Ka Nupepa Kuokoa, Volume XLIII, Number 48, 27 November 1908 — HOANO E I KONA INOA I OLE E IKEIA [ARTICLE]

HOANO E I KONA INOA I OLE E IKEIA

Ma ke ku ana mai a ka Mokuahi Tenyo Mani ma ka Poakahi nei i lele māi ai kekahi haole nona ka inoa ana i hoolauna mai ai iaia iho i kekahi mau keonimana lehulehu o keia kulanakauhale o Drossner, he hoaloha pili paa hoi no Mr. Henry B. Loomis o lapana i ka maaina i ko Honolulu nei poe. Ua apo ohaohaia aku keia haole malihini, a ua loaa pu aku no hoi mai ia lakou aku kekahi huina dala uuku no ke kokua ana iaia. Ma ia ahiahii ana iho, ua hoike maoli ae keia haole i kona manao imua o kekahi anaina e makemake ana oia e noho iho ma Honolulu nei a pau ke Karisimaka, alaila hoomau aku i kana huakai no Kapalakiko. Iloko nae o keia manawa ana e hoike nei i keia manao, i oili ae ai kekahi lohe mai kekahi kamaaina ae o Honolulu nei i huli hoi pu mai nei maluna o ka mokualii hookaii, aole ka kela o ka inoa pololei o keia haole, aka he inoa okoa loa no o Mr. Pratt. Ma ka hookolo loaia ana aku no ka oiaio o ke ano'maoli o keia haole, ua hoikeia mai la e na alii moku, he haole kela i hoopaaia maloko o ka halepaahao ma lapana no kekahi hewa ana i hana ai; a ua ikeia no hoi oia ma ka inoa o Pratt. I ka huli hoi ana o kela haole noluna o ka moku, a heleia aku e ka poe o uka nei o ka aina. i ike iaia ma ka inoa o Drossner e like me kana ī haha'i mai ai o kona inoa pololei īa, ua loaa aku la oia ma ke ano, o ka haole hookahi na ia i kamaaina i ka poe oluna o moku ma ka inoa o Pratt.