Ka Nupepa Kuokoa, Volume XLIII, Number 47, 20 November 1908 — Nuhou Kuwaho [ARTICLE]

Nuhou Kuwaho

BUFFALO, N. Y., Nov. 13.—Mamuli o ka hoao ana o kekahi mau Pake eono e pakele inai ka ike ana aku a na Lunanana o ka Papa Hoopae Limahana, na holo ae la lakou ma kekahi wahi okoa me ka manao e pakele a mamuli o ia hana ana ua kahuli iho la ka waapa a pau loa lakou i ka make. * PEKIN, Nov. 14. —Ua make ka Einepera o Kina'i keia auwina la ma ka hora 5 p. m. Ma ka hoikeia mai o ka Emepera wahine kanemake kekahi nawaliwali loa a he maopopo ole kona ola. PEKIN, Nov. 16.—Ua make ka Emepera wahine o Kina. Ua kukala akeaia o ke Keikialii Pu-yi ka Emepera. WASINETONA, Nov. 17.—Ua hoole ka Aha Kiekie o Ainerika i ka palapala noi i waihoia aku nei imua o ia aha no kekahi palapala hookuu kino no Morita Keizo, oiai ua hooholoia e liia oia ma Hawaii no ka heWa pepehikanaka. KAPALAKIKO, Nov. 16,—Maanei ma ka la i nehinei malalo o ka halepaahao o ke Kalana, ua ki iho la o Morris Haas, ka mea nana i ki o Francis J. Henney ; iaia iho i ka pu ma ka lae a make. Ua huna oia i kana pu iloko o ke kamaa iloko o kona rumi. He elua ona manawa i huliia ai e na makai mahope o kona hopuia ana aohe pu i loaa. He maikai no ko Henney kulana i keia manawa. E kaliaia ana oia i keia kakahiaka. Ua loaa aku ka poka malalo o ke a lalo. Ma ka po nei i malama ae ai na kamaaina o Kapalakileo nei i ke.kahi halawai makaainana nui, lie umi kaukani kanaka i akoakoa ae. He mau olelo hooholo ka i kukalaia e kakoo pu mai na kamaaina o ka aina, ma ke kokua ana e hoahewaia ka poe kanawai apau. O Meia Taylor ka Lunahoomalu o ka halawai.