Ka Nupepa Kuokoa, Volume XLIII, Number 50, 11 December 1908 — HE MANAWA MAIKAI E IKE AI I KA LUAOPELE. [ARTICLE]

HE MANAWA MAIKAI E IKE AI I KA LUAOPELE.

Eia ka liui moku holo pili aina ke lioomakaukau inai nei no kekahi huakai a ka Mokuahi Mauna Kea e lawe aku ai i ka poe e makemake ana e holo makaikai no Hilo iloko o ka pule hope o keia mahina, no ka hoohala ana i ko lakou la kulaia malaila a no ka ike ana i na lealea ame ka Luaopele. ' No ka manaoia he nui loa ana ka poe makemake e holo no Hilo ma kela huakai, ua kaupalena ae ka hui i ka manawa no f ke kuai ana ina tikiki a hiki i nehinei. E haalele iho ana ka Mauna Kea ia Honolulu nei ma ke ahiahi o ka la 31 o Dekemaba, a ua loaa hoi ka manawa lawa kupono no ka poe makaikai e hele ai ma kela ame keia wahi a lakou e makemake ai a hiki i ke ahiahi o ka la 3 o īanuari, alaila huli hoi hon mai ka Mauna Kea no ke taona nei. He nui na mea e umeia ai ka manao no ka holo ma keia liuakai, oiai ma na mea i hoikeia mai Hilo mai, aia ke a la ka luaopele i keia manawa, a aia hoi kekahi mau heihei e, malamaia ana ma ka la 1 o lanuari f a aole no e nele ana ka nui o ka poe holo ma keia liuakai, a o kekahi kumu paha hoi e pilia ai, oia no ka oluolu o ka no dala no ka holo ana shrdeltuaoi ukumoku, he umi-kumamalima wale no dala no ka holo ana a hiki i ka huli hoi ana mai.