Ka Nupepa Kuokoa, Volume XLIII, Number 51, 18 December 1908 — HAINA NANE. [ARTICLE]

HAINA NANE.

Mr. Lunahooponopono, Aloha oe: —E oluolu oe e hookomo iho i keia .wahi haina nane o ka nane a Makanikeoe i hoopukaia ma ka la 4 o Dekemaba, M. H. 1908 nona ke poomanao He Manu e he manu. Aole kēna la he manu 0 Kanelonoopuakau kena la Ke puolo mai la ka wai ■ I ka maka o ka Opua Ka aina ia la papapae leaua Kuu wahi manu e hai mai ana i ka inoa o kekahi aina Heaha ka inoa o kiiu wahi manul Eia- mai ka inoa o kahi manu a kaua i pili i ka'u apahu Lehua a 'oia keia: He Elepaio ka inoa. Penei e maopopo ai.i ke au kaluko 0 Hawaii nei e noho ana i ke au poeleele ia Waawaaikinaaupo ame Waawaaikinaauao a i hooliloia i aumakua no ka poe kalaiwaa, a oial he maa mju na kahuna kalaiwaa i keia wahi manu ma ka lakou oihana, nolaila, ma- ! mua o ka makemalee ana o na kahyna e' oki i ke kuinulaau koa, ia wa i īke ia aku ai e ka poe kahuna lealaiwaa ua wahi manu Elepaio nei e holohoio ana maluna o ka laau koa i makemake ia ai e oki, oiai he manu akamai keia 1 j ka nana ana i ka laau maikai ame ka laau inoino. . T kona ike ana he ino keia kumulaau koa alaila o kona wa no ia i kikokiko ai j ke kumu o ka laau ua maopopo i na poe kahuna he ino ka laau mamuli o na hana a kahi manu Elepaio. . Na keia wahi manji ke kani kupaianaha, a penei: I kona wa e kani wikiwiki ai kona leo e puka ana keia leo Waiaha ka wi o Waiaha ka aina. Aia

keia aina ma Kailua, Hawaii, ina hoi e kani lohi ka leo, a eia ke kani ana, Elepaio, Elepaio, lie inoa ia no kekalii kal 0 o kona lau he kikokiko loa no ia, e loaa no ia ma Kona Kai Opua i ka lai., Kuu wahi manu i hea i ka inoa o kekahi aina. Heaha ka inoa 0 kuu wahi manu ? Haina, Elepaio ka manu a o ka aina ana i hea ai o Waiaha. 0 na hemahema ame na kinaunau o keia haina e kala niai. Aole panana o leeia waa e holo nei, maluna o ka ili laumania o ka moana akea o ka naauao. Owau no me ka haaliaa, D. B. K. AEKAI O KA HEMA. Kewalo Lumber Yard.

He panana no hoi ha ko ko wahi waa e ka Aekai. 0 ka Hema, ua hoea pono aku la i Kailua Paka Ona. O ka manu io. ia, a o ka aina io no ia aia no i Kona; lie walii aumakua Elepaio no paha kou i pololei mai la ka hahai ana i kona inoa ame ka aina. Kii ia aku ko makana Karisimaka ia Makanikeoe. —L. H.