Ka Nupepa Kuokoa, Volume XLIII, Number 51, 18 December 1908 — HE HOOMAIKAI. [ARTICLE]

HE HOOMAIKAI.

Mr. Lunahooponopono, Aloha oe: —E oluolu mai oe ame ka lei milimili a ka lehulehu ka Hiwahiwa a Ka lahni, e hookomo iho ma kahi kaawale 0 ke kino lahilalii o ka Hiwahiwa i kela mau hua e kau moakaka ae la maluna oia hoi ka'u mau Hoomaikai i kuu kaikunane ia Mr. Kahanu o Paineki i kona hooko pono ana i kana i hoolaha ai ma kou kino o ka la 2 o Okatoba, 1908, no kana nane. \ Ua olelo oia o ka mea nana e pane pololei ka haina o ka nane ana, ina i ka Hui Uniona ekolu mahina lawe wale ika Nupepa, ina hoi lie makuahine no ka home e pa'ikii ia no oia, nona ka waiwai he $1.50, lie mea oiaio, ua hooko pono ia na mea apau me ka pololei .oiai ua loaa pololei ka haina i ka makuahine 0 ka home, a ma keia ke liaawi aku nei au i ko'u mau Hoomaikai palena ole i kuu kaikunane i kona hooko pololei ana i kana mea i hoolaha ai, a ke kalokalo ae nei au i ka Mana Kahikolu e hoopili mau aku na pomaikai ame na ulakolako he nui, o ka nohona kino ana ma keia ao, Amene. Me ke aloha i ka Lunahooponopono ame na keiki lawepoahi 0 na hua metala o ka papa pa'i ko'u welina pau ole. KILOKILO WAHINE O KA AINA O KALADEA. Helu 622 Alanui Marmion.