Ka Nupepa Kuokoa, Volume XLIII, Number 48, 27 November 1908 — KO SENATOA BAKER KUMU I HOOKUUIA AI [ARTICLE]

KO SENATOA BAKER KUMU I HOOKUUIA AI

Ma ka Poalima aku nei o ka pule i hala i loaa mai ai kekahi lono mai Kailua mai e lioike ana ua liookuuia o Seoatoa Baker e ke kiure, oiai ua hoopiiia oia no ka hewa lawe aihue i ka waiwai i haawiia e malama malalo 0 ka palapala hoopii hoahewa nona. He Hope Makai Nui o Baker no Kona Hema. Ua kauohaia oia ma kana hana e koi aku i na mea apau e lawelawe oihana kālepa ana e uku mai 1 na laikini, a o ka.poe i loaa ole ko lakou mau laikini e kii lakou i mau laikini no lakou. Ma ka mea i maa ia, e olii mai oia i na dala laikini a hoouna mai i ka Puuku o ke Teritore. Ua ohi mai oia i kekahi uku laikini aole nae oia i hoouna mai i ka Puuka a no kela hihia i lioopiiia mai nei ia. O kekahi mea malama halekuai ua hookaa i koha uku laikini ia Baker, a wahi ana, me kona manao na Baker no e hoouna mai i ka Puuku a 6ia wale no la kana hana e pili ana i na laikini, a mamuli iho la o ia kumu.i hookuuia ai o Baker, no ka mea, aole ia he akena no ke kanaka kalepa. Ma ka Palapala Hoopii i hoopiiia ai o Baker, he Akena om no ke Terītore a uā" loaa akti ke dala iaia ma ia ano. Ma ka N&akaka a ka Loio Kuhina Whitney ua manao oia o ke kumu maopopo loa i hookuu ai o Lunakan&wai Matthewman ia Baker, oia no ko Baker lilo ole i Akena no ke Teritore i kulike ai me ka palapala hoopii hoahewa nona. O keia hoopii ku-e ia Senatoa Baker ua hoomaka mua ia mamua o ko *Baker lilo ana i moho no ke Senate a he hoopii hoi i laweia mai e Puukn Campbell ame ka Oihana Lolo Kuhin'a.