Ka Nupepa Kuokoa, Volume XLIII, Number 46, 13 November 1908 — KA HOPENA O KE KOHO BALOKA MA NA MOKUPUNI. [ARTICLE]

KA HOPENA O KE KOHO BALOKA MA NA MOKUPUNI.

Mamnli o ka loaa ana mai nei o na hoike e pili ana i na moho i lanakila i keia kau koho haloka mai na mokupuni mai nei, ua ikeia ke pii hou mai nel "ka ikaika o ka aoao Repubalika ma Hawaii, oiai ua oi ija na inoho a ia aoao i puka mai nei imua o ke kau koho aku nei 1 hala. He eliia mau mea maopopo loa i ka nana aku, mamuli o kela ikaika i loaa i na Repubalika, o?ia no ka wehe kaawale ana ae nei o na Dcmokarata ia lakou iho mai na Home Rula mai, a o kekahi no hoi, inamuli o ka ikeia ana o ka maikai ole o na hana a na, luna aupuni Heme Rula i noho mua ma na oihana, pela iho la i haule ai na moho Home Rula i holo hou mai nei i keia kau, ua lawa ka ike ana o ka leHlehu i ka lakou mau hana o ka wa i hala. O kekihi nae o na mea i ikeia mamuli o na moho i oili mai nei, ua kohoia aku lakou mamua o ko lakou kupono maoli no, me ka nana oleia o ko lakou mau aoao e holo mai ana no kekahi mau kulana oloko o ke Kalana ame ke Teritore. Ma Maui, oia ano hookahi no ka nana ana a ka poe koho baloka ma na moho kupono, e like me ka oili ana mai o na moho o na aoao i alualu mai nei ina oihana lehulehu. E hoike ana ka nupepa o Maui, aole i nana aku ko Maui poe koho ma ka ili, aka ma ke kupono o ke kanaka e hoopiha aku ana i kekahi kulana ano nui o ka lehulehu, pela iho la i oili mai ai kekahi poe haole ame kekahi poe kanaka Hawaii no hoi. Aole he olelo ana no ka Mokupuni o Kauai, ua i-keia no ka noho niana ana o ka aoao Repubalika ma ia mokupuni, a hui pu iho me ka loaa ole o na paewaewa ma ka lakou mau hana, ua pau poo pau hi'u na kulana apau i na Repubalika mai ko" ke Kalana a ko ke Teritore.