Ka Nupepa Kuokoa, Volume XLIII, Number 49, 4 December 1908 — KA MAKAIKIU NIKOLASA KATA KA WELI O NA POWA [ARTICLE]

KA MAKAIKIU NIKOLASA KATA

KA WELI O NA POWA

MOKUNA XVIII. i "Ua hana au e like me kau i kauoha mai ai," wahi ana, "a heaha iiio la ka pilikia?" "Manao au e holopono ole ana ka kakou hana," i pane aku ai o Ilawe. 4 'No keaha iho la hoi?" "Ua ike mai nei au i ka makaikiu o ka halewai, kela kanaka au i kuhikuhi mai ai ia'u i kela la aku nei, e u kamailio ana me kekahi kanaka malihini iloko o ka Hokele Renola i keia po mai la." "A ina aia oia malaila heaha auanei kana?" "Heaha auanei ka hana a kekahi makaikiu o ka hele ana ae ma kela wahi i keia manawa o ka po?" Malia paha he hana okoa no kana o ka hele ana ae malaila?" * Manao anei oe i hookolo ae oia mahope o ko kakou meheu?" "Aole au i ike he hoohuoi wale ae la no hoi ko'U." "Pehea, aohe oe i ike aku nei i kekahi o ko kakou poe malaila i keia po?" "Aole mea hookahi o lakou malaila. Ke hppohopo nei au aole i hana kela pāpahao i kana hana, oia hoi, aole i make kela makaikiu a kakou i hookomo ai iloko o ka Umi pouli." "Aole ka e hiki ia oe ke noonoo nou iho?" "O, ua ike no au ua haule loa kela papahao ilalo e pakele ole ai kekahi mea hanu ola malalo o kona kaumaha, aka, o ka'u e hopohopo nei ua pakele paha kela makaikiu ma kekahi ano." "Manao au ua pau kou noonoo maikai e Hawe. Manao au ua luhena ia paha oe. "Malia paha pela, aka nae, aole o'u makemake e paa i ka hopuia jna kekahi ano." "A pehea, e holo mahuka ana oe?" "Ae, e kii ana au i kuu paiki a ke makemake nei au ia oe e lawe aku ia'u i ka hale kaaahi Porovidena a ke manao pu nei au e loaa aku ana no ia kaua ke kaaahi o ke aumoe." "Ina oe e hele ana owau pu kekahi e hele ana." "Aia paha ia i kou manao; nlanao au he pono loa nou ka hele pu ana. E kali iki iho oe maanei no kekahi mau minute a hoi mai. au." Holokiki aku la o a pii aku ia i ke alapii, a i ka wa i- ike aku ai o Patse i ka paa ana mai o ka puka, o ko Patse wa no ia i kokolo ae ai a ku ana mamua o ka huila mua. Pii koke ae Ia oia iluna o ka huila a hopu aku la i ka lima o Poka a i ka wa i pa aku ai o kona lima huli ino mai la ia me ka puiwa loa, a mamua o ka hiki ana iaia ke uwa, ua kau koke aku la o Patse i kana $>u i ka umauma me ka olelo pu ana aku, "mai uwa, a mai hoao mai e liakaka o kiia oe e a'u i ka pu." "Aole au e kamailio iki ana i keia mea ia ha'i," wahi a Patse, me ka leo nahenahe. Hoomaka koke aku la o Poka e lele mai ka noho aku, a no kona noonoo koke ana iho he hana makehewa wale no iaia ka holo ana, noho hou iho la oia me ka pupuu ana o kona mau !ima. "I keia manawa e waiho koke iho oe i ke kaulakaohi ilalo," wahi a Patse. Ua hoolohe koke mai la ua kanaka nei me ka hoopaa ana iho 1 ke kaulakaohi mawaena o ke ku huipa ame ka pale o mua o ke kaa. "E moe koke iho oe ilalo me kou pupuu mai i kou mau wawae a uuku," wahi a Patse i ke kalaiwa piha maka'u. "Heaha kau e hana mal'ana ia'u?" i ninau mai ai o Poka me ka 3eo haalulu. "E wikiwiki oe, a mai ninau mai i kekahi mau nmau hou!" i hookikina aku ai o Patse. Moe koke iho la o Poka ilalo aoka manawa no ia o ka makaikiu ī hoopaa iho ai i kona mau lima me na kupeehao. Hauhoa iho la oia i kona waha a paa i kona hainaka a lele ae la ma ka noho.a Poka i noho mua ai ma ke ano oia ke kalaiwa. Hoololi ae la oia 1 kona helehelena me ka awiwi, a oiai he poee manao mai ana no o Hawe iaia o Poka no, oiai nae aohe i kupono loa kana hoololi helehelena ana e iike me ke kupono maoli i makemakeia, aka no ka awiwi loa, ua loaa ole iaia ka manawa lawa ]>ono e hoololi ai. I hakalia no a pau pono kana hoololi ana i kona helehelena, oili mai ana o Hawe mai ka hale mai, a iho mai la i ke alanui pii, a pii mai la i ke kaa me ka awiwi. "Ua makaukau kaua," wahi ana, "e pono oe e holo awiwi no ka mea, he hapaha hora wale no koe mamua o ka holo ana o ke kaaahi. Hoohuli koke ae la o Patse i ka lio a hili aku la a o ka manawa 110 ia i holo kainepu aku ai me ka mama nui. Ua manao ia e hiki pono ana iaia ke kalaiwa ma ke alanui Pemat >na Kuea mamua o ko Hawe ike ana he alahele okoa kana e holo ■ana. Ma ia hoao ana ua ike oia i kona hoohokaia. I kona hiki ana ma ka piina piiku o ka Puu Bekona, ua hiki ole iaia ke hookikina aku ī ka lio e holomama, a no kela ano lolohi loa wehe ae la o Hawe i ka ]uika aniani o ke kaa a nana aku la iwaho." "Eia oe ihea e holo nei?" wahi ana me ka piha huhu loa. Aohe <; Patse pane no kana ninau, aka hili aku la oia i ka lio me ka ikaika a hili pu mai la me ka ikaika i na maka o Hawe e kiei aku ana. Alo ae la o Hawe a hina aku la ihope a i ka hoomaka ana aku o 1 a lio e holo uaiiina hou mai la oia imua. O kahi o ka laki loa aohe t u a Hawe. . He piiku loa kela wahi a mamua o ko laua holo ana aku ī kanaha j-a ua pau ka hiki i ka lio ke holo a hele malie loa iho la. I kela manawa, oili mai ana he makai ma kekahi alanui aoao mai. Kiola koke iho Ja o Patse i ke kaulakaohi ilal o a hoomaka koke aku la oia e kahea i ka makai me kona lele koke ana iho i ka honua. I ka ike ana aku o Hāwe i ko Patse lele ana iho ma kekahi aoao <> ke kaa, ua wehe koke mai la oia i ka puka o kekahi aoao, a hoomaka -'ku la e holo me ka mama apau. ti "Eia ka paahao iloko o ke kaa," wahi a Patse i ka makai. h nana aku oe iaia a e alualu ae hoi au iaia la e holo la," a hoomaka kok e aku la oia e alualu mahope o ka paahao mahuka. Ua loihi loa kela holo ana a Hawe a nolaila ua mamao loa oia n.iamua o ka loaa ana he manawa maikai ia Patse e alualu aku aiUa kaa pono laua mawaho o ka puka pa o ke Commons a no ka i -:e ana o Hawe i ka hamama mai ua holo pololei aku la oia malaila iiie ka manao e pakele ana. . Haalele koke iho la oia i kela alanui a holo hou ae la ma ke alanui e hiki a ku ai i ka halewai, ke alanui Perovidena, a he aneane hapalua mile ka mamao o ka halewai mai kahi aku a laua e ho o aku nei. He ike waleia aku no ke kukui o ka halewai i ka a mai maluna o na iau laau. Aohe kanalua iloko o Patse e loaa koke aku ana no o Hawe laia a hoomau loa aku la no oia i ka hahai loloa ana mahope. Ua loihi no ia wahi a laua i holo aku ai a hiki i ko aua oea ana 1 kahi haahaa o kekahi puu kiekie; alawa mai la o Hawe: i ope no e ake e ike pehea la ka mamao o kona enemi mai iaia mai. Ua hoomau no oia i ka holo ana me ka huli mau o kona poo ihop c a ma ia ano ua maopopo pono ole iaia kana wahi e holo ai, a oiai oia e holo ana me ka paukiki nui ua ike pono ole oia i ke a ua ma lai o ke alanui. , . ( . rr T . Aia ma kahi kokoke i kela walii he lokowai i kapaia Ka Lokowai

b na Poloka," a oiai oia e holo ana me ka ike ole aku i ka pilikia mamua, ua hooku'i aku la kona wawae i ke ahua lepo, a walawala aku la a haule ana ilalo o ka lokowai a hookahi ka au pu ana me na poloka. "He hoopokole ana mai ia i ke alualu ana aku ia oe," wahi a Patse i kahea aku ai, a lele pu aku la oia iloko o ka lokowai no ka hopu ana ia Hawe. Aohe no he hohomi loa o ka loko a iloko o ka hapalua minute wale no, ua kaualako mai la o Patse i kana lawehala i hele a naenae i ka ua mea o ka holo, i kapa a me kekahi hana nui hou ole aku ua lawe aku la oia īaia i ka halewai a haawiia'aku la i ka makai e ku kiai ana ia manawa. I ka paa ana aku o Hawe hoomaopopoia iho la ka nui o ka poe i paa o keia poe powa. O na kanaka wale no o lakou i lawe ole ia ae i ka halepaahao oia 0 Taketa iloko o ka halema'i ame kela powa i ku ai i ka pu ia Patse a laweia ai, i ka halema'i. Ua holopono maoli keia hana ana a ka makaikiu a ua manaoia lia pau loa la hoi ka poe powa i ka paa, aka mamuli o kekahi palapala 1 loaa aku iloko o ka pakeke o Hawe, ua ikeia he nui loa aku kekahi poe ma na wahi e aku mamua o keia po i paa iho la ma Bosetona. Mahope iho o ka weheweheia ana o ka lole o Hawe ua ikeia iho ila aole oia he kaniaka e, aka o kela kupakako no i hele mai ai e kamailio me ia iloko o ke keenahana o Hawe a i houia ai kona manamanalima i ke o. MOKUNA XIX. /| He mau minute liilii i aui ae mahope o ka hora 12 aumoe ua ku I iho la o Patse iloko o ka halewai o Bosetona, me kekahi leka ua weheia a e paa ana ma kona lima. O ka hoo/paa koke ana aku no ia o ka wiliki ia Kimo Hawe iloko o ka rumi paahao ame na paahao e ae, ka poe na lakou oia i hookomo iloko o ka, rumi pouli me ka manao e pepehi iaia a make malaila, me ko lakou manao kuhihewa o Chika maoli no ia. O ka leka a Patse e heluhelu ana ua loaa aku ia iloko o ka pakek e o Hawe, a mahope o kona wehe ana ae i ka leka ua ike iho la oia ua kuni ia ka leka ma ka haleleka ma Bradford, Veremona. "I ko'u nana iho ma keia leka," wahi a Patse i ke Kakiana makai e kuwaki ana i kela manawa, "he nui maoli na paalalo o Mrs. Remona ma ka mokuaina o Veremona. "E heluhelu iho paha oe i keia leka la," wahi ana i ke Kakiana me kona haawi pu ana aku iaia e heluhelu. Ua kakauia no maluna o kekalii apana pepa pili kalepa, a penei ka manao: "Kimo Hawe, Akena ma Bosetona:—Ua aponoia kau mea i hoolala ai no ka hopu a hoopaa ana ia Chika. E hana aku oe e like me kau i manao ai he pono. E hoike koke mai oe ia'u ina ua holopono kau hana nona, a pela pu hoi me ka Mrs. Remona ina ua mahui iki mai oe i kana hana, no ka holopono a holopono ole paha. 4< Ke kakali ahonui nei au me ke ake nui e malaelae ae ko kakou alahele i hiki ai e holopono ka kakou apana hana. Aia a makaukau na mea apau alaila hui aku makou me oukou, aole mamua ae. "Ke Alakai." "Ua huna maoli no ka mea nana i kakau i keia leka," wahi a ke Kakiana, "aole i kakau i kona inoa ponoi, o ikeia paha." "Pela no ka hoi paha," wahi a Patse, "a o Hawe no hoi kekahi i makaala loa aole i hoike i kona inoa maloko o kana leka." "Ua loaa no nae ia oe kana leia?" "Ae, eia kana leka ia'u; iloko no o ka wa-hi iloko o ka pakeke o Hawe, aohe nae i kakauia ka inoa ame kahi i noho ai." "Me he mea la o ka manao e hoouna ia i Berafoda," i pane mai ai ke Kakiana. "Malia paha pela, aka aole kaua i maopopo ia wai la i hoounaia ai. Manao au he oi aku ka maikai no'u e hoonoelo kamailio ae ia Hawe, no kela leka." A hoomaka koke aku la o Patse e hele aku i ka rumi o Hawe i hoopaa ia ai. "Alia," vvahi a ke Kakiana, "pehea la, ina oia no hoi ke laweia mai iloko o ka rumi hookipa a malaila oe e ninaninau ai iaia?" "O, he u'i loa hoi paha kela," a huli hou ae la oia i ka rumi hooHe minute no mahope iho laweia mai ana o Hawe e kekahi mau makai elua komo ana iloko oka rumi. Kunou aku la o Patse i na makai e haalele mai i ka rumi a i ko laua puka ana aku pane koke aku la o Patse: "E Hawe, owai ke alakai o oukou ma keia hana powa weliweli loa?" Aohe a Hawe pane, aka hoekeu wale ae la no oia i kona mau poohiwi. "He mea pono ia oe e hoike mai," wahi a Patse," no ka. mea, ina 110 aole oe e ha'i mai ana e huli aku ana no au a hiki i ka pau loa ana o oukou apau i ka loaa." Minoaka wale iho la no o Hawe me ke ano pahene. "O ka'u e maopopo nei ua ike oe," walii a Patse, "o kela hana a Mrs. Remona i hoolala ai no ka manao e hookomo ia Kata iloko o ka pilikia ua pahu'a me ke ko ole o kona manao. ! Aole i lohe īki o Patse i kekahi mea e pili ana i ka Kata mea i hana ai maluna o Mrs. Remona ame kona mau paalalo, he koho wale noi keia -a Patse i hoohaili aku ai ia Hawe, aka nae, ua ike ka poe ! heluhelu i ka pololei o ia koho ana ana; o ke kuniu mai no ua kamaaina loa ia P*atsc ko Kata ano ame kana 'hana, a o ka lua, e hoao ana iaj ia Hawe malia he mea la ia nona e hoomakili mai ai i kekahi mea e hiki ai ia Pats,e ke ike aku i ke alakai o ka poe powa. 'MSa keia hoakaka a Patse ua hoohikileleia k 0 Hawe nootyqo ā nana mai Ia me na helehelena o ka maka huliu, eia nae, aole ia i kamailio iki mai. 0 ka mea maopopo loa aole ona makemake iki e kamailio mai i kekahi mea, a ua koho oia o kona noho mumul'e loa ka oi aku o ka maikai iaia i ole ai e olelo hewa ia a loaa ka ka makaikiu wahi e noelo aku ai. Ua hoao ikaika o Patse e hoomalimali ia Hawe i mea e hemo mai ai ka mea oiaio, a 110 ka loaa ole mai ua kahea aku la oia i na makai e hoihoi hou ia Hawe iloko o ka rumi pouli. J Aole 1 hoike iki aku o Patse ia Hawe i kana pane i ka a ke alakai o lakou, me kona manao aole no e hoike aku ia mea i kekahi o j na makai. Penei ka pane a Hawe i ka leka a ke alakai o lakou:—"E ke Alakai i mahalo nuiia. Aohe i loaa iki mai ia'u kekahi lono e pili ana i ka Mrs. Remona hana no ke kinai ana i ko kakou enemi, Kata, aka nae, ke lana mau nei no ko'u manao e lohe aku ana no oe i ka lono hoohauoli loa no ka holopono o kana hana. No'u iho, ke hoike aku nei au ia oe ua holopono ka'u apana hana e pili ana ia Chika. Eia oia iloko o ka rumi pepehikanaka malalo o ka papahao i keia manawa, a ke manao nei au ma keia manawa ua make oia. 1 keia kakahiaka ua alakaiia mai oia a komo ana iloko o ka umii me ka luhi ole a ua hoopaaia, a o ka hana a ka mikini ua holopwno maoli. O kekahi o ko kakou mau kanaka oia o Taketa, mamuli o kona ona ua hina ia a piiia e ke kaa uwila, a aia oia iloko o ka halema'i i keia manawa, ka hiki ke olelo ae ua make ka makaikiu, Chika malalo o ka papahao ame ka ole. "Ua hoonohoia e a'u kekahi mau kanaka o kakou e 'wawahi i ka puka i hiki ai ke komo aku e nana i ka make o ka makaikiu ame ka ole, a mamua o ko'u hoouna ana aleu i keia leka ia oe e lohe mua mai ana au i ka holopono o ka laua hana mamua o ka Hoopaa ana iho i keia leka, me ko'u hoike pu aku ia oe i ka nuhou hoolana manao mai a laua mai. "No na mea pili i keia apana hana, ua makaukau makou e lawelawe aku i ka hana ke loaa mai na kauoha mai ia oe mai, a i keia po iho he wahi apana hana liilii ka makou e manao nei e hana aku maluna o ka Hokele Renola.

"A oiai ua kaawale ae la ko kakou mau enemi na akua lapu & kakou e maka'u loā nei, oia o Kata ame Chika, nolaila e holopono loa ana ka kakou mau hana i manao ai me ka loaa ole he niau mea. nana e alalai mai ma keia mua aku. "No ka wahine ame kahi makaikiu opio o Patse, aohe maka'u ana ia laua ua like laua me na bepe ; no ka mea, aohe i lawa ko laua ike ame ka ikaika e lawelawe ai i ka hana makaikiu e hoopaliu'a mai ai i ka holopono o ka kakou mau hana ma keia hope aku, "Manao au aohe kumu no kakou e hilahila ai ia Patse a e maka'a pu ai hoi nona no ka mea, ua ike no kakou he wahi bepe wale no oia. "Me ke aloha nui, ke kali nei au no kau kauoha, Owau no kau kauwa hoolohe, "KIMO HAWE." P. S. —"Oiai au e kakau ana i keia leka maluna ae, ua lohe mai Ia au i kekahi mea hoopilikia i ka kakou hana eia ma ko kakou alahele. Heaha la keia mea hoopuiwa aole au i maopopo, no ka mea, ua maopopo ia'u ua make o Chika malalo o ka papahao iloko o ka rumi pouli. "Me he mea ia eia kekahi mea okoa mahope o ko kakou meheu i keia la a nolaila e hoopanee ana au i ke kakau piha ana i keia lekai u hiki i ka maopopo pono ana o na mea apau. J. H." "Ma ka nana iho aohe ona nana nui i ka makaikiu e like me a'u t ka mea nana i hopu iho la iaia ā noho ana iloko o ke puhi," wahi a Patse i noonoo iho ai. "Manao au aole no oia i hoomaopopo o Patse ka mea nana oia i hana iho la a paa ana i ka halepaahao. Aohe nana ana i kela, o ka, mea nui wale no owai la ke alakai o lakou ?" Ku ae la o Patse.a hele aku la iloko o ka rumi a ke Kakiana e 1 noho mai ana a pane aku la: "Manao au aohe no hoi paha oe e ku-e mai ana ke lawe pu au i kela leka a'u i haawi aku nei ia oe e heluhelu?" "Aole, ua hiki ia oe ke lawe ke makemake oe. Malia he mea kokua nui ia ia oe ma ka lawelawe ana i kau apana hana," wahi a ke Kakiana. "Oia maoli ko'u kumu i noi hou aku la ia leka, a ke noi pu aku nei au ia oe mai hai iki aku hoi oe i kekahi mea e pili ana i kela leka." "Aole au e hana aku ana i kekahi hana o ia ano," walu a ke Kakiana. A mamuli o ko Patse hilinai maluna o Kata no kona makaukau ame kona miakaala me ka ikaika pu a koa hoi, e hiki ai ke malama ilaia iho aohe oia i nononoo nui loa aku nona, aka nae, aia no iloko ona i kela manawa kā manao ikiiki e ake ana o ka lohe maopopo mai i kekahi mea e pili ana i kana hana ame ka holopono o ia hana. O kona maa ame kona kamaaina i ka hana a keia poe powa e alakai ia ana e Hawe, e hoike aku ana oia i na makaikiu ua lawa lakou i ka ike ame ka hoomaopopo aiia o lakou kekhi o na poe haihai kanakvai i hookui me lakou a he mea waiwai ole ka hai ana ae ua komo aku no o Kata iloko o ia mau popilikia a lakou i hoolala ai a ua pake--5e mai no nae oia; he hana hiki ole i kekahi mea ke hoopakele iaia iho iloko o ia wa kuhaiki. 1 A e like me ko Patse ike ia ano o Kata, a i ka pau pono an|a o kana hana maloko o ka halewai puka aku la oia a hele pololei loa aku ila no ka Hale Paka a noho iho la iluna o kekhi noho loihi ololi iloko o ka rumi kelepona a mahope o kona hoohui ana aku i ke kelepona me Nu loka, ua kahea aku la oia i ka hale o Kata; aohe i liuliu iha (lohe aku la oia i kekahi leo i kamaaina loa iaia i ke kahea ana mai "halo." "Halo, o oe no ia!" wahi a Patse, "owau no keia." "O oē ia e Patse?" O ko Kata leo kela o ka pane ana mai ma kekahi aoao o ke kelepo ia. "Ae, owau keia." "Pehea, heaha kou makemake?" : "Ua loaa ka'u mea i makemake ai." 1 "Pela? E hoike mai ana oe i kau mea i hana ai." "He makemake au i ke poha ana a kou leo." "Kahaha! Ua lohe aku la hoi oe." "Ae, ua lohe au aohe nae i lawa ko'u makem£tke." "I keaha la?" "He makeniake no hoi au e lohe aku; ua like kou leo ia'u me he bele la o ka aina awakea." "Ke ike aku nei au ma kou leo ua hauoli oe no kekahi mea," wahi a Kata. "Auhea oe, he mea makehewa kou kamailio paani ana mai ma ke kelepona o lohe Avaleia mai kau mea huna e kekahi poe." "Aole ka'u he paani, he niea oiaio wale no ka'u e hoike aku nei ia oe." "E ha'i pololei mai hoi ha oe. Heaha kau mea i makemake ai e ha'i mai." "Lohe mai nei au ua make oe." "Ka i no paha he mea hou kau." "Ua nui ko'ii kaumaha i ko'u lohe ana mai nei." "O, me ka mahalo, aohe ia he lono oiaio." "Oia ko'u kumu i ninau aku la ia oe." "Ua maopopo aku la hoi ia oe aole au i make; heaha kau hana i hana mai nei i keia manawa loihi?" "Ua paa iho nei ia'u kekahi poe powa me ko lakou manao kuhi« hewa o Chika au, a ua hoolala lakou i kekahi mea nona e make ai." "Ua pau io lakou ia oe i ka paa i ka halepaahao?" "Ae." "Owau pu kekahi i komo pu iloko o na popilikia aohe nae i lilo hookahi o ko'u mau lauoho." "Ua manao mua no au pela, aole e hiki ia lakou ke hoopuhili ia oe a e hookomo aku paha ia oe iloko o ka pilikia a lakou i manao mua ai. "Pehea oe i manao ai pela?" "A eia, aole anei he wahine i kapaia o Mrs. Rehmona iloko o kela poe powa?" ( "He wahine \io." "Ua maopopo ae la ia'u kela; ua lohe au i kona inoa i ke kamailio ia e kekahi o keia poe, a o ka pilikia nui i ko'u noonoo ana aohe maopopo pono o ke alakai o keia poe." "He mea hou maoli ka hoi kau ," wahi a Kata, me ka leo akahele loa. Aohe au i manao e hoike ia mai ana he kanaka okoa aku ko lakou alakai mawaho aku o Mrs. Remona ame kona poe, oiai nae ua hoohuoi no au no kekahi kanaka i hele mai ai e ike ia Chika i ke kakahiaka o nehinei a malia oia no kekahi o ua poe la. "E Patse, manao au he pololei kau; me he mea la oia ke alakai ma kela aoao ma Bosetona. Eia ka manao o kela poe; e pepehi ia a make malalo o ke alakai ana a Mrs. Remona ame kona poe kanaka, a e hoowalewale ia Chika a kaawale mai ia oe mai alaila pepehi iaia a make; a mahope o ka holopono ana o ia hana a lakou alaila, hoike aku i ka haku ā: i ole i ke alakai o lakou ma Bosetona, a i ko lakou manawa i ikē ai ua malaelae ko lakou alahele, alaila ia manawa lakou e powa ai i kekahi hanako, pela ko'u manao." 'Ae, ke maopopo aku la ia'u," wahi a Kata; "pehea hou aku?" "Aohe mea nui houi aku i koe e hoike aku ai ia oe, "koe wale no, eia me a'u kekahi leka i kakauia e Hawe me ka manao e hoike aku ;i ke alakai o lakou no ka make ana o Chika. Aia maloko o kela leka e olelo ana aohe ka he wahi hana hiki ia'u ke hoopilikia aku ia lakou, oia hoi ma ke ano nui o ka manao ke nana iho aohe o lakou maka'u no'u me ka olelo ana he wahi bepe wale no ka wau aole hiki ke hopu ia lakou." "Aole paha oia i ike i kana mea i kamailio ai, e Patse," wahi a Kjaita. "Pela ka hoomaopopo aku; na kela leka nāe i hoala mai i ka manao ikaika iloko o'u e holo i Veremona a e hopu i ka haku a alakai hoi o lakou, wahi a ka hoike a ka leka." "A no keaha la hoi kou mea holo ole e hoao?" "O, e holo kino aku ana au; ke manao nei keia poe ua make oe a 110 ia kumu ua nui ko'u pihoihoi nou. He manao pololei maoli keia o'u, no ka mea aole o'u makemake e nalowale aku oe mai ko'u mau maka aku, e Kata." ■ Aole i Pau. . l i I