Ka Nupepa Kuokoa, Volume XLIII, Number 47, 20 November 1908 — KE ANO O KA ULIA KAAAHI MA MAUI [ARTICLE]

KE ANO O KA ULIA KAAAHI MA MAUI

0 ke ano o ka ulia i huli ai ke kaaahi o ka mahiko o Puunene, Maui a make ai kelealii poe hana oluna o ua kaa la, ua hoikeia ae ia maloleo o ka Nupepa haole o Maui. O keia ka ulia i make ai o Arthur Allen a hoihoiia mai ai maluna o ka Mokualii Mauna Loa ma ka Poalua aku nei o ka pule i hala. Wahi a ka hoike a kela nupepa, o keia ka ulia manaonao loa i ikeia ma kela mahiko, oiai he ekolu poe i pau i ka make ma» kela ulia i ka manawa 'hookahi a he lehulehu wale ka poe i loaa na palapu kukonukonu. Ma ke kakahiaka nui o ka Poakahi i liaalele iho ai ke.kaaahi me ka piha i na kanaka hana no ka hele ana i ka lakou hana o ka mahiko maluna no o ke alanui hao i maa i ka holo mauia i kela ame keia la, a no na makahiki lehulehu ae nei no lioi i hala me ka loaa ole o na ulia. Ua holo aku kela kaaahi a hiki i ke kuiki, he wahi ia e mahele ai na ka*a i kekahi manawa, aka aole nae ihoi i mahelela m'a keia holo ana a ke kaaahi, a ua kaa ke kaaahi mamua aku o ke kuiki a pela no me kekahi mau kaa e iho, aka ua hu aku la nae na kaa hope aku ma kekahi alanui okoa, a pela i huli ai na kaa, a mamuli o ka lele ana o kekahi poe i loaa koke ai ka ulia, ka mea nana i hookau aku i ka make maluna o Keke Mau, Arthu,r ame ke Kepani. Ua haawiia nae na mahalo kiekie ana i ka wiljlki Mr. Tilton no ke akahele loa o kona noonoo, no ka mea mamuli o kana kauoha i hoopakele ia ai ke ola o kekahi poe lehulehu, a ina aole oia i hana aku i kekahi mea ina he luku nui ka mea e ikeia mamuli o ia ulia. Ma ka olelo hooholo a na kiure koronero, aole lakou i hookau aku i na ahewa ana maluna o ka mahiko, a i ole ia maluna paha o ka wilikL