Ka Nupepa Kuokoa, Volume XLIII, Number 47, 20 November 1908 — KUU POKII HELE LOA. [ARTICLE]

KUU POKII HELE LOA.

i Mr. Lunahooponopono, Aloha oe:—E I oluolu mai hoi oe no 'u kau wahi kaawale o ka Hiwahiwa a ka lahui e hookipa aku i kela mau hua palapala e kau ae la.maluna i ike mai ai hoi na kini ame na makamaka e noho ana ma ka puka ana a ka la ma Kumukahi a ka welo ana a ka la i Lehua. Ma ka hora 9 me hapa o ke kakahiaka o ka la 3 o Novemaba nei, 1908, i haalele mai ai i keia ola ana kuu poi kii hele loa Samuel Kaohe Kaelema- | kule i ka 28 o kona mau makahiki o ka hanu ana ma keia ao, a kuu aku la ka luhi ma ko makou home ma Honomakau, Kohala Akau, Hawaii, mamuli o ka hoomailo ana a ka ma 'i iaia no na hebedoma ekolu a oi. \ Nolaila ua kau iho maluna o maua na kaikuaana na keiki ame ka ohana apau, ka luuluu, kaumaha, minamina, no kona haalele ana mai ia makou e noho u aku nona ma keia ao. Auwe! aloha wale kuu pokii hele loa. Ua hooikaika ia na lapaau ana no kona ola e ke kauka ua hiki ole, no ka mea ua paa ka ke Akua olelo, no ka lepo mai no oe, 'a e hoi aku no oe i ka lepo. E hoomaikaiia o lehova ke Akua, Nana no i haawi mai a Nana no i lawe aku, Amene. He 11 ko makou nui i puka mai ai mai ka puhaka mai o Mr. ame Mrs. D. P. Kaelemakule, a ua lawe aku no ka make a he koena mai makou ekolu. Ua hoonaauao ia kuu pokii ma ke kula Hawaii ma Honomakau i ka wa o Kapaona ke kumu, a mahope iho ia Kaimana ina. Puka mai maiiaila mai komo ma ke kula olelo Beritania ma Ainakea i ka wa o Mr. Dyer ke kumupoo, puka mai a noho hana ma ka Hui Kelepona o Kohala no kekahi mau makahiki, a ma ka Hui o ka Union Mill, a o ka hope loa ana i hooikaika ai i loaa ai na pono o keia ao mauleule o ka hana Alanui Aupuni a hala walo aku la oia. He keiki papa oia no ka aina, he makua malaina i ka nolio ana o ka ohana, he ike makamaka, he heahea, a hookipa i na malihini kipa mai ma kona home. He Viahina wale no a oi ke kaawale 0 ka liaule ana aku nei o ke kaikamahine Miss Rose Anana Aki a hahai aku la no oia ma ia alahele hookahi. Ua malama ia kona anaina haipule e Rev. S. W. Kekuewa ma ka home a ma ka iua kahi ana i moe āku la no ka hoolono ana i ka leo o ka pu a ka Anela. O ke ano iho la keia o ke kanaka i hanauia e ka wahine, he hapa kona mau la ua piha i na ehaeha ame na popilikia. K? haawi nei au i ka'u mau hoomaikai, a o makou no apau me ka ohana 1 n a makamaka ame na hoaloha ī haawi mai i ko lakou mau lima kokua ame ka lakou makana poke pua me na hoohiwahiwa lei, a kaana pu hoi i na ehaeha i loaa ia makou no ka makou mea aloha i haalele mai. Me na keiki oniu hua metala o kou papa pa'i ko'u aloha nui. 1 P PAUL K. KAELEMAKULE. Kapaau, Kohala Akau, Novemaba 9, 1908.