Ka Nupepa Kuokoa, Volume XLIII, Number 49, 4 December 1908 — E HAAWI I KE AKUA I KONA LA. [ARTICLE]

E HAAWI I KE AKUA I KONA LA.

E ka Niipepa Kuokoa e, Aloha oe: —Ka walia olelo hoi o na Anekelope ma ka oluolu e noho ana ma na kaei wela o ka Moana Pakipika, me na hoa hoi o ka iu ,o ka la o nei mau mokupuni mai Hawaii o Keawe a Kauai o mano Aloha oukou, malia paha o maliu mai oukou i nei mau wahi manao pokole malalo iho e like hoi me ke poo manao e kau ae la maluna. E ka mea heluhelu, mai hoolilo oe ia oe iho i powa no ka mea o ka mea aihue ua uhi no ia i ke kanawai ewala 0 ke Akua; o ka mea nui nae, mai powa i kou Haku. He waiwai no ke Akua ka la Sabati, nolaila, e haawl aku no kona la iaia. Mai hana i ka la o ka Haku, aka e malama; mai kuai aku a kuai mai, a hoohala wale i ka la Sabati. Mai hoolilo wale aku i kou manao i na mea e pahele mai ana ia oe, mai manao nui oe no ia mea, o lilo auanei oe ma ia alanui, poina kekahi kanawai paa o ke Akua, "E haawi aku oe i kona la laia. ,, 0 ke Sabeti oia kekahi o na pomaikai nui a ke Akua i haawi mai ai i ke kanaka. 0 ka mea e haawi ole ana i ke Sabati i kona Haku, aole ia e komo 1 ke aupuni o ka lani. 0 ka lani ka La Sabati mau loa. "E haawi aku i ■ke Akua i kona la,'' oiai na la o kou ola ana. Ina oe e malania ole i ka La Sabati aole no e malama ana oe i kou uhane; ina aole oe e hoomaka i ka malama i ka la Sabati, aole no oe e malama i ka hale o ke Akua, ina aole oe e malama i ka halepule, aole no oe e malama i ka huke a ke Akua ,aole e liuliu e mahalo ole no oe i ke Akua. Ina e hoomaka ke kanaka me ke Sabati ole, aole no au e kahaha e hoopaa ana no oia i kona hale me ke Akua ole. He oiaio loa na olelo a ka Lunakanawai Hale "0 na kanaka i hoahewaia no na karaima nui, he kakaikahi wale no na kanaka i ae ole mai, ua hoomaka lakou i ka hana hewa ana ma ka hooie ana i ka la Sabati." B lioomanao oe i ka la Sabat.i; a e hele i ka pule ma kahi e ha'iia ana ka olelo a ke Akua, mai hooliakahaka i kou wahi o loko o ka halepule. "E haawi i ke Akua i kona la. P. A. K.