Ka Nupepa Kuokoa, Volume XLIII, Number 50, 11 December 1908 — EIA HOU NO UA PILIKIA O BAKER Lawe Hou i ka Hope Makai Nui o Kona Hema Mahope o ke Kohoia Ana i Senatoa. [ARTICLE]

EIA HOU NO UA PILIKIA O BAKER

Lawe Hou i ka Hope Makai Nui o Kona Hema Mahope o ke Kohoia Ana i Senatoa.

tJa hoike ae ka Nupepa Star i ka liiki ole ia Senatoa Baker o Kona Hema ke noho -,f j"ko o ka Aha Senate ma ke kau Ahaolelo e hoea mai ana mamuli o kona paa ana he elua mau oihana i ka manawa hookahi. Ma ka manao o ke kanawai, mahope iho o ko Mr. Baker kohoia ana he Se-\ natoa, ma ka la ekolu o Novemaba aku nei i liala, ua kuleana iho la oia e lilo i hoa no ka Aha Senate iloko o ia manawa, a o kona paa hou ana i ke kulana Hope Makai Nui no Kona. Hema, Hawaii ma ia bope mai, ua ku--ia i ke kanawai. E hoiTte pu ana ke Star, ma ka noho nna a ka Papa o na Lunakiai o ke Kalana o Hawaii ma ka la 6 o Novemaba, ua heluheluia ae ka leka a Mr. Baker e haalele aku ana i ke kulana Hope Makai Nui, i kakauia ma ka la 31 o ka mahina aku o Okatoba. TJa apono lokahi ka Papa no kela waiho iana aku ana i kela kulana ana e paa ana mamua ae o kona kohoia ana mai 5 . i Senatoa. He mau minuke wale no nae mahope iho o ka heluheluia ana ae o kela leka mua ana, ua heluhelu houia ae la he leka no mai iaia mai, e hoike ana i kona unuhi hou ana i kela leka mua ana, me ke noi pu ana aku e hookohu houia mai oia no ke kulana Hope Makai Nui. Ua waihoia ae kela leka hope iloko o ka lima o ke komite, a ma kekahi la ae, ua aponoia ua leka la no ke koho hou ana iaia no ia kulana. Iwaena nae o ka Papa o na Lunakiai, o Shipman hookahi ka mea i ae ole i kela hookohu houia ana aku o Mr. Baker, aka ua lilo nae oia i niea ole, mamuli o ke kaa ana o ka hapanui ma ka aoao e apono ana i kela leka noi. Ma na mea i hoikeia mai e kekahi o na kamaaina o na Kona i keia keena, ua hoihoi hou aku nei o Mr. Baker i kona hookoliu no ke kulana Hope Makai Nui o Kona Hema, aka nae ma kela manawa o kona hookohu houia ana mai e lea Papa, ua lawelawe aku no oia i na hana o kona keena ma ka hooko ana i kekahi mau hihia i waihoia aku iloko o kona mana no ka hooko ana. Ua lilo i mea na kekahi poe e kamailio nui ai, mamuli o ka ike ana i ke ano o kela mau hana i lawelaweia e ka Hope Makai Nui o Kona Hema, ame Senatoa hoi o Hawaii, a oiai ua, hoike ae ke keena o ka Loio Kuhina i ko lakou makaukau e noii pono aku no keia mea e pili ana iaia, ina e loaa mai ana kekahi mau hoohalahala, nolaila e lilo ana i mea hoakaaka ke ike maopopoia ae ke ano o ka imi mau ana o Baker i wahi e alo mau ai i ke kanawai. . O ka mea maopopo loa, ina ua pololei ko Mr. Baker lawe hou ana i ke kulana Hope Makai Nui mahope iho o kona kohoia ana i Senatoa, alaila ua hoike ae oia i kona haalele maoli ana aku no i kela noho, mamuli nae paha o ka manao ana, aia no a hiki mai i ka manawa no ia hana alaila ohi no i kolaila mau pomaikai.