Ka Nupepa Kuokoa, Volume XLIII, Number 47, 20 November 1908 — HALA AKU LA O KIAAINA FREAR NO WAKINEKONA. [ARTICLE]

HALA AKU LA O KIAAINA FREAR NO WAKINEKONA.

Maluna o ka Moku Lawe Koa Crook 1 haalele iho ai ia Honolulu nei ma ke ahiahi o ka Poalua nei, i kau aku ai o Kiaaina Frear no kana huakai no Wakinekona e like me na mea i hoolala muaia eia. E like me ka maa, i ka wa e kaawale aku ai ke Kiaaina mai ke Teritore nei aku, e pii ae ke Kakauolelo o ke Teritore a noho ma ke ano Kiaaina pela o Kakauolelo Mott-Smitli i noho ae la i Kiaaina no Hawaii nei a hiki i ka huli lioi ana mai o Kiaaina Frear iloko ae nei o ka mahina o īanuari. Iloko o na pule e hoomakaukauia ana keia liuakai ana no Wakinekona, ua hooha'a nui oia i kona manawa ma ka imi ana i na makaukau ina kona aoao, no na mea ana i manao ai e waiho aku imua o ka Peresidena o Amerika Huipuia. Ua hele pu, aku la no oia me kana Kakauolelo pilikino, ame ka mikini kikokikohua, oiai iloko o na la eono ;a lakou e liolo aku ai ma ka moana mamua o ke ku ana aku no Kapalakiko, e hoomakaukau ana oia me kana Kakauolelo i kekahi mau hana i pau ole i ka hanaia mauka nei o ka aina. 0 kekahi o na hana nui iloko o ka noonoo o ke Kiaaina, oia no na mea e pili ana i na Aina Aupuni maanei nei, a e hoomakaukau ana oia he mau paku'i lehulehu no ka waiho ana aku imua o ka Ahaolelo Lahui, e like me na mea a ke Komisina Kanawai Aina i in)i iho nei i wahi e kupono ai ke ano 0 na aina aupuni e hoohanaia ai maanei nei. . , O kekahi o na hana a Kiaaina Frear 1 makemake ai, oiai kona manawa e nolio aku ana ma Wakinekona, oia no ka hooikaika ana aku e holo mai kahi mau pomaikai i Hawaii nei e pili ana i ka hoomomona ana i na aina e ikeia nei ko lakou waiwai ole, ame kekahi mau hana e ae e hoohanaia mai nei ma na aina aupuni o Amerikg, Huipuia. KAPALAKIKO, Nov. 14.—Ua lawe ia o Henney i ka halema'i Lane. Ma ka hoikeia mai he maikai kona kulana i ka po nei me ka loaa iaia o ka moe maikai ana.