Ka Nupepa Kuokoa, Volume XLIII, Number 51, 18 December 1908 — HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe. [ARTICLE]

HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe.

MOKUNA XXX. «O keia wale no ka mea hiki ia'u ke hoike aku i keia manawa, a ua kokoke maoli no o Akeneki e kiei aku ma ka īpuka o ka make, a (aole makou i hoouluhua wale aku ma o ka niele ana aku iaia i kahi o •ka hiki ana mai o ka pilikia maluna ona, aia paha a loaa ka oluolu maikai iaia, alaila hoike mai oia i na mea apau e pili ana no kona hoea ana mai i keia hale." ... . "Alaila he wahi mea uuku no hoi ka'u i lohe ai e pili ana no keia nalowale ana o Akeneki mai kona mau hoaloha mai," wahi a Haka•wela me ka hoike-ana aku i na mea a Akiholo o ke kamailio ana aku iaia ma kela la a laua o ka halawai pu ana. "He oiaioi ia au e olelo mai la e kuu keiki, aka pehea nae oia 1 liele pu mai ai me kekahi kanaka i keia hokele mahope iho o ka huli hoi ana mai maluna o ke kaaahi," wahi a kona makuahine. "Owai keia kanaka au e olelo mai nei?" i ninau koke mai ai o Hakawela me ka loaa ana aku o kekahi hoohuoi iloko ona o keia ka ke kumu o ka hoea ana mai o Akeneki no kela hokele. "Ua ike no nae paha oe ia kanaka o Hahaki Aboka ?" "Ua ike au i kena kanaka au e kamailio mai la, aka o ko laua like ana mai no ka hokele nei, aole he mea hiki ke ulaa ae ia mea huna koe wale no ko Akeneki hoike ana mai i ka moolelo e pili ana i ko laua hele pu ana mai ia nei nei. "Ua olelo mai ka ona nona keia hokele, he kanaka loihi oia 1 hiki aku paha kona mau makahiki i ka iw'akalua-kumamaha a oi aku paha, a o ka makamua loa no hoi ia o kona halawai pu ana me kela kanaka." "Ua hiki hoi paha, aka ina e loaa aku ana oia ia'u i kekahi la, e ike auanei oia i ka hopena o ka mea ana i hana aku ai maluna o Akeneki," i pane mai o Hakawela me ka piha i ka huhu. I\ani maoh ka pakele ana mai o Akeneki mai ka pilikia mai" au e mama i hele mai ai e malama iaia iloko o keia mau la. ' <l He pilikia mai auanei kau a uuku mai, a o kona pakele ana, mamuli wale no īa o ka hoopakele ana mai a na lani. Ke haawi. pu aku nei hoi au i ka'u mau hoomaikai ana maluna o ka ona nona kēia hokele no kana mau hana ku i ke Kristiano, a ke manao nei au he uuku loa na kanaka i loaa kona ano, no ka mea o na hoolilo apau no ke ame k?a wahine malama keiki, ua lawe ae-oia ma kona mau aoao ke koikoi o ka auamo ana ia mau hoolilo." "A pehea e mama aole anei oia i ninau mai no u i kekahi manawa?" ""Iloko o keia mau la o ko'u noho pu ana me ia aole he hookahi manawa a'u i lohe iaia i ke kahea ana i kou inoa, aka i ka olelo mai nae a ka wahine malama ma'i e noke mau ana o Akeneki i ke kahea i kou inoa mamua aku o ia manawa, i ka wa e uluahewa mai ai, īnamuli t> ka ikaika loa o ka fiva." Ua kulou iho la ke poo o Hakawela ilalo no keia pane a kona no ka mea ke ike la no oia aia no ke mau la ka manao kuhihewa iloko o Akeneki nona, a ia manawa i pane hou mai ai o Mrs. Reminakona: . "Mai hookaumaha i ka manao e kuu keiki, aka e Hoomanawanui pela a ke paa nei no ko'u ina e loaa ana iaia ka oluolu maikai, alaila e hoopauia auanei ka pilikia niawaena o olua. Aia kekahi alopeka nana i imi i keia kumu hewa mawaena ona ame oe, a ke manao--10 nei au o Lora ua alopeka la." "Akahi no au a hooiaio aku i kena mea au e i mai la e mama, malia paha ua hoike malu aku no.o Lora ia Akeneki i na mea a'u i hana ai ma kela po, a owai hoi ia mea nele ole ke komohia o nā manao kuhihewa mamuli o ka hoopihapihaia me na olelo hakuepa e kela kaikamahine lokoino, e hele hou mai ana no nae au i ka la apopo e ninau ai ia oe no kona ano." "A pehea aole no paha hoi oe e huhu mai ana ia u no kuu noho ana ia nei nei e malama ai ia Akeneki ea? Ua makemake loa au e hoi aku no ka hoomaopopo ana aku i ka'u keiki, aka he mau wahi la wale no hoi koe, a manao au pau loa na manao hopohopo no Akeneki, a hoi aku no au e nana ia oe." ■'Aole au hopohopo ana mai no'u, a ua- lilo hoi i mea no'u e hau--011 ai ka ike ana i kou noho pu aku e malama iaia iloko o keia wa o kona ma'i. Ua lilo au i kanaka hou i keia manawa mamuli o kuu ike ana i kahi o Akeneki e noho nei, a e hele koke aku ana au e hoike i keia nuhou ia Akiholo, a e noi pu aku ana hoi au i ko'u mau haku e hookuu mai ia'u e hoomaha no keia pule hookahi wale no." Me kela mau ok-lo hope, ua honi mai la oia i kona makuahine a liuli hoi aku la me na- manaolana /hauoli e hiki mai ana no ka la e lilo aku ai o Akeneki i wahine ke wehewehe ponoia aku na mea apau e hoopauia ai na pohihihi. Uja hoi awiwi aku la o Hakawela no ko laua home, a hele loa aku la e huli ia Akiholo. Hoea aku la oia no ka rumi o ua hoaloha elemakule la ona, ua hele ua elemakule la a haka-nu, aole hoi e like me kela manawa hope loa ana o ka ike ana iaia, aka ua hele keia a kuhukuku, aohe ana mau mea hoihoi, aka ia ike ana mai i ke komo ana aku o Hakawela me na kaina wawae mama, ua alawa koke mai la oia a i mai la: "O oe mai la ka ia e kuu hoaloha opio, heaha ka mea hou nana d hoohauoli mai ia'u, ua lohe anei oe i kekahi mea e pili ana ia Akeneki?" "O ke ano nui ia o ka'u huakai o ka hoea ana mai la, i hele mai Ja ali e hoike aku ia oe i ka nuhou hauoli no ka loaa ana o ka kaua Akeneki," wahi a Hakawela me ka minoaka ana iho. Ua lilo nae keia i nuhou hoohikilele ia Akiholo, a me ka noonoo mua ole o Hakawela e lilo ana keia nuhou ana i mea hoopilikia aku i tia elemakule la, ua maule aku la oia ilu-na o kona noho, a o ka wa hoi ia a Hakawela i holo aku ai a puliki aku la iaia, a i ka hala ana o kekahi mau minuke o kona noke ana i ka o-pa iaia, akahi no a pohala ua elemakule la, a ninau hou mai la me ka piha no i ke ano pilioihoi ?" | "Ua loaa anei leuu Akeneki?" wahkana me ka leo nawaliwali, akaj ua holo koke aku la o Hakawela e kii i kiaha wai a hoohainu aku 1a iaia mamua o kona pane ana aku i kana ninau, alaila i aku la o Hakawela: "Ua loaa ua Akeneki la a kaua,—aka e noho pono mai hoi paha iluna alaila hoike aku au i na mea apau ia oe?" alaila ua inu hou aku Ja o Akiholo he mau ooloku wai, a noke ae la i ka holoi i kon a hou, alaila huli pono mai la imua o Hakawela me ka iini e lohe i ka moolelo e pili ana i ka loaa ana o Akeneki. Aole i hoololoiahili wale o Hakawela, aka ua hoomaka koke aku la no oia e hoike e like me na mea ana i lohe gi mai kona makuahine mai, a ke nana aku ia Akiholo iloko o kela manawa e oni wale ana no oia i o a ia nei, a i. ka wa i lohe mai ai i ka hoopukaia ana aku o ka inoa o ke kanaka nana i lawe aku ia Akeneki no kela hokele, ua ike-ia aku Ia ka a o kona mau maka, a ia hooki ana iho o ka Hakawela haha'i ana aku i na mea e pili ana ia Akeneki, ka wa ia i ku ae ai o Akiholo iluna, hoi mai la kona ikaika o na la i hala aku, a akahi no oia a hoomaopopoia aku o Akiholo, o ke kanaka a na mea apau e pahenehene ai, a i mai la: 4 . "E ike ana kela kanaka nana i pahele i kuu Akeneki, e kau aku

ana na lima o Akibolo maiuna ona, a o kona hookaawale loa mai Kikako aku nei, oia wale no kona kumu e pakele ai. Alua ka hoi a'u mau kanaka e makaala loa aku ai. He kanaka okoa aku no ka'u e kau aku nei o ka hiki mai i kona la e kukuli mai ai imua o Akibolo, a eia hou no ka ua kanaka nana e hoopiha mai i ko'u manawa me ka hana." 0 ka loaa ana aku o Habaki Aboka ma keia hope aku, o ia auanei kekahi o na mea ano nui a ka poe heluhelu o keia moolelo e ike mai ai, a e kakali mai no nae a hiki i ko kakou hoea ana aku i kahi o ua kanaka la e hamama ai ka waha ha'u i ka makani, a pela auanei kona makuakane e o-pa puia aku ai e Akibolo a pili i ka paia. MOKUNA XXXI. i 1 ko laua hookuu ana ma kela la, aole he mau mea nui e ae a Akibolo e noonoo ana, o ka hele wale aku no e ike ia Akeneki ma ka hokele i kuhikuhiia aku ai iaia, nolaila ma ke kakahiaka ae o kekahi la, ua kii aku la ua elemakule la i paa lole hou nona ame ona papale hou, oiai o kona mau lole mua e komo ana, ua hele a kupono ole no ka hoea ana aku imua o kahi maka kanaka, a pela oia i hoololi ai i kona mau pono ma keia huakai ana, aka mamuli mai no nae 0 kona hauoli loa no ka lohe ana eia no o Akeneki ke ola aku nei. laia i hoea aku ai ma ua hokele nei, ua ninau aku la oia no Mrs. Reminakona, oiai ma ona la oia i makemake ai e lohe mai i na mea e pili ana ia Akeneki. Ke kakali la oia o ka hoea mai o Mrs. Reminakona, a i ka ike ana mai o ua wahine la ia Akibolo, ua minoaka mai la oia, no ka mea ua maemae maoli o Akibolo i keia manawa, ua like pu me he kanaka hou loa la mai kela manawa mai a Hakawela i haalele aku ai iaia ma ka la aku mamua. , Ua hoike mai la o Mrs. Reminakona i ka loaa ana o ka oluolu maikai ia Akeneki, i. ka wa o ua elemakule nei i ninau aku ai no Akeneki, a o ia ka ua elemakule nei o ka i ana aku: I "Aole loa he kaikamahine e ae a'u i ike ai maloko nei o Kikako i like aku me ia ke ano, a i hoike okoa aku no au ia oe ea, ua kaili okoa aku oia i ka'u mau mahalo ana nona. He oiaio ua kapaia au i ka puni ole i na wahine, eia nae he hookahi makahiki okoa ia a'u o ka hakilo i kona mau ano, a ua ike au oia hookahi wale no ke kaikamahine i loaa ole kona mau ano i ka nui ae 0 na wahine e ola nei ma ka honua nei. "Ua hele au a kaumaha loa i kuu lohe ana no kona nalowale honua ana mai ko mana home aku, aka oiai hoi ua loaa hou ae la oia ia'u, nolaila e hana aku ana au i kuu palapala hooilina e hooili ana i ko'u mau waiwai apau maluna ona. Aole nae au i makemake e kamailio aku oe iaia pela, -aka aia a ke kakahiaka o ka la apopo alaila hele aku au e kauoha i ka loio e hana mai i ka palapala e like me ko'u makemake." "Aole au e hoike wale aku i keia mea i kekahi poe e aku," wahi a Mrs. Rminakona me ka hauoli no keia lohe ana mai i ka loaa aku ia Akeneki. o kekahi mea nonai e pono ai mai keia elemakule aku. "E hoike aku nae oe iaia mai hoopilikiaia kona noonoo no kona noho ana i nei nei, no ka mea iO na hoolilo apau na'u ia e uku aku a hiki i kona ku ana a hele mai keia hokele.ae, a ina ua makemake oia 1 kekahi mea, me ka nana ole i ke ano o ia mea ana e makemake ai. ua hiki loa ia ke loaa aku iaia, i hakalia wale no i kona pane mai, 'ia makaukau mau o Akibolo e hana-aku nona." "He keu aku maoli kou oludlu e Mr. Akibolo." "Owai hoi ia mea oluolu ole i ka hana maikai ia mai o keia kaikamahine, a nana ame kona makuahine i jjana mai i na mea no'u.e hauoli ai ia laua e noho pu ana me a'u. E hoomanao hoi paha oe i kuu wa i hoolaha ai no kekahi wahine malama hale, aole ati i hoolako 1 i na mea apau e pono ai kuu home, eia nae aole laua i nana ae i ka nui o ko'u mau hemahema, aka 113, hoolako maoli no laua me ko laua mau lako iho, a ua ku a hilahila no hoi au i ka lawe ana mai i ko laua mau lako hoonani o kela ame keia ano," alaila ua hehee honua wale iho la no o Akibolo mai kona noho iho, eia nae ua pohala koke, ae la oia, a hoomau mai la no i kana kamailio ana. "Aole anei he mau hemahema kekahi ona e pono aī ke kokeia aku i keia manawa, a i ole he mau mea paha ana i makemake ai? Aole e loaa ia'u ka maha a hiki i kuu ike ana ua lako oia ma na ano apau no keia noho ana ona ia nei nei." Ike iho la o Mr£ Reminakona he manawa maikai keia nona e hoike aku ai i na mea pono ana e hana aku ai no na hemāhema o Akeneki, nolaila ua i. mai la oia ia Akibol'o i ka pane ana mai: "He nui loa kona mau hemahema, no ka mea ua hele wale mai no oia no keia hokele me kona wahi lole wale no i ka ili, a mamuli o ka lokomaikai o kekahi kaikamahine lawelawe e noho nei maloko o ka hokele, pela i loaa aku ai kekahi mau hemahema ona. "Inia paha oe e ae mai ana, alaila owau ke hele aku i kou home no ka lawe ana mai i kekahi o kona mau lole, a he mea pono no hoi e loaa iaia he lole hoopumehana, no ka mea e hiki mai ana i kona wa e holoholo ai, a e lilo auanei kela lole mahana i mea kokua aku iaia." "Nawai ka hooluhi ana aku ma o ka hele ana e kii i kela mau lole i ko'u home," wahi a Akibolo me ka unuhi ana ae i kana buke pakeke a haawi aku la ia Mrs. Reminakona elua haneri dala ma Va bila a i aku la: | "E hele aku e kuai i kona mau mea hemahema me kena mau dala a ina aole i lawa alaila aia au a hoea hou mai alaila e haawi hou aku no au i' dala no ka hoolawa ana aku i na mea i makemakf.ia," a hooki iho la ua elemakule la me,ka minoaka ana iho, no ka. mea lakahi 110 a maha mai kona mau manao kaumaha no ka ike ana, ke uku nei oia i kona aie mamuli o na hana maikai a Akeneki i hana mai ai nona i ua wa i hala'ae. Ua haawi mai la o Mrs. Reminakona i kona mau hoomaikai ana i keia elemakule, a pela no hoi o Akibolo i haawi aku ai i kona lima ma ke ano hoihoi, ka mea i maa ole iaia i ka hana ia iloko 0 na makahiki i hala a o ko laua kaawale no ia, me ka hoi ana mai o Ak bolo no kahi o kona hokele, a huli hoi aku la no hoi 6 Mrs. noloko o ka rumi o Akeneki. Ma ia auwina la nae, ua huli hoi malu hou mai la o Akibolo no ka hui ana me ka ona o ka hokele a Akeneki e noho nei, a hoike aku la iaia, nana e uku na hoolilo apau e pili. ana i kO Akeneki noho ana ilaila ame ko ke kauka lapaau ana iaia a pela hoi me ka wahine malama ma'i, a huh hoi loa aku la oia no kona mau rumi me ka i hoomamaia. I ko Mrs. Reminakona hoea ana aku hoi noloko o ka rumi o Akeneki, ua hoike aku la oia no kona halawai pu ana me Akibolo,' me ka hoikeike pu ana aku i 'na dala a ua elemakule la o ka haawi ana mai nana, a i ka hiki ana i kahi a Akibolo o ke kamailio ana aku no kela manawa a Akeneki ame kona makuahine o ka hoi ana mai e malama hale nona, ua noke mai la o Akeneki i ka akaaka, a noke mai la hoi i ka hoike piha i na mea a laua i ike ai no keia elemakule, a kaa mai la hoi ka aka ana ma ko Mrs. Reminakona aoao i kela manawa. Ua hoohalaia kela la me ka maikai, a ke mau ae la no hoi ka pii mahuahua ana o ko Akeneki ikaika. Ma kekahi la mai nae, ua hoea hou aku la no o Hakawela no ka hokele, a hoike mai la kona I makuahine no ka oluolu ana o Akeneki, ame ka hele ana aku o Akibolo i ka hokele, a na keia mau nuhou maikai i hoohauoli mai i ka manao o ke kanaka opio. Ia makaukau ana nae o Hakawela e haalele mai i kona makuahine, ua haawi mai la oia i kekahi pahu iaia me ka i.ana mai: "Ua hiki anei keia mea ke haawi aku iaia?" "Heaha keia pahu au i lawe mai nei e Hakawela?" i ninau mai ai kona makuahine me ke ano pahaohac| i ka ukana oloko o keia pahu a kana keiki. "He pahu kena me na pua rose iloko, a malia paha o oluolu mai hoi oia e lawe aku i kena mau pua mai ia'u aku, e like no hoi me kela mau ros,e a'u o ke kuai ana nona ma kela po hoolaulea i malamaia e oe e miama, a i lilo aku ai hoi ia Lora. Aia pu no maloko o kena

j wahi pahu kela leka a'u o ke kakau ana nana, a Lora nae i kaili ku ae ai mailoko ae o ka pahu, a u i makemake loa ai na kuu Akeneki hookahi wale no e heluhelu. Ua kulou iho la nae kona makuahine ilalo me ka noonoo nni ana i kana mea e hana ai no keia pahu, oiai ke manao la oia he han a maikai ole ka hoao ana aku e hoala hou mai i na hoomanao ana no na mea i hala iloko o keia wa kupilikii o kona mau manao, a ka n.a kekahi ano nae, e like me kana i hoomaopopo ai no Akeneki iloko o kekahi mau la elua i hala aku, me he mea la, ua noonoo nui loa 110 o Akeneki no Heikawela, a ma ia ano, ua pono no ka haawi ana aku i kela pahu i ua kaikamahine la. "Ua hiki ia oe e mama ke wehewehe aku iaia, mai hoouna nuiaia aku no kela mau mea apau iaia ma kela po, aka mamuli o ke kuhih,wa ana o kekahi kaikamahine malihini, pela i kaa aku ai kela pahu ame ka leka iloko e ka lima o Lora e nele ai ka loaa ana aku iaia," i noke aku ai no o Hakawela i ke kamailio i kona makuahine iaia i ike aku ai i ke kunana o Mrs. Reminakona. "Ina pela e lawe io aku au a haawi aku i. keia pahu iaia," wahi a Mrs. Reminakona, alaila ua honi mai la oia i kana keiki, a huli lioi aku la noloko o ka rumi o ke kaikamahine ma'i. 0 kahi nae o ka laki, loa i kela manawa o ka hoea ana aku o Mrs. Reminakona, aole ka wahine malama ma'i oloko o ka Vumi ia manawa, ua hala aku oia nolalo o ka hale holoi, a he manawa maikai loa ikeia ana e haawi aku ai i kela pahu pua ia Akeneki i ike hookahi aku ai no oia i na loli ano e ma ko Akeneki helehelena i ka wa e ike mai ai i keia mau pua rose ame ka leka. Ua hoopuupuu wale o Akeneki i ka uluna a kiekie i hiki ai iaia ke noho»pono iluna, oiai ua hele oia a opili i ka moe mau ilalo, a ia ike ana mai o Akeneki ia Mrs. Reminakona ua hoomaka mai la oia e kamailio: "Ua noho maoli ae nei au iluna, a ke manao nei au, aole he lo ; ln loa o ka manawa i koe e hiki maoli ana ia'u ke hele/a ke hoomaania ī ke nei hoi au i ka noho ana iluna." Ua noho iho la no o Mrs. Reminakona ma ka aoao o Akeneki, a ke paa pu-la no hoi i ka pahu a Hakawela i haawi aku ai iaia, a i aku la i ua kaikamahine la: "I lawe mai la au i keia makana nau m.m ia Hakawela mai nei, a aole e kala loa i manaoia ai e hoea aku kna mea imua ou, aka hoi mamuli o ke kuhihewa i hanaia e kekahi o in kaikamiahine kauwa, pela i hooneleia ai oe a hiki mai i keia manawa. nolaila aole anei oe e lawe aku i kana makana?" Ua waiho mai la o Mrs. Reminakona i ua pahu nei iluna o ka moe a o kona puka koke aku la no ia hele no kekahi rumi okoa aku. i loaa ai he manawa na Akeneki e wehe ai a nana i ka ukana olok () < > ua pahu nei o ia hookahi wale iho no. Ua puapuai mai la ka ula ohelohelo ma na papalina o Akeiu ki no ka lohe ana mai i ka inoa o Hakawela, eia nae ke noho pouliuli !a no oia me ka maopopo ole i ka ukana oloko o kela pahu, aka i ka hala ana aku nae o Mrs. Reminakona, ua lalau aku la oia i ua palm nei a wehe malie ae la i ke pani, a ike iho la oia, o na pua rose no i kulike loa me kana o ka ike ana ia Lora e paa ana ma kela manawa a ua kaikamahine la i komo aku ai iloko o kona rumi. Ua aneane loa ua o Akeneki e maule hou iho mamuli o ka ike ana iho i kela mau pua rose, o ; ai ua hoala houia mai kona mau luftmanao ana no na haawina hoehaeha i loaa aku iaia ma kela po i nialamaia ai o ka hoolaulea, aka mamuli hoi o na olelo hoolana a Mrs. Reminakona o ke kamailio ana aku iaia, mamuli o ke kuhihewa o kikahi o na kauwa ke kumu o ka loaa mua ole ana aku o ua mau rose la iaia, akahi no a mohala maikai mai kona helehelena, a lawe mai la i ua mau pua rose la mailoko mai o ka pahu, a ia manawa nae i ike iho ai oia i ka waiho ae o kekahi leka iwaena o na lau uliuli i hookomoia iloko o ka pahu, a hoomaka iho !a o:a e lalau i ua )eka la ( a heluhelu iho la: "E kuu aloha:—Ua haulehia au i ke aloha nou, a ua manao an, ua hoomaopopo paha oe ia mea mamua o ka loaa ana aku o keia leka ia oe. Ua manao mua no hoi au e hoike aku i keia mea ia oe, aka ua paleia mai nae e -hilahila, aka ina nae ua kulike ka pana ana ako kaua mau puuwai, alaila e oluolu oe e kau mai i keia pua ma k-Ha ahiahi i hoike no kou haawi ana mai i kou aloha ia'ii a e hele mai hoi oe e hui pu me a'u mahope o ke keena heluhelu buke ma ka lioia ewalu o keia ahiahi. He mea pono e lohe au i kekahi mau olelo hoolana mai ia oe mai maniua o ka hiki ana mai o na malihini. "Kau Hakawela aloha." "Okatoba 30, 18..." 1 ka pau ana o ka Akeneki heluhelu ana i kela leka, me he mea la ua pouli pu kona noonoo i kela manawa, no ka mea ua hiki mai keia nuhou iloko o ka manawa ana i moeuhane mua ole ai. C) kela mau pua no ana i ike ai iloko o ka lima o Lora, kela pahu 110, ame na huaolelo no apau i kakauia maloko o kela* leka a Lora i hoikeike mai ai iaia, me ka hoopunipuni pu ana aku e mare mai ana o Hakawela me ia, aka akahi no nae oia a ike no ka manawa mua loa, ua kaa aku ka kela mau mea ia Lora ma ke ano kuhihewa. Akahi no a hoi pono mai kona mau manao maikai, holo ae la ke koko ma kona mau aakoko, lelele mai la kona oili me ka hauoli, nu* he mea la ua komo aku ke ola hou iloko ona, a no ka mea akahi no oia a maopopo ua lilo ka oia i pulakaumaka a i hiwahiwa na Hakawela, ka maka bipi bulu hoi ana e li'a aku ana- e Hlo mai nana. Ke ake loa la oia e loaa koke iaia ka oluolu, no ka mea aole lie mau ke'ake'a nana e aīai mai i kona hoea ana aku i ka pahu liopu hope o kana moeuhane i li'a mau ai i ke āo'ame ka po- a mihi ilio la oia i kona heluhelu ole ana i kela leka a Hakawela o ka hoouna ana aku iaia e noho ana maloko o ka rumi a ma ke ka'e hoi o ka ni«»e make o kona makuahine, ina no hdi ua ike mua oia i keia mau mea, aka pehea hoi e hiki ai ke heluhelu iho, i ka,wa e haale ana o ka inaina i keia kanaka ana o ke kuhihewa loa ana ua hana aku iaia > kekahi o na hana pulapu 0 ke ano ino loa. Ua hele o Akeneki i kela manawa a piha me na manao lehuleiiu e nalu la iloko iho ona, no kana hana pono e hana aku ai ia Hakawela, oiai ua ioaa pu iho la iaia ka ike, aole oia hookahi ka i auamo i na haawina hoehaeha e like me kana i manao kuhihewa ai, aka o Hakawela kekahi i loaa pu aku o ia haawina, a me ia mau manao iloko ona, ua lalau iho la oia i na pua a Hakawela o ka hoouna ana mai iaia, a hoopili ae la ma kona mau lehelehe a puana ae la i keia mau huaoleM: "Ke honi nei au i ko pua rose e Hakawela, me he mea la o "C maoli no ka'u e honi nei," alaila ua hina aku la oia iluna o kona walii moe, a īloko no hoi o kela manawa i komo koke mai ai o Mrs. Rv> minakona a ike mai la i ka moe aku o Akeneki, ka mea nana i ho<>komo aku i ka hopohopo iloko ona, malia paha ua lilo kela mau a Hakawela o ka hoouna ana mai i mea e hooi loaia aku ai ke kulaiia ma'i o Akeneki. j Ua awiwi loa mai la o Mrs. Reminakona a pili ana ma ka aoa<-> 0 ka moe o Akeneki, aka ua hoopiha loaia aku oia i ka hauoli i kona ike ana aku i na pua rose a kana keiki e kau mai ana i ka ihu o Akeneki; a hoomanao ae la keia, he maule aloha keia o Akeneki no kana keiki, alaila ua kulou iho Ia oia a honi iho la ma ka papalina o A.' neki a i iho la: "E kuu Akeneki aloha, ua hoowahawaha anei oe i ka makana * •Hakawela i hoouna mai nei ia oe?" Ua kaakaa ae la na maka o Akeneki, me he mea la aia oia i!oko oka aina oka moeuhane, a i mai la: "Pehea hoi e hiki ai ia'u ke ole ae, no ka mea akahi no au a lohe mai iaia mai, e hoike mai ana ua hanaia he kuhihewa, a'u nae e pohihihi loa nei a hiki no i keia manawa." "In(a pela ea, na'u e hoakaka aku ia oe i na mea apau i han.i :a> a e ike mai ana no oe, aole loa i hana aku o Hakawela i kekahi '^; l e hoehaeha aku ana i kou puuwai, koe wale no ke kuhihewa i hanaia e kekahi o ka'u mau kauwa," a o ka hoomaka aku la no ia 0 Reminakona e haha'i i na mea i hana ia e like me ka ka poe heluheni 1 ike ai ma na mokuna mamua i hala ae nei o keia moolelo. 1 Aole i Pau.