Ka Nupepa Kuokoa, Volume XLIII, Number 47, 20 November 1908 — MARE IA KEIKI O HONOLULU NO ELUA MANAWA. [ARTICLE]

MARE IA KEIKI O HONOLULU NO ELUA MANAWA.

E hoike ana kekahi o na nupepa o Kapalakiko i ka mare ana o kekahi keiki haole o Honolulu nei i kana wahine no elua manawa, ma na inoa like ole nae, me ka wahine hookahi no. O Edwin Johnson ka inoa o keia keiki eia no kona mau makua ma Honolulu nei kalii i noho ai. Iloko 0 na makahiki ekolu i hala ae nei, ua noho ku-ee keia keiki me kona mau makua a hiki i kona holo okoa ana aku no Kapalakiko, me ka lioololi ana 1 kona inoa pololei a lawe ae la he inoa okoa. Ma kel«'t inoa i mare aku ai oia i kekahi kaikamahine u'i iloko o ka mahina o Mei, 1906. Ua noho kane a wahine laua mai ia manawa mai a hiki /ma ka 'la 6 iho nei o keia' mahina, ua mar6 hou iho la laua, ma ka inoa pololei, oia hoi o Edwin Johnson.

Aole i manao keia keiki e huli hoi hou mai no Hawaii nei, a i ole ia lawe hou ae paha i kona inoa pololei, aka mamuli o ka hoopoina ana o kona mau makua i na ku-ee o na makahiki ekolu i hala, me ke kauoha mau ana aku i ka laua keiki e huli hoi mai no ka home o kona mau makua, nolaila pela oia i mare hou ai ma kona inoa pololei, a e huli hoi mai ana laua no Honolulu nei e like me ka hoike a kela keiki.