Ka Nupepa Kuokoa, Volume XLIII, Number 47, 20 November 1908 — HE LEKA MAI NA AINA E MAI. [ARTICLE]

HE LEKA MAI NA AINA E MAI.

He mau pule ae nei i hala, ua loaa mai kekahi leka ia Mr. D. K. Kekona mai kana keiki mai Dimond Kekona, i kakauia ma ke kulanakauhale o Piladelepia, Amerika Huipuia e hoike mai ana i ke ano o ko lakou noho ana ame ka holopono o ka lakou hana ma na aina e. He mau keiki Hawaii keia i haalele iho i na kapakai aloha o Hawaii nei a au aku la i na aina e no ka huli ana i na pomaikai kino ma ka him%ni ame ka hookani ana me ka lakou mau mea kani like ole. Ma kana hoike mai he holopono ka lakou hana malaila; e loaa ana ia lakou ma kahi o ka $1,425 i kela ame keia pule. Aia lakou malalo o ke alakai ana a kekahi liaole hoolele kii onioni o Mr. liuM'n kona inoa, a ma ka po a lskou i wehe mua ai i ka lioikeike kii onioni ma ke kulanakauhale nui o Piladelepia i kokuaia e ka lakou mau himeni Ha-1 wau, ua loaa ia lakou kekahi huina dala a ma keia po ma ka Uakou koho aku, aia ma kahi o ka umi kaukani kanaka a oi i akoakoa ae malaila e ike i ka hana a na keiki Hawaii a lakou i lohe wale ai. Iloko o ka lakou lmi himeni he ehiku no lakou keiki Hawaii no lakou na inoa pakahi, Dimond Kekona, Charles Kalahila, E. Davis, Frank Forest, Harry Parker, Sam ame Willie Jones. He nui aku na hui himeni Hawaii ma Amerika a ua auwana aku lakou ma na wahi like ole. " Penei ka manao o ka leka: I kuu Papa aloha, Mr. D. K. Kekona, Aloha oe ame ka oliana apau:—Ua loaa ia'u wa kupono loa e kakau aku i keia leka ia oe a e hoike aku hoi i ko mak'on kulana ame ke ano o ka makou hana maanei. Maloko o ke kulanakauhale o Piladelepia nei i wehe ai makou i kekahi hoikeilee nui imua o kekahi aha kaEiaka nui i hiki aku ko lakou huina īna ke koho aku ma kahi & umi kaukani. 0 Mr. Lubin ko maleou alakai, a nana i hoikeike i ua kii onioni me ke kokua pu ia akū e ka makou mau himeni Hawaii me na «mea kani. Ua ;nui ka makemakeia o na himeni Hawaii. Ua piha ohohia ke anaina me ka ulumahiehie. a hiki wale i ka hookuuia ana o na hana o ia po. 0 ka nui o na dala i loaa ia makou aia ma kalii o $1,425 i ka pule a ua loaa ia ,-mākou na uku maikai loa no ka pule. E kaahele hou aku ana no makou ma kekahi mau wahi aku malalo no o ka makou hana himeni. He ehiku iio ko makou nui he poe leeiki Hawaii wale no. He maikai makou a pau me na olakino maikai. Nui ke anu o keia aina.