Ka Nupepa Kuokoa, Volume XLIII, Number 45, 6 November 1908 — I NA MAHIKO KA KO McCANDLESS KUMU HAULE. [ARTICLE]

I NA MAHIKO KA KO McCANDLESS KUMU HAULE.

Wahi a ka Elele Demokarata L. L. McCandless i hoike ae ai ma ka Poakolu nei, ua haule ka oia i keia kau mamuli o na mahiko a puni keia Teritore. Ua haawi ae no nae oia i kana mau hoomaikai ana i ka poe i hooikaika pu me ia iloko o na hakoko kalaiaina iho nei, ame ka poe hoi i koho iaia ma ka Poalua nei. TJa lilo nae i mea hoōkahaha aku iaia mamuli o ka ike ana i ka uuku loa o kona mau baloka ma 'kekahi mau mahele ana i upu aku ai e loaa ana iaia na baloka kiekie.loa ma. ia mau mahele e ]ikeJa me Ewa ame keliahi mau mahele e ae. ; Ma Koolauloa nae kana wahi i hooiaio ai i ko lakou kupaa ana nona, oiai o kahi ia i haule ai o Kalanianaole iaia. ' Ua ikaika maoli no o McCandless, ina keia koho baloka ana, ka mea i manao mua ole ia aku e oi ana kona mau baloka imua o MeOlanahan iloko o elua makahiki i hala ae nei.