Ka Nupepa Kuokoa, Volume XLIII, Number 48, 27 November 1908 — HE HOALOHALOHA [ARTICLE]

HE HOALOHALOHA

Ua oluolu i ka Makua Mana Loa ka lawe ana aku i ka hanu hope loa o ko 'u mama hanai i aloha nui ia, Mrs. Kahaunaele Kapahukalaunu Bipi'kane, ma ko laua home noho ma ke alanui Kuakini, e kakoke ana i ke alanui Liliha, ma ke kulanakauhale o Honolulu, Ka«' •lana o Oahu. 1 Ua hanau ia oia i ka makahiki 1843 ma Kaupo, Maui, mai ka pnhaka, mai o Poihene (w) ame Kālaeloa (k); ua piha iaia na makahiki he 65; 6 mahina' me na la īleu, a haalele mai la oia ia maua, kana mau keiki hanai; na moopuna me ka ohana apau, e u aku ana nona mahope nei. He makuahine maikai oia, he oluoiu, he halekipa no na mea apau. He hoahanau oia no ka Hoomana Naaua6, a mahope mai o 'ka haalele ana mai o kana kane aloha, Mr; J. W. Bipikane, ua lilo oia i hoahanau no ka Hoomana Kakolika; a ma ia hoomana oia a moe aku la i ka moe kau a kau. E like hoi ma ka ka Makua Mana Loa i olelo mai ai, e hoi ka lepo i 'ka lepo; nana no i hana mai, a nana no i lawe aku, e hoonani mau loa ia oia ia ao aku ia ao aku. Amene. . Auwe kuu mama aloha e: Lihaliha >wale ke noonoo ae; he mea poina ole ia'u nona ke hoomanao ae i kana mau hana maikai no'u, kana kaikamahine hanai, a ke noho nei au me ka naau i piha i ke aloha nona mahope nei. Owau me 'ka oiaio, Kana kaikamahine hanai, MRS. EUGENE K. AIU.