a o mea, aka, i hewa no i ka Jele mua, alaa ka mihi la i ka ikeia ana ae la o ka huamoa keiki ole. Kani ka aka a ka poe i hooikaika x ka lakou mau moho i ka lanakila ana j ma ka la koho baloka iho nei, aka nae, j malia paha he kauka'i aku o ka loaa mai o kekahi mau kulana mai ia lakou mai; a ina i'o pela ea, ua hiki no ia poe ke oleloia ae, he alualu oihana. I ka noke mau no o Harry von Holt i ka olelo i ka waihoia o Mooheau i Kawaihae, a waiho i'oia no i ka pahu baloka ma ka la 3 o Novemaba iho nei. Poina nae hoi oia i ke mele i maa mau iaia i ke kamailio ma na haiolelo: hina i'o no la, i ke kuhihewa, aha'i o Kalena i Haleauau. Liki aku liki mai ka puka o Kale Aki i Meia no Honolulu nei, a i hiki mai la ka hana i ka pahu liopu, lihi launa ole mai mahope o kona mau hoa mokomoko.

E kala no i hoole mai ai ka makole | i na moho a ka Home Rula, o ka pau nae hoi ia o kuhihewa, aia no a ike pono. Hoonana houia aku no ia kau hou. 0 ka makana hiwahiwa a ka poe koho ba)oka o ka Apana o Honolulu nei i haawi aku ai ia Chas. Kose no kona la hanau, o ia no ka hookau ana aku iaia ma ke kulana Hope Makai Nui, oiai o ka la 3 o Novemaba kona la i hanauia mai ai' i keia ao. Puka hou ae nei no o J. W. Cathcart i Loio Kalana i keia kau, mau aku la Ino ka noho o Baraunu i loio no ka j Aha Hoomalu, a mau no ka ai ana i na pomaikai. Me keia no e na Lunamakaainana i kohoia no ka Ahaolelo, hoomakaukau e no i na bila e hookomo aku ai, oi nui ka manawa. Waiho auanei a haiki, kuhi ae no mea a no mea ka hewa. Oili hou mai nei no ka Mea Hanohano H. M. Kaniho i Lunamaleaainana e malama hou ana no paha auanei i pa hula nana ke hoea mai i keia kulanakauhale. Ma ka helu ekahi o ka hoomalu ana i ka Hale o na Lunamakaainana, aole no e loaa aku ka Mea Hanohano H. L. Holstein, he hana noeau ka hookau hou ana aku ia hanohano i ke kanaka i kamaaina ia noho. Lilo makehewa ka lulii o kekahi poe i komo iloko o na hana kalaiaina i mea ole, ma o ka haule wale ana o na moho ano nui i makemakeia aku e aha 'i i ka lanakila, aka «a no ka ekaeka no hoi paha o ka maunu, apoia e ka papa'i, ka i'a i holo i ke mele i ka nihomole. Aole i komo ko B. W. Aylett kii maloko o keia helu o ke Kuokoa, aka, he kii nui moakaka nae kona a Adamu ame.Eva i hana mai ai, aia a noho ae i ka Papa Luhakiai ike ponoia aku ua kanaka ia. Ua pono no kau palia wale ana ae, i ka pololei no o ke koho ana a ka lehulehu- ia oe ma ka pahu baioka. Ina ka he po'e wahine kekahi poe koho baloka, ina ua lanakila o McC-andlēss no ke kulana Elele i Wakinekona, he hoohie paha i ke keokeo o ka ili, a i ole he makemake paha i mau aina hookuohoono. Nui na hoomaikai a kekalil mau moho i puka e oili aku nei ma keia pepa, a he noonoo ole paha no kekahi mau moho i ka lehulehu o ka poe koho baloka i hoomanao ol« mai ai i mau wahi mapuna olelo hoomaikai no lakou.