Ka Nupepa Kuokoa, Volume XLIII, Number 46, 13 November 1908 — LOOHIA NA LUINA I KA PELIKIA. [ARTICLE]

LOOHIA NA LUINA I KA PELIKIA.

O keia malalo iho nei ka moolelo pokole e pili ana i ka poino i loaa aku i na moku luu mamuli o ka nui o ka ino, a he poino hoi ia i aneāne e pau loa na luina o kekahi mau moku luu i ka make. PHILADELPHIA, Oet. 16.—Ma ka Poaono i hala i hoike ae ai na aliikoa ame na luina i ko lakou moolelo kuhaiki oiai lakou ma ka moana. Ma ka Poaha i hala ua haalele iho la ka moku lawe pu me eha mau moku luu ia Nu loka a holo aku Piladelphia, he kowa e hiki ai ke holo ia no hookahi la ame ka hapa, a mamuli o ka ]oaa ana i ka iso ua hala_ja lakou he elua la ame elua po me ka paio ana me ka ino. uMa ke ahiahi Poaha i haalele iho ai na moku, ua loaa iho la lakou i ka ino ia po a ao mawaho ae o ke Sandy Hook, mamuli o kela ino ua komo ia na moku luu e ke kai a ua hoopiha ia lakou me ke ea awaawa mamuli o ke komo o ka wai kai, a mamnli o ia kumu ua kaohi mauia na moku e noho mau maialo o ka hohonu me ka aneane e pau loa na luina i ka make. Ua loaa like na luina apau i kela wai awaawa a e hala ana paha he mau la loihi mainua o ka hiki ana ia lakou ke oluolu maikai loa ae. E lilo ana nae ka loohia ana i keia poino i mea e loaa hou ae ai ia Amerika ia ike a e noonoo ana ka oihana kaua i ka liāna kupono e hana ai i na moku luu o keia ano, i mea e hoopakeleia ae ai na moku ame na luina pu mai ka poino ae. He elua mau moku i nalowale i kela ino nui a he hana nui no hoi ia na na moku i like ole aku ka poino me ko laua. oia ka Viper ame ka Tarantula. T7a hala okoa ka po Poaha ame ke kakahiaka Poalima ae i ka huli ia no na moku luu I ko laua mana•wa i loaa aleu ai. o kahi moku Viper ka mea i aneane īoa e poino kona mau luina mamuli o ka paa o ka hanu a o kahi moku luu aneane loa e piholo. Mai ka manawa mai no i hoomaka ai ka ino mailaila mai no ka hoomaka ana o kela poino. Ua nui na ale i pii mai a ulii niamua o ka hiki ana ke pani a paa pono na pukapuka liilii o ka moku. Man.ua o ka hiki ana ke pani a paa pono ua aneane e hookahi kapuai ke kai iloko a mamuli o ke ea kai i aneane loa ai na luina e make iwn-.i'h o ka paa o ka hanu-me ka loaa pu i ka waiawa. No kekahi manawa loihi he hana nui na keia mau wahi moku liilii ka hoopilipili aha aku i ke Scorpion ka moku lawe pu. Iloko o ekolu hora mahope iho o ka poeleele ana ua nalowale aku la na moku Viper ame ka Tarantula. Ua hoike kokeia aku kela nalowale ana i ke Scorpion a iloko o kela ino nui ua hoomaka koke iho la oia e. huli me na wahi moku liilii e holo pu ana me ia. TTa hoolele koke ia ke kukui uwila ma na wahi like ole, a oiai nae ka ua, ka noe ame ka makani e pa ana ine ka ikaika ua hiki ole ke ike maopopo mai na moku pnino oifti no laua e hooikaika ana e hoopakele ae ia laua mai :loko ae o na poino e uhi pu ana maluna o laua. Aole o ka nui o ka ino ,-wale no ka mea nana i hoopilikia loa aku i na luina, aka, o ko lakou honi mau ana i ka ea kai iloko o ka moku. I ka wehewehe ana o kaiao akahi no Jaua a loaa ua hele nae na luina a paupauaho aneane e kaili ia ae ko ) kou mau ola. Ua ho'ea koke aku na kokua i. ka manawa kupono loa a haawiia iho la ia lakeu na kokua ana. Ua pauma kokeia ke kai a pau o na wahi moku poino, a koloia a hiki i ka pili ana i ke awa maloko loa o ka muliwai. O na luina i aneane loa e poho ua laweia ia i kekahi mokupuni aneane umi-ku-mamalima mile mai keia kulanakauhale aku, he wahi no ia no ke aupuni i hookaawaleia.