Ka Nupepa Kuokoa, Volume XLIII, Number 50, 11 December 1908 — OKAIKAI KA OIHANA MAKAIKIU Hapaiia ka Manao Hookelakela no ka Mahaloia aku ma ka Hopu i ka Poe Piliwaiwai. [ARTICLE]

OKAIKAI KA OIHANA MAKAIKIU

Hapaiia ka Manao Hookelakela no ka Mahaloia aku ma ka Hopu i ka Poe Piliwaiwai.

Mamuli o ka paa ana o kekahi poe Pake he iwakalua-leumamahiku i ka hopuia no ka piliwaiwai i ka pule aku nei i hala, ua ala mai ka manao iloko 0 Makai Nui laukea ame Makaikiu Kalakiela mainuli no ia o ke kokua like ana a Makai Leal ame kekalii poe koikoi iloko o na hana piliwaiwai. Ua paa kela poe Pake i ka hopuia, a ua pau nui i ke ahewaia imua o ka Aha Hoomalu i ko lakou manawa i hookolokoloia ai. Ma ko Leal aoao riae, ua hoike ae oia, ua loaa 'laia ke kuleana e hopu i kela poe piliwaiwai mai ka Makai Nui laukea mai, a o ke kumu o ka holopono ana o ia liopuia ana mamuli no j ia o ka hoike oleia ana aku i kekahi J mau makaikiu e hele ana oia e hopu ( 1 kela poe piliwaiwai, a ma ia ano iho ; la ka i hiki ole ai ke laweia aku ka lolie i kekahi o ua poe Pake la no ke kii ia aku e hopu. Mamuli iho la nae o na hana anoninoni e loheia mai nei iloko o ka oihana makai, me he mea la aole e nele ana ka lilo o ia mau hana i mau mea kamailioia iloko o ko laukea kau e pau ae ai. Ma ko Makai Nui laukea manao, me he mea la i kana nana aku, aia ke hoao nei kekahi e kaa aku iaia ka hanohano o keia hopu ana, a lilo hoi i mea e malialo oleia ai na makai maoli 0 ka puali leumau. Oiai nae aole he mau kumu hoohalahala maopopo i ala ae, nolaila aole oia i huli a noii aku 1 ka oiaio o na hauwawa iwaena o na makai. Aole oia i maopopo no ka lawe ae 0 ke Kiure Nul i kela hana iloko o ko laleou ninaninau ana, aka nae ua hamama ka oihana na lakou e hele mai ai e noii pono ina he manao kekahi iloko o lakou e hana mai pela. Penei ke ano nui o kela piliwaiwai i malamaia: Iloko o kekahi mau pule ae nei i hala, ua hoomaopopoia aia ke malamaia nei ka piliwaiwai ma ke alanui Maunakea, a mamuli wale no o ka maalo mau aku o Makaikiu Kalakiela ma kela wahi i hoomalolo ai lea lakou piliwaiwai ana. Ua noi aku la nae o Makai Leal ia laukea e ae mai iaia no ka hele ana e hopu i ua piliwaiwai la. Ma kana hoao mua ana, aole ia i holopono mai muli o ko Kalakiela maalo ana ae ma kela wahi, ka mea nana i hookau aku 1 ka weli maluna o ka poe piliwaiwaL j Ma lea manawa elua nae a 'Leal i hoomaka hou ai e hopu, ua holopono j ia hoao ana ana, ua paa mai lie iwa-kalua-kumamahiku poe Pake piliwaiwai. Ua lioikeia aku nae ia Makai Nui īaukea e ka poe i hopuia, ua ae aku ka 0 Leal e kauia ana he hoopa'i mama loa maluna o lakou, a e hele aku no hoi o Leal e hopu ia lakou. Ua hoike mai hoi ka ona nana kela mau liana piliwaiwai, ua ike mūa no oia i ka hoao ana a Leal e liopu ia lakou ma ka manawa mua loa, a pela no ma ka lua aku o ka manawa, aka o ke leumu nae o kona ae ana e hookomo okoa mai iaia. iho iloko o ka lima o na makai, aole ia i hoikeia ae. Ua hoike pu ae no ioi.o laukea, ma kona manaoio ,he mea o Leal e alualu ana i ke kulana e paaia nei e Kalakiela 1 ka manawa e noho ae ai o Jarrett ma ke poo o ka oihana makai. A ua manao pū no hoi. oia, he mau hana kela a Leal e imi ana i wahi e ikeia ae ai, ua oi aku kona makaukau mamua o Kalakiela. Ma ko Leal aoao nae, ua hoole loa ae oia i kona mua ana me ka poe piliwaiwai mamua o kona hele ana aku e hopu ia lakou, a ua hoole pu ae no hoi oia, i kona lilo ana he mea noi no ke kuiana e paaia nei e Kala- ' kiela. ! O kana nae oka olelo ana ae, aole o Kalakiela e hooikaika nei e hopuhopu i ka poe piliwaiwai, a i ole e wawahi paha i ko lakou mau punana. Ina no nae e haawiia aku ana kela kulana iaia, e lawe mai ana no oia, a ina no aole, alaila ua makaukau mau oia e hele e hana ma na wahi apau e haawiia aku ai iaia.