Ka Nupepa Kuokoa, Volume XLIII, Number 47, 20 November 1908 — KA ELELE PAKE NO AMERIKA Hookipa Ohaohaia Oia Ame Kona Mau Ukali e na Luna Aupuni Maanei nei. [ARTICLE]

KA ELELE PAKE NO AMERIKA

Hookipa Ohaohaia Oia Ame Kona Mau Ukali e na Luna Aupuni Maanei nei.

Ma ke ku ana mai o ka Mokuahi Mongolia ina ke ahiahi o ka Poaono nei i hoea mai ai ka Eiele Tang Shaovi o Kina ame kona mau ukali, no kana huakai no Amerika, ma ke ano e haawi aku i na hoomaikai ana a ka Emepera o Kina no ko Amerika hoihoi ana mai i ke poho e pili ana i ke kaua a ka poe Boa. Ma ka aoao o ke Aupuni Federala ame ke Teritore, ua hoea ae' he mau puali koa i ka uwapo no ka hoohanohano ana i kela mau luna aupuni ki«kie o Kina, a pela hoi me ke Kakauolelo o ke Teritore ame na ukali o ke Kiaaina no ka hookipa ana mai L>kela mau luna aupuni. Mahope iho o ka malamaia ana o keleahi anaina ike maluna o ka moleuahi mawaena o na malihini ame na kamaaina, ua iho mai la lakou noluna o ka uwapo, a kau mai la maluna o na kaa otomobile no ka hele ana mai e ike i ke Kiaaina o ke Teritore. Ua haawi mai ka bana puhiohe he mau mele hoohanohano, a pela no hoi 1 kiia mai ai na pu aloha he iwakaluakumamakah.i, ā o ke ka'i loa aku la noia o 'ka huakai no ka Hale Mana Hooko, kahi a Kiaaina Erear e kali mai ana me kona puali. Aole i loilii loa ka manawa ike i malamaia mawaena o ka Elele ame ke Kiaaina, aka nae ua hoike ae laua no laua iho i ka hauoli no keia liui ana, a pela pu hoi me ka Amerika hana maikai o ka uku ana mai i na poho i ke aupuni o Kina. Ua hoikeike mai ke Kiaaina i ka lilo ana he hana maikai loa na Kina ka hoouna ana he elele no ka lawe ana i ka lioomaikai ma ka aoao o ka Emepera o Kina. Mahope o ka hala ana o kekahi manawa pokole, ua pii aku la na malihini kiekie no kahi o ke Kanikela Pake e noho nei maanei, a mahope aku i ukali aku ai ke Kiaaina me kona mau hoa nolaila a huli hoi koke mai no. Oiai ka Elele e noho ana ma kahi o ke Kanikela, ua hoea ae la he palapala noi mai. na keiki Pake ae e noho nei ma Honolulu nei, e noi aku ana iaia e noonooia mai na keiki Pake ma Honolulu nei Ti*o ka hoonaauao ana aku ia lakou ma Amerika mailoko mai o kela mau dala a Amerika e uku mai ai ia Kina. Ua ala mai keia manao iloko o ko Honolulu r.ei poe keiki mamuli o ka hoomaopopo ana, o ka manao iho la no ia o kela mau dala no. ka hoonaauao ana i na ppio o Kina maloko o na leula kiekie ma Amerika Huipuia, a pela i uilani ae ai ka manao o ko Hawaii nei poe opio e komo pu aku lakou iloko o ia pomaikai. Aole no i loihi loa ka noho ana o na malihini ma kahi o ke Kanikela ua hnli hoi aku lakou noluna o ka mokuahi a malaila i hoaumoe ai nq ke koena o ia po, a liiki i ka liaalele ana mai a ka Mongolia i keia wa.