Ka Nupepa Kuokoa, Volume XLIII, Number 46, 13 November 1908 — MALAMAIA KA LA HANAU O KA MOI O PELEKANE. [ARTICLE]

MALAMAIA KA LA HANAU O KA MOI O PELEKANE.

He keu no hoi o ka pule wale aku nei no i hala ka pule i malamaia o ka la hanau o kekahi o na Moi o kekahi o na aupuni nui a kaulana o ke ao nei, oia hoi ka la hanau o ka Emepera o lapana, eia ka o ka Ia hanau no kekahi o ka Moi Edward o Pelekane i malamaia ai ma ka Poakahi nei maloko o keia kulanakauhale. He heluna nui o na luna aupuni o na aina e ame na luna aupuni o ke Teritore ame kekahi poe hanohano i akoakoa aku ma ka hale noho o ke Kanikela Pelekane R. G. E. Forster, no ka lioohanohano ana i ka la hanau o ka Moi Edward o Pelekane, o ka piha ana hoi iaia o na makahiki he kanaono-kumamahiku. Haila pu ae ka bana puhiohe kahi i hoohiwahiwa ai no ka la hanau o keia Moi, a ua hoohalaia e lakou he mānawa loihi ma ka paani ana i kekahi man niele a liiki -wale i ka pan ana o ke anaina ike. I ka manawa e malamaia anā o kft puhiohe maloko o Ema Kuea ma ka po ana iho, a i ke kokoke ana e hookuu na liana puhiohe o ia po, ua hookaniia ae la ke mele lahui o Pelekane, a i ka pau ana, o ka wa ia i pii aku ai ke Kanikela Pelekane iluna a haawi mai la he wahi ha'iolelo pokole, e haawi mai ana i na hoomaikai ana i ka bana no ka hoomanao ana i ka la hanau o ka Moi o Pelekane, a wahi ana, ma kana leka aku ana e kakau aku ai, e hoike aku ana oia no ka malamaia ana o ka la hanau o. ka Moi ma Honolulu nei me ka mahiehie.

NA MARE. Kealoha Napapa ame Kolokea Kaona, Novemaba 5. Na Puilu Kahapea ame Mokihana he kaikamahine, Nov. 11. *+* NA HANAU. Na Barney Jov aiue Beittey Joy he kaikamahine, Oet. 2. Na John Aea ame Lucy Aea he keikikane, Oct. 6. Na Richard Panaewa ame Mary he kaikamahir.e, Oet. 9. Na Irwin Kamball ame Libbie he-kai-kamahine, Oct. 22. Na Bernard H. Kuinae ame Mrs. Kuinae he kaikamahine, Oe£. 29. Na Dan Namahoe ame Lucy he kaikamahine, Nov. 8. X NA MAKE. David Kalaukoa ma ka Hale Moiwahine, Nov. 2. 01iva Kalua ma ka Home Leahi, Nov. 2. Palekai ma ka Halema'i Pupule, Nov. 6. Rev. D. Kapali ma Moanalua, Nov. 6. He bebe na Mr. ame Mrs. Kekuhina ma ke alanui Hema, Nov. 6. Haili Kaaialii ma Kapalama, Nov. 6. Makakoa Kaaihue ma ke alanui Keawe, Nov. 6. Willie Crawford ma Moanalua, Nov. S. He bebe na Paea ma ke alanui Hema, Nov. 8. Kamalani Alekana ma ke alanui Yinia Nov. 9. L. W. P. Kanealii ma ke alanui Kulika, Nov. 9. Kanepuu ma ke alanui Yinia, Nov. 9. Kuahao Harbottle ma ke alanui Auld, Nov. 9. Jrlnaina ma Koko Head, Nov. 10. Kahai Merseberg ma ke alanui Luzo, Alexander Kahela ma ke alanui Kapulani, Kalihi, Nov. 11. Caroline Hangton, Alanui Ema, Nov. 11. .