Ka Nupepa Kuokoa, Volume XLIII, Number 51, 18 December 1908 — NA WEHEWEHE MANA ILOKO O KA PAIO. [ARTICLE]

NA WEHEWEHE MANA ILOKO O KA PAIO.

Ma ka Poaha i hala, oiai e paio ana o Watson ame Thayer imua o ka Aha no ka pono o ka Meia i kohoia J. J. Fern, ua waiho aku laua., na loio ma ka aoao o ka mea pane i kekahi noi kumu e kapae loaia inai .ka palapala hoopii aku na olelo ike i hoohikiia a nak kanaka elima mai ka mahele elua māi o ka Apana Elima, oiai ua koho lakou no John C. Lane. O ke kahua i laweia mai ai kela noi mamuli no ia o ka ike o na loio aohe o lakou wahi e komo mai ai iloko o ka moolelo o kekahi noosii e ljke me keia, a ma ia ano aole e hiiki ia lakou ke laweia mai ma ke ano he mau hoike. He noi kumu keia i laweia mai imua o ka Aha Kiekie ma ka hora. umi o ke kakahiaka Poalima aku nei oiai e noho ana o Lunakanawai De Bolt i kahu no ka aha ma kahi o Lunakanawai Ballou i hala aku i na aina e. O ke noi kumu e hookaawaleia I manawa maopopo no ka hoolohe ana i ka hoohalahala, e laweia mai ana ia manawa hookahi, a me he mea la o ka weliewehe manao ana maluna 'o Ka hoohaiahala e lawe puia mai ana i kela la. , 0 ka hoohalahala a ka mea ī hoopiiia no ka paio kulana Meia ua hooloheia ae imua o lia Aha Kiekie e noho kahuia ana e Lunakanawai De Bolt ma kahi o Lunakanawai Ballou i hala aku no na aina e. Ma ka manawa i laweia mai ai ka hihja ua waiho aku ka aha i kekalii rula i pili i na paio koho baloka a pau a iloko o ka manawa e hooloheia ana ua "waiho houia aku he rula. hou i kupono i kela hihia. E ikeia keia mau rula e like me ia m'alalo iho nei: U E hanaia no kekahi rula eka aha o ia hoi ma na hool|alahala koho baloka e hookaawale no ka aha i manawa e hoolohe ai i ka hihia ihaihuli o ka waiho ana mai a i hoopiiia i kana hoohalahala, noi a jpane paha, a e kaawale loa oia ma na maiiawa apau mamua o ka hiki ana mai b ka la i hookaawaleia no ka hoolohe anaj aohe pane hou ana mai, a i ole, pakui hou ana mai paha iloko o kana hoohalahala e aeia aku. kauohaia mamuli o ke noi kumu a ka aha o na olelo ike i hoohikiia a ka mea hoopii e kapaeia mai ka palapala hoopii ae, a pela no hoi me ke noi kumu a ka mea i hoopiiia e kapae ia ae a o ka hookaulua ana a ka mea hoopii i ka hoohalahala ame ke noi kumu no ka hooloheia ana o ka hihia. O E. M. Watson ame Thayer na loio 0 J. J. Pern, a o Geo. A. Davis ame A. G. M. Eobertson na loio o na mea noi Kulike ame kekahi poe e ae. O kekahi o na kumu koikoi i komohia ae iloko o ka hoohalahala oia no ka pauku kanawai e hoakaka ana na kekahi poe kupono i ke koho baloka he kanakolu ''maloko o kekahi apana koho haloka" e lawe mai i kekahi hoolialahala, oia hoi, heaha la ka manao o na huaolelo "kela ame keia apana koho baloka." 0 ka waiwai nui o ka ninau aia ia iloko o ka poe noi he kanakolu he umi-kumamalua mai ka Apana koho Lunamakaainana Eha mai a he iwakalua-kumamaha mai ka Apana Elima mai, a o ka helu hou e noiia nei mai kekahi mau mahele koho mai ia, hookahi mahele mai ka Apana Eha mai a o ka hapanui mai ka Apana Elima mai, aole hoi kela poe noi he kanakolu mai ka Apana koho Lunamakaainana hookalii mai, a i ole mai ka mahele koho hookahi mai. Ma ka hoakaka a Mr. Davis o ke Kalana ame ke Kulanakauhale ua apoia ia e ka Apana koho Senatoa oia ka apana i manaoia ma ke kanawai ma keia liihia. 0 kekahi noi kumu, ma ka palapala hoopii he 2188 wale no baloka ku i ke kanawai i hookomoia no Lane, oiai nae nm ka hoike helu baloka 2220 1 hookomoia no Eern. Ua laweia ka hihia ma ke kukala ana. Ma ke kakahiaka Poaono aku nei i lawe ia ae ai ka hihia paio Lunahooia o Kauai.