Ka Nupepa Kuokoa, Volume XLIII, Number 49, 4 December 1908 — KE ANAINA HOOMAIKAI I KE AKUA. [ARTICLE]

KE ANAINA HOOMAIKAI I KE AKUA.

Malalo o ka luakini o Kawaiahao ma ke awakea o ka Poaha o ka pule i hala, ka La Kulaia Hoomaikai i ke Akua, e like me ke kualiaua a ka Peresidena Kusawela ame Kiaaina W. F. Frear, i malamaia ai he anaina haipule nui e na Ekalesia huiia, Kalihi, Kaumakapili ame Kawaiahao. He anaina nui ia i piha me ka hauoli me ke anoano eehia e halii mau ana. Ua hooluluia oluna o ka awai ame ke alo o ka papa himeni me na launahele uliuli ame na huaai like ole, na mea ulu maluna o keia mau paemoku a ke Akua lokomaikai i hoohua mai ai. Aia ma kahi o eha ame elima haneri kanaka i akoakoa ae malaila i kela la, pela ke kohoia aku. I ka hiki ana ae i ka ho?a 11 ponoi, ua ikeia aku la na Rev. H. H. Paleka, Rev. H. Poepoe, W. N. Lono, W. K. Poai, E. S. Timoteo ame M. K. Nakuina i ke komo ana mai a pii nui ae la iluna o ka awai. Ma ko lakou ku ana mai i maopopo ai ua maheleheleia na hana o ka la ia lakou pakahi. Na Rev. E. S. Timoteo i wehe mai na hana o ka la me ka pule mahope iho o ka himeni ana mai a ka papa himeni o Kawaiahao. Na Rev. W. K. Poai i heluhelu mai i ka Halelu CIII. Na ke anaina i mele i kekahi himeni hui ma ka aoao 165 H. A. N. a mahope 0 ia he pixle hoomaikai laula na Rev. E. S. Timoteo. Na Rev. W. N, Lono i hoakaka mai 1 ke Kuahaua La Kulaia a ka Peresidena Rusawela ame ka Kiaaina W. F. Frear, e hoolilo ana i ka Poaha, Novemaba 26 i la Hoomaikai i ke Akua; maloko 'o kana hoakaka manao kuliu loa ua apoia ka poe apau i kupono loa e hoomaikai aku i ke Akua, mai ka poe auwana, na limahana a hiki i ka poe haipule. Nui ka waiwai ma kana hoakaka manao. Mahope iho o ke meleia ana mai o kekahi himeni mai ka papa himeni mni ua wehe mai la o Rev. H. Poepoe i kekahi manao paipai kupono loa no na hana o ka la, e hoakaka ana i na kumu a ke kanaka e hoomaikai aku ai i ke Akua. Ka mua, No ke kalaia ana o na hala o ko ke ao nei e ko lesu Koko. Ka lua, No ka hookupaaia ana iloko 0 kou pono, a o ke kolu, no ka lehulehu o na pono ame na pomaikai i loaa ia kakou, ka hoopakele ana o ke Akua ia kakou mailoko mai o na poino apau ame ka hooloihi ana i ko kakou mau ola. Na Rev. M. K. Nakuina i hoakaka imai i kekahi mau manao kuliu hope loa; ua hoopihaia ke anaina me na manao waiwai nui e kupono ai lakou e hoomaikai aku i ke Akua. O kekahi o kana hoakaka manao waiwai loa i hoike mai ai, ina no e lu mai ke Akua 1 na pomaikai a nui i ke kanaka a hoaoia mai oia e na popilikia i hookahi manawa, aole no e nele ana ko ke kanaka hoopoina i ka lokomaikai o ke Akua. Ka lua o na manao waiwai. He umi poe ma'i lepera a lesu i hoola ai, aka hookahi wale no nae o lakou i hoomaikai aku laia, a o ka eiwa hapaumi aole i hoomaikai aku. Pela no na kanaka o ke ao nei, he hookahi hapaumi wale no o na kanaka i hoomaikai aku i ke Akua a o ka eiwa hapaumi aole i hoomaikai aku laia. Iluna o ke pakaukau mamua pono ifco o ka awai, he nui na huaai like 1 ole i hoahuia mai e kekahi mea puuwai hamama, a oia ka Mr. Nakuina i hoakaka mai ai e haawiia ana ka liapalua o ia mau huaai i na keiki ma'i lepera o Kalihi a o kekahi hapa e hoounaia na na hapauea, na keiki pu- | nahele a ka Moi Lunalio ma ka Home Lunalilo. Mahope o ka pule a Rev. M. K. Nakuina ame ka meleia ana o ka himeni aoao 246 o ka H. A. N. ua hookuuia ke anaina me ka piha hauoli i na hana i lawelaweia ma ka hora 12 awakea.

0 ke kanaka e haalele ana i ka īnea ana i maopopo lea a kaukai aku ma ka ulia laki, e ao o hilihewa oia a hopu hewa i ka makani. —Searle.