Ka Nupepa Kuokoa, Volume XLIII, Number 47, 20 November 1908 — HAULE A NALOWALE KEKAHI MAU MEA MAKAMAE. [ARTICLE]

HAULE A NALOWALE KEKAHI MAU MEA MAKAMAE.

Ma ka auwina la o ka Poalia o ka )pule i liala, ua kau mai la o Mrs. Castor, lie wahine na kekahi aliikoa, maluna o ke kaa Ot.omobile o Mrs. Charles B. Cooper a holo mai la no ka haleleka, a iaia i kau mai ai ua inaopopo no iaia ua paa pu mai no oia i kana eke paa lima. Aia maloko o kela eke he mau mea makamae lehulehu, he mau komolima he mau pine omau ame kekahi huina dala mahuahua. E holo ana kela wahine no Manila maluna o ka moku lawekoa Sheridan, a iaia i kau mai ai maluna o ke kaa, ua waiho oia, pela kana hoomaopopo i kela eke iluna o kona u-ha, a o kahi i haule ai aole ia i maopopo, aka nae, aohe wahi e ae a laua i holo ai mai ka uwapo mai no o Bihopa a hiki i ka haleleka. A e like me kahi ike moowini i loaa iaia me he mea la i kana hoomaopopo iho ua haule kela eke mawaho iho « ka hale hana hao Honolulu Iron Works ma ke alanui Allen. Aia iloko o ke eke eleele he eke kaki a maloko iho o kela eke he ekeili a maloko loa he eke kilika, a o na waiwai oloko o liela eke he mau komolima, he mau pine omou, he mau leipupu āaimana—o na mea kahiko gula wale o Mrs. Castors a pau iloko. 0 ka hapanui o na momi iloko no na mea pili i ko laua mareia ana. He liookahi komolima iloko me na po'ha'ku monii like |ole ;he leidaimana me na momi like ole. Ua nui ka minamina o kela wahina haole i kela mau mea makamaa kumukuai nui, a oiai oia e holo ana 210 Manila ua nui ka haniiia ana o k» waiwai i nalowale e kona mau hoāloha pau pu ive na makai no ke ake nui « loaa mamua o kowa holo ana akiu