Ka Nupepa Kuokoa, Volume XLIII, Number 50, 11 December 1908 — KA MAKAIKIU NIKOLASA KATA KA WELI O NA POWA [ARTICLE]

KA MAKAIKIU NIKOLASA KATA

KA WELI O NA POWA

MOKUNA XIX. | "Me ka mahalo nui ia oe," wahi a Kata, ka makaikiu kaulanaf oiai ua hauoli nui loa ia no ka Patse mau olelo hoolana manao a ua ike pu no ia i ko Patse pipili mau ana iaia me ka nana aku he kokua a i ole he hoopakele nona a no Chika i ka wa kupilikii loa o ka hana. "E kakau aku ana au i leka ia oe me ka hoakaka piha ana i na mea apau i hanaia e a'u a e hanaia aku ana ma keia hope aku, mamua b ko'u hoi ana e moe, ke makemake oe," wahi a Patse. "Mai hoopau manawa wale ina ua ike oe aia oe maluna o ka moali ālanui pololei," wahi a Kata. "'Pololei kela. E Kata!" "Hēaha ia?" "O ka mea kupaianaha mai Veremona kela alakai o ka poe powa i kakau mai ai." "Aohe au i ike he mea kupaianaha kekahi iloko o kela hoike," wahi a Kata; "malia he mokuaina maikai no kela e pee ai e like no hoi me kekahi mau mokuaina e ae. Ke manaolana nei au e loaa ana jio ia ia oe." "Pela ko'u manao; gude bai." "Gude bai." . MOKUNA XX. l O ka Patse hana hope o ka nana i ka manawa holo o ke kaaahi. Ma kana nana ana ua ike ia o ka hale hoolulu kaaahi Berafoda ma Veremona, oia kahi kokoke loa aku i ka laina kaaahi o Nu Hamesire he iwakalua-kumamalima mile ma ka akau o ka hookuina o na kaaahi o ka Muliwai Keokeo. Aohe kaaahi e hiki aku ai ia i kela kulanakauhale e haalele iho no Bosetona mamua o ka hora eiwa o kekahi kakahiaka ae. A oiai aohe ana hana e ae, nolaila, o kona hoi wale aku no e hiamoe, a hooko koke aku la ia manao. Mamuli o kona maluhiluhi maoli, hakalia no iaia a kau ke poo i ka uluna, o welehu ka malama, puhala ka ihu nana i ke Kaao, lilo i ke koia e ke au i Alae, a i kona puoho ana ae, ua kokoke i ka manawa e holo ai oke kaaahi. Ala awiwi ae la oia, komo i kona aahu a holo koke aku la i ka haleaina, a mamuli o kona lohi ua loaa ole iaia he manawa kupono e alawa iho ai i na mea hou o kana mau nupepa kakahiaka. laia i kau aku ai iluna o ke kaaahi, akahi no oia a alawa iho i kana mau nupepa, a ua hoohikilele loaia oia i kona ike aiia iho i na Cnea i hoolahaia maloko e pili ana i ka poe powa i hopuia ai i ka po mamua iho. E hoakaka ana ka nupepa he hapa kakini poe haihai kanawai i paa i ka hopuia a noho ana i ka halepaahao, a me he mea la ua puka iaku kela mau mea hou mailoko aku o ka halepaahao me ka ike ole o ke Kakiana kuwaki o kela po, oiai ua papa ikaika loa o Patse iaia aole e hoike iki i kekahi mea e pili ana i kela poe i hopuia ai. Ua maopopo ia Patse ua lohe kekahi poe hanu meahou mai kekahi aku o na makai nana i kokua iaia ma ka hopu ana i kela poe i kela po, a oia kana o ke kaniuhu loa ana iho no ka holopono ole o kana hana e hele mai i Veremona me ka manao e hopu i ke alakai o kela poe powa. Ma ko Patse hoomaopopo iho he pinepine no na maaawa e oili mai ai na mea huna o ka oihana makai, a ma kona noonoo ana he hoaloha paha kekahi mea kakau nupepa no kekahi o na makai a ua lioike aku paha ia ; a ma ke ano i loaa kana mea hou no kana nupepa a pela i loheia ai. Aohe nana nui o ka makaikiu Patse no kona mahaloia mai, a ua ike r,o oia aohe ona pomaikai ma ia mea, oiai nae, nana i hopu i kela poe powa, a noho ana i ka halepaahao, aka nae, o ka mahalo nui a na nnpepa no Mr. Murphy, ka Makai Nui no ka hopu ana i kela poe. O kana nae i hauoli nui loa ai, oia ka hunakele loaia o kona inoa, a ma ka hoakaka a ka pepa ua hooiliia na hoomaikai apau no na makai no ka pau loa ani o kela poe haihai kanawai i ka paa. Ma kekahi nupepa hoi ana i heluhelu iho ai ua hoike maopopo l iā kona inoa ka mea nana i hopu i kela poe, aua lilo loa kela i mea hoonaukiuki loa iaia no ka hoike maopopd ia ana o kona inoa, a e lilo ana paha kana hana i manao ai e holo aku i Veremona i mea hoopahuaia ai a e makaala mua mai ai kela poe haihai kanawai. "He wahi ipuhao ia maikai maoli ka hoi keia," wahi a Patse i :ialu iho ai me ka piha huhu; "aole no e lilo kela i mea hewa ina aole ī kelepona mua aku nei o Hawe ike alakai o lakou e pili ana ia u. He I ;\:mi maikai maoli keia a'u e halawai aku ai." Hookahi ona mea e palekana ai maloko o kela hoolaha; aohe i likeia o Berafoda, Veremona, a i ole o kekahi mea ano nui paha e roakaka'ana o ka Patse hana ia e holo ana ilaila. A oiai aohe laau lapaau e hiki ai ke hoolaia kela ma'i,, hoopoina (i .a iho la oia i ka noonoo ana no ia mea, a hoomauia aku la kana 1 uakai liele me ka loaa ole o kekahi mau ulia a hiki i ka hoea ana'o kaaahi i kekahi o na alahaka loihi e moe ana maluna o ka muliwai i\ »n(.tikuta, a he alahaka holo pinepine ia hoi ia e na kaaahi mai Nu i iamesire a mai \ eremona mai, e holo kikee ana mahai o ka muliwai. Ua kokoke ioa ke kaaahi i ke alahaka a oia ka manawa i ike aku v ka wiliki i kekahi kaaahi lawe ukana mamua pono mai o ko lakou ;.a maluna o ke alahao hookahi. A mamuli o kekahi kumu ua ku malie ke kaaahi lawe ukana ma a aoao mai me ka maopopo pono ole o ke kumu, a o ke kumu hoi ■ ka pilikia loa aohe meia i hoounaia mai ma keia aoao a i ole kauia ;.i hoi i hae e hoike mai ana i kela poino. A mamuli o ka nele i kela hoikeia mai, o ka hopena i loaa manili o ia hana hemahema, ua hooku'i kela mau kaaahi me ka ikaika a oiai e holo ana ko Patse ma kaaahi me ka ikaika, a i ka manawa iV.e ai ka wiliki i kela poino ua hoao ia e hoopaa i ka holo ana o ke i ia a no kona ike i ke kokoke loa, pili ae la oia ma ka aoao o kana .ikini a kakali iho la no ka hopena e hiki mai ana. Aole i paa iki ke ia a hiki i ka hooku'i ana me ka ikaika. Ua hooku'i aku la ke kaaahi laweleka me ke kaa ukana hope loa ■ ke kaaahi lawe ukana a puoa ae la i ka lewa he mau kapuai ke.kiekie. Ua lele ae la na kaa ma ka aoao o ke alahaka a iho aku la na kaa ■' >au ma ka aoao, a o na kaa mua eha ua haule aku la ilalo o ka mui vai. O ke kaa mamua iho o ko Patse, moku ae la ka hookuina a holo ':ku la a lewalewa kekahi aoao mawaho o ke alahaka, aoko Patse -:a e kau ana holo aku la a kiei ana i ke ka'e o ke alahaka a I'ū malaila. . He elua mau kaa e lewalewa nei maha io ke alahaka, a e u a hoi ia e hookau mai ana i ka weli i na ohua i na minuke apau. Mamuli o ka ikaika o kela hooku'i ana, ua kiolaia na o ua apau ■■ ina o ka papahele, a o kekahi poe o lakou ua kukonukonu maoli na 1 alapu i loaa aku. . . Aole mea Hookahi iiuna o ko Patse kaa i hiki ole ke ku ae a hele "a o a maanei. Ua kiolaia o Patse a noho ana iluna oka noho ma- ' īa iho ona aohe nae i kukonukonu loa ka eha i loaa iaia. He mea waiwai ole ke kamailio ana aku iaia no kela uha poino liweli loa i halawai iho la me lakou a o na kanaka ma ke kaa mua r u o lakou ka i oi loa aku o ka poino aōle nae lakou ī make koke i

kela manawa. A e like me na haawina poino maa mau e loaa ana e Hke me kela, pela no i hekau iho ai na kaumaha inaluna o kela poe i kela manawa. O na wahine kakaikahi iluna o ke kaa, aole i oi aku ko lakou maka'u mamua o kekahi kanaka, a oia kana hana mua loa i hoomaopopo aku ai mahope iho o kona ku ana ae iluna. O kekahi kanaka i kaia ia ai iluna o ka papahele, ala koke ae la oia me ka piha makau a hehi aku la maluna o kekahi wahine e waiho ana iluna o ka papahele me kona ( manao paha he papahele ia, a he ano hana hoi ia a Patse i ike aku ai he ano hohe a maka'u wale. O kela wahine no kekahi i kiolaia iluna o ka papahele a ua hiki ole iaia ke ala koke ae e like me kela kanaka. Me ke kali ole ua ku'i koke aku la o Patse i kela kanaka a wala aku la iluna o ka noho e ku koke mai ana. Me kona kali ole iho i ka hopena o kana ku'i ana, ua hopu koke aku la oia i ka wahine a hapai ae la iaia iluna, a noi iho la iaia e noho malie pela, me ka oni ole. "Ua maopopo ia'u, e ka lede maikai," wahi ana, "he oi aku kou pono e noho malie mamua o kou hoao ana e holo iwaho i keia manawa." 0 ke kanaka a Patse i ku'i ai ua ano pau ae la kona ano pihoihoi loa a hoomaka koke aku la ia e kokolo iwaho ma kekahi aoao o ke kaa, a puka loa aku la iwaho. Me ke kanalua ole o ke alahele ia o ka palekana, a mahope o kona leha awiwi ana aku ma ka puka aniani, ike iho la oia aohe poino ke kokolo malie laua a hiki i ka puka ana iwaho, nolaila huli hou ae la oia i ka wahine e kaukolo mai ana kana nana ana maluna ona me na j maka o ka hilinai me he mea la oia'kona hoola, hopu aku la i kona mau lima a ka'i aku la iaia iwaho a hiki i ko laua kau pono ana aku iluna o kahi paa o ke alahaka. A mahope o kona hoopakele ana he hapa kakini wahine e Hke me ia, a ma kahi hoi o kona haalele iho i ke kaa a holo aku no kona palekana, ua iho hou aku la oia i ke kaa mamua aku o kona a oia no hoi ke kaa e lewalewa ana mawaho o ke alahaka a wehe aku la i ka puka; ua paakiki loa ka puka mamuli o ka hi-o o ke kaa a no ka hiki ele iaia ke wehe mai, hoi hou aku la oia i hope a i kona kiei ana aku ma na kaa mamua ike aku la oia i na ohua o ia mau kaa e pau nui {an'4 i ka hele, e like no hoi me ka palekana ano o na ohua iloko o kona kaa, ma o ka pinana ana ma ka aoao mahope o ke kaa a kau iluna i kahi paa o ke alahaka. Oiai ia e, nana ana i kela poe, ulu ae la iloko ona ka manao malia aia no kekahi kanaka iloko o ke kaa mamua aku, iloko o ka pilikia e hiki ole ai ke pii ae iluna o ke kaa, a i kona kiei ana aku ia mua, ike iho la oia i ka pololei o ia manao ana ona pela. Mamuli o kekahi ano i maopopo ole iaia ike aku la ia i ka puka e waiho mai ana iluna o ka papahele ua haki ke ami, a malalo aku o ia wahi ike aku la oia i. ka lima o kekahi kanaka e waiho mai ana. E onioni malie mai ana no ka lima me he mea la e hoao ana ke kanaka nona ua lima la e hemo ae oia mai kona wahi i paa ai. Ua ike pu aku la o Patse ina no e hemo ae ana kona kino, aohe ona alahele e palekana ae ai, no ka mea, o ka papahele kahi ana e moe ana aia maluna pono o ka muliwai, he kanalima kapuai malalo iho ona. Ua maopopo iaia o kela poe kaa malalo iho ona ina no kona haule iho e kau pono ana oia iluna, aka nae, owai ke kanaka e aa e lele iho iluna olaila me ka eha ole, iloko o kela kiekie. "He mea pono e hanaia kekahi mea e hoopakele ae ai i kela kanaka," wahi a Patse i noonoo iho ai, "a i kela manawa kahea aku la oia me ka leo nui, Halo, owai kela malalo?" "Halo," wahi a ka leo i pa-e mai ai me ke koliuliu malalo niai. "Pehea ua eha loa no anei oe?" i ninau hou aku ai o Patse "Aole, koe wale no ina e ha'i ana kuu kua i ekolu apana," wahi a ka pane. Ua maopopo ia Patse mamuli o ka leo o kela kanaka aole oia i eha, aka nae, iha oia e haule ana e haihai io ana ia. "Ua hiki no ia'u ke puka aku mai keia wahi aku," wahi a ka leo, "ina e hiki ana ia'u ke paa aku i kekahi mea e hiki ai ia'u ke eu ae; o keia puka ko'u mea nana au i paa e hiki ole ai ke eu ae." ' "Pehea la ina paha auanei oe e hemo ana e haule ana paha auanei oe ilalo i ka muliwai?" "Pela paha," wahi a ka leo. "Ua maopopo ole ia'u eia la au ihea." Ploao hou ae la oia e hoonioni i kona lima me ka hoao ana e paa ae ka hao o ka papahele, he mau iniha ka mamao mai kona lima aku. "Alia, e kali iki," wahi a Patse, "na'u e huki mai ia oe." Iho aku la o Patse ilalo ma ka aoao o ke kaa e lawelawe ana, a kahea hou aku la, "Auhea oe?" "Eia no au," wahi a ka leo. Iho loa aku la o Patse ilalo a hoolewalewa iho la iaia iho ma ka paa ana i ka hao ku o ke kaa a kokoke e pa iho kona mau wawae i ka papahele o ke kaa a ka mea poino e paa ana. "Paa mai i kuu wawae a e hooikaika mai oe e oni a hiki i kou liemo ana mai kela panipuka mai," wahi a Piatse. Ua maopopo mai la i kela kanaka ko Patse manao, a nolaila oni mai la oia me ka malie a hiki i ka puka ana iwaho. "Pehea ka loihi o ka manawa au i manao ai e hiki ana ia oe ke lewalewa malaila?" wahi a ke kanaka. "Ua hiki loa ia'u ke lewalewa me keia a hiki i kou hiki pono ana ke ku iluna," wahi a Patse. "E awiwi pu no hoi paha oe i ka pii ana mai." Ua hooikaika mai la ua wahi kanaka nei a hiki i kona ku pono ana me ka puliki ana o kona mau lima a elua i na wawae o Patse„ "Pehea kou kiekie?" wahi a Patse. "He elima o'u kapuai me ekolu iniha," wahi a ke kanaka. "Ina oe e ku pololei ae ana e hiki ana no anei ia oe ke paa mai i ka hao ?" A mamua o ka hiki ana iaia ke pane mai emi iho la ke kaa ana e ku ana ilalo i ka muliwai, a mamuli oia emi ana i pale ia ae ai ia mai kona ku ana iluna o ka papahele a lewalewa ana me ka paa no nae o kona mau lima i na wawae o Patse. A oiai e paa ana no kela kanaka i na wawae o Patse, ua hele mai la kona mau wawae a maeele i ka pulikiia, a lewalewa like iho la laua ko laua mau kaumaha a elua iluna o ko Patse lima hookahi. "E pono oe e pii awiwi mai o haule like aku auanei kaua ilalo a mamamake like laua." Aohe pane a ke kanaka malalo. Ua kau loa mai la ka weli iaia, no ka mea aohe wahi o kona paa. Me ke kali hou ole aku, e hoomaka mai la oia e pii ma ka paa ana i ko Patse kino a.hiki i ka paa ana o kona mau lima i ka hao a Patse e paa ana a manao ae la ka palekana. "Pehea, e hiki ana no anei ia oe ke lewalewa pela i mau minute hou," wahi a Patse. "E hoao oe e puliki i kou mau wawae i ka hao."' Ho'oikaika loa aku la oia e pii a kau iluna o ka papahele o ke kaa a laua e paa ana, a i kona kau pono ana iluna, hopu mai la oia i na o Patse a huki aku la iluna i kahi o ka palekana. 1 ke kau ana aku o Patse iluna ua hele kona mau maka a puni i ka ula mamuli o kaloihi ioa o kela lewalewa ana, a o kona mau Hma no hoi ua hele a laau me ka maeele. Manao au ina e Jiala i ekolu minuke hou ua hiki ole ia'u ke paa ia kaua a o ko kaua haule no ia. "Pehea, he poe kanaka hou aku no koe olalo?" "Aohe poe i koe," wahi a ke kanaka malihini; "he keu maoli no oe a ke kanaka kupaianaha i ka'u rjana ana." "Hele mai kaua," wahi a Patse, a alakai aku la oia ia laua a hiki i ka puka ana iwaho, a i ko laua puka ana, iho aku la laua a hiki i ka haule loa ana iluna o ke alanui hao ma ka aoao o ke alahaka. Hele loa aku la laua a kaa ae la ma kekahi aoao kahi o na kaa poino e mokaki mai ana, ma kela aoao o ka muliwai e pili ana ia Veremona. k MOKUNA XXI. i "Oiai au e hele ana no wahi a Patse, "ua manao au|

he mea pono e kaawale mai au mai kela poino mai ma kela aoao o ka' muliwai." "He manao maikai kela ou," walii a ka malihini. "No Veremona no au. E hele ana oe ihea?" "E holo ana au no Berafoda.*' "I Berafoda! o ko kaua alahele hookahi no ia," wahi a ka maßhini. Nana pono aku la o Patse i kona hoaloha hou me na maka hauoli. I kona nana aku me he mea la e lilo ana ka malihini i hoapaahana kupono loa no kana hana e manao ana e holo aku no Berafoda. "Aohe au he kanaka akamai ma ke kamailio ana," wahi a ka malihini; "aka mamuli o kou hoopakele ana i ko'u ola, ke haawi aku nei au i ko'u mahalo nui ia oe no kau hana maikai i hana mai nei no'u, a he hana maikai hoi ia a'u e poina ole ai ia oe ina la a pau o ko'u ola ana." "Me ka mahalo," wahi a Patse, me ka naau i piha i ka hauolL "Aole o oe w r ale no ka'u i hana aku ai i ka hana maikai e like me kai* i ike mai nei, he nui wale aku ka poe a'u i hoopakele ai mailoko mai 0 na popilikia kukonukonu i oi loa aku i keia. A oiai aole kaua i ma« nuheu he mea pono ia kaua e iho aku ilalo i kahi o na kaa poino e waiho mai la a e nana aku ina he mea hiki kekahi ia kaua ke hana aku no kela poe." "He manao maikai kela ou. Auhea oe, o ko'u inoa o Bakoma; owai hoi kou inoa?" " Oko'u inoa o Kimo Dikekona," wahi a Patse, me ka huna ana 1 kona inoa ponoi. "Hauoli loa au i ko'u halawai ana me oe, e Mr. Dikekona," wahi 'a Bakoma. "Mai hea mai nei oe —mai Bosetona mai?" "Aole, mai Porovidena, Nu loka mai," wahi a Patse. "O, ma ke kaaahi mai nei o Nakua, ea?" Kunou aku la o Patse. E iho aku ana laua ilalo i kahi o na kaa poino e waiho mai ana, a i ko laua hookokoke ana aku i ka muliwai, lohe aku la laua i kekahi leo me he leo la no kekahi mea poino. Ua piha elua hora ko laua hooikaika ana e hoopakele i ka poe i poino, oia ka poe i mahunehune a i make. Aole laua i hooki i ka laua hoohikihiki ana i kela poe a hiki i ko laua ike ana oia iho la no ka mea hiki ia laua ke hana oiai o ka hapanui o ka poe i poino aia lakou iloko o na kaa iloko o ka hohonu o ka muliwai kahi liiki ole aku ia laua ke hoopakele mai. 0 na ola i hiki ke manaolanaia aku e ola hou mai ana, ua hoihoiia iloko o na hale e ku kokoke mai ana, a o ka poe i make, ua hoike ia aku i ka oihana makai a na lakou i hoomaopopo aku i ko lakou mau kino ma ke kanu ana ma kahi kupono. 1 ka pau pono ana o ka laua hana malaila, ua hoomaopopo iho la laua i alahele e hiki ai i ka pahuhopu o ka laua huakai. Ua nui ka pioloke ame ka hi-o o na kanaka malaila i kela manawa mamuli o kela ulia poino, a oiai e holo ana kekahi kaaahi no ka akau, ua noi aku la laua e laweia laua a hoolele ma Berafoda, oiai nae aoihe ku o ia kaaahi malaila, aka nae, mamuli o ka laua noi ua aeia mai la a kau aku la me ka hauoli no ko laua aeia ana mai. Ua hooko ke kupakako i kana olelo a i ka hiki ana ae i ka hora ehiku ahiahi, hoea aku la ke kaaahi i Berafoda, a hoolele ia aku la laUa. Maluna o ke kaaahi, o ka Patse hana o ka hoolaulea mau i kona hoaloha hou oia o Bakoma, a mamuli o kona oluolu ame ka maikai o kana mau olelo, ua pipili loa ka manao o kela w r ahi kanaka malihini iaia a ma ia ano ike iho la oia ua loaa he kokua maikai loa nona no kana hana e manao nui ana. Ma ke ano he kanaka mahiai o Bakoma, ua nui kana manawa * hoohaili kamailio ai ma na mea pili i ka Patse hana nui o ka hele ana mai i Veremona, aohe nae ia i hoike iki aku i kekahi mea <a hiki i kona ike maopopo ana ua lelepau mai ka naau o kona kamaaina iaia. Ua nui no kana manawa i hoao aku ai iaia nia ka hoohuahualau ana a ma ka noii ana ma,na ano like ole a no ka maopopo ana iaia o kona manao, akahi no oia a hoike aku i kana hana o ka hiki ana aku ilaila, aole nae i ka la hookahi aka he mau la ka loihi. Ua kokoke e napoo ka la ia laua i hiki aku ai i Berafoda, a no ka hopohopo o Patse o lilo na mea hou iloko o na nupepa i mea nana e 'hoaka e aku i ke alakai o ka poe powa; ua noi koke aku la oia ia Bakoma e lawe koke iaia e hoomakaikai ma na wahi a pau o ke kulanakauhale. Ua lawe koke o Bakoma iaia e hooholoholo ma na alanui ano nui o ke kulanakauhale, me ke kuhikuhi ana i na hale o ka poe koikoi olaila me ka ha T i pu ana iaia i na inoa o ka poe koikoi a w r aiwai. Ina wa apau a Bakoma e hoike aku ai i na hale e ninau mau ana o Patse i ka lakou mau hana like ole, me ke ake nui iloko ona e loaa iaia kekahi makili ike no ke alakai o ka poe powa. Ma kela holokaa ana a laua aohe i loaa i ka makaikiu ka ike ame ka waiwai e like me kana i manao ai, a mahope o ko laua hoomau ana H ka holo ana a hala loa iuka ma kahi kokoke aku i ke kuahiwi, ua loaa ia Patse kekahi mea e hoopomaikai mai ai i kana huakai ma ke ano o ka nolio ana o na kanaka mauka loa o ke lj:uahiwi. Ua ulu mai he manao ikaika loa Hoko ona aia ma kela kuahiwi kahi i noho ai o ka poe ha'iha'i kanawai. Ua aumoe loa hiki aku la laua i ka liale o Bakoma, a he hookahi wale no hale oihana e a mai ana no ke kukui. "O koo nei hale pa'i nupepa kela e a mai la ke kukui," wahi a Bakoma. "He nupepa puka la anei kolaila, aole paha?" w r ahi a Patse i ninau aku ai. "Aole, he nupepa puka pule, e puka mai ana i ka la apopo," wāhi a Bakoma. E like me ka olapa ana a ka uwila, pela no ka manao i ulu emoole ae iloko o Patse. "Manao au e lele au maanei," wahi a Patse, "a o ke aloha ahiahi no kou." "He hiki no ia'u ke lawe aku ia oe a kā hokele ina he makemake kou pela," wahi a Bakoma. "Aole, na'u no au e hoi wawae aku mahope; me ka mahalo ia oe; e makemake ana au ia oe e kokua mai ia'u no kekahi hana i ka la apopo ke hiki." "O, ua makaukau loa au e haawi aku ia oe i na kokua ana apau e like me ka liiiki ia'u, e Mr. Dikekona." "Ua pono kela; hele kakahiaka nui loa mai oe i ka hokele i ka la |lpopo a ia manawa kaua e ike aku ai i ka mea e hana aku ai." Haawi mai la o Bakoma i kona aloha, a hoi aku la. Komo koke aku la o Patse iloko o ke keena nupepa o kela rumi aia malalo a iloko o ka rumi o ka Lunahooponopono i komo aku ai ia | a ike aku la i kekahi kanaka opio e noho ana iluna o ke pakaukau a e kakau ana. ■ He ekolu poe iloko aku o kekahi rumi e hoonoho hua kepau ana. "Eia no anei iloko nei ka Lunahooponopono?" wahi a Patse i ninau aku ai. "Ae," wahi a ka pane a ke kanaka opio, me ka akaaka ana mai; "owau no hoi ka Lunahooponopono." "O, e kala mai oe ia'u; hauoli loa au i ko'u ike ana aku la ia oe, a oiai he kanaka kakau nupepa no hoi au, aohe au e hoopau wale i kou manawa." "O ko makou la hana nui loa keia," wahi a ka lunahooponopono v< Ua; maopopo ia'u kela mea," wahi a Patse, "i komo iki mai Ia au iloko nei no ko'u manao he makemake oe i kekahi mea hou no kau nupepa." "O, ua ike no hoi oe o ka poe kakau nupepa apau he makemake nui lakou ia mea he nuhou. Aia no anei, oe i ka hokele e noho nei?" "Ae," wahi a Patse; "o Dikekona ko'u inoa; aohe o'u pepa hoolauna me a'u i keia manawa, aka nae, ke manao nei no au ua ike mua no oe he kanalea pololei au. Ua hiki ia'u ke ha'i aku i kekahi o ka poe hanu mea hou ke ike aku au." "Pela paha, eia hoi paha aohe o lakou lole makalike e hiki aku ai ia oe ke ike aku ia lakou," wahi a ka lunahooponopono. O Fela ko'u inoa. Pehea e makemake ana paha oe i wahi pepa kakau nau?" —i < u», AoleiPau. _ • \j