Ka Nupepa Kuokoa, Volume XLIII, Number 52, 25 December 1908 — KA MAKAIKIU NIKOLASA KATA KA WELI O NA POWA [ARTICLE]

KA MAKAIKIU NIKOLASA KATA

KA WELI O NA POWA

MOKUNA XXIII. • • "He lokowai hoopiha maoli ia kela," wahi a Eakoma. "Heaha kou manao," wahi a Pktse. "Eia ko'u manao, aohe lokowai ma kela wahi mamua." "Alaila na Dekona i hoopiha kela wahi a lilo i lokowai?" "Aole, ua hana muaia kela lokowai mamua aku o kona hiki ana mai a noho i keia wahi." Ma ke kamailio ana ae no kela lokowai," wahi a Patse, "pehea ka -loihi o ko Dekona noho ana ma keia wahi?" "Aneane paha e piha ka makahiki, pela ko'u koho." "E wehewehe iki mai oe i kekahi mea e pili ana i kela lokowai." "A eia, ke ike la no anei oe i kela laina loihi e holo la me he laau i-a ana lole la a hiki iluna o ke kuahiwi ma kela aoao o ka loko?" "Ae, me he mea la he hawai hooholo laau kela." ''Ae, he hawai io no. Eia hoi paha ke kapaia nei e na kanaka oonei he ku hooholo wahine." *'A heaha ka hana a' kela hawai?" wahi a Patse/ "Manao au aole paha oe i mahu'i iki no ka maina lua keleawe o Veremona nei?" wahi a Bakoma i ninau mai ai. "Aohe au i lohe iki," wahi a Patse. "O ka'u mea i lbhe he lua hao ma kekahi wahi o keia mokuaina, aole au i lohe no kekahi i wahi eli keleawe." "Aohe nui.o ke keleawe, aka nae, aneane he kanaha makahiki i liala ae nei, ua manao kekahi poe he nui loa ke keleawe maanei e kali mai ana no ka eliia aku e kekahi poe." "A oia ko lakou kumu i eli ai i kela kuahiwi?" "Ae, nui na dala i kiolaia ma kela hana a me he mea la o na aoao apau o kela mauna ua hakahaka i ka eliia." "A pehea aole ka i loaa.nui ia lakou ke keleawe e hoi mai ai o ko lakou mau lilo?" "He mea kaumaha ke olelo ae aohe pomaikai nui i loaa aku ia lakou. Nui ke poho oka poe na lakou Mioohana i kela hana. Hookahi wale no poe i hoopomaikai nuiia ma kela hana ana oia ka poe limahana." "A pehea, aohe i loaa ke keleawe ia lakou?" "Ua loaa no, aole nae i ka nui e hiki ai e hoihoi mai i na hoolilo. "E kamailio hou kaua no kela lokowai; o kekahi kela o na mikini i hoohanaia i mea e lawe mai ai i ke keleawe o ke kuahiwi i kai nei. Ma ka nana aku me he mea la he nui maoli ke keleawe iloko o kela "kuahiwi, a i.ka eliia ana nae, aohe nui o ka mea i loaa aku." "He kuahiwi ano piiku maoli no keia, a mai ke alahao kokoke loa mai a hiki' i kela kuahiwi aneane he ewalu mile ka mamao." € "Manao au ke maopopo aku la ia'u," wahi a Patse. "Aohe o lakou makemake e hoomoe i alanui alahao a hiki i ke kuihiwi nei, a 1 mea e maalahi ai ka lawe ana i ke keleawe i kai nei, pela paha i hanaia ai kela hawai i mea nana e lawe mai i ke keleawe no ke ake «ui e hiki koke i kahi hoohee keleawe." "Oia maoli ka manao e like me kau i hoakaka mai la," wahi a JBakoma. "He mile wale no'a oi ka loihi oka hawai a hiki ike kuahiwi, a mahai o kela hawai he kahawai e kahe mau aiia a mailaila mai ka wai e loaa ai i kela hawai.. M'amuli o ka iho k'u loa o kela liawai e ike aku no hoi oe la aohe nui loa o ka e hookahe ia mai si no ka lawe ana mai i kekahi ukana kaumalia i kai nei." * "Ae, ke ike aku la hoi au," wahi a Patse. "A nolaila oia ke kumu i kapili ai lakou i kela hawai aneane e piha hookahi mile ka-loihi a hookio iloko o kela halua i .wahi e lana ai alaila hiki ke ohi i ke keleawe." "I hana lakou ikela lokowai i wahi no ka waapa e lana ai i ka wa € piha ai i ke keleawe i ka wa e iho pu mai ai me ka wai, ea?" "Pehea e hiki hou ai ko lakou waapa iuka?" wahi a Patse. - "O, he hana maalahi loa ia. Ikawa no hoi e pau ai oke keleawe i ka lu i kai nei, alaila huki hou no hoi iuka ma kekahi kaula loihi i hoopaaia i kekahi mikini a na ka mikini e huki .hou iuka." "He hana nui maoli no ka hoi kela." •'Ae, aohe nae au i ike i ka hoohanaia ana o kela mikini, no ka mea, ua pau e ka hana ana o kela maina oiai au he wahi keiki uuku wale no i kela manawa, aka nae, o ka'u mea i lohe mai i ka wa e iho mai ai kela mau waapa i piha i ke keleawe a pa i ka iliwai ua holo paT<ika aku la laua maluna o ka ili o ka wai a aole e pau ko lāua. liolo ana a pae i kela aoao, kahi e ku mai ana o ke kapuahi hoohee keleawe." n \ "A auhea kela kapuahi hoohee keleawe a lakou i han a ai? "Ua pau i ka wawahiia he mau makahiki loihi mamua aku nei, j a o na laau o kela mau hale i wawahiia ai ua paa he ekolu mau hale nunui i kai o Berafoda ma kela huli ma o. "Ma kela kiekiena aku la e ike aku ai oe i ka hale o Mr. Dekona," wahi a Eakoma, me ke kuhi ana aku me kana -huipa. "O kaupaku wale no nae kau e ike aku o ka hale " "Aohe no paha he manao loa o kona hale mai ka maina keleawe ae?" "Aia ma kahi kokoke loa malaila," wahi a Eakoma. 'O ka mea oiaio i kukuluia ai kela hale malaila no ka luna nui o ka mama e noho ai i kokoke aku ia i ka lua maina keleawe ,a oia no hoi kekahi o na Ona o ka maina. Ua hoo mahuahua houia nae kela hale e Dekona, aka nae, he hale nani mua no kela i kukuluia, ai." I kekahi mau minute pokole mahope iho kuhikuhi aku la o Bakoma i ka lua maina e waiho mai ana mawaena o laua ame ka hale o t)ekona. ;■ . Aohe no i laula loa ke kahuahale, a he lnki loa ke īkeia aku mamuli o ka pa pohaku e hoopuni ana i ke kahua. I kela manawa hiki aku la laua i ka pukapa a Bakoma i kamaiho mua aku ai ia Patse. Ua paa io no ka phkapa ika lakaia e like rfie ka Bakoma i hoike mua aku ai ia Patse, a i ko laua nana aku ia loko o ka pa a ma na wahi apau e hoopuni ana i ka hale, me he mea la aohe fnea ola maloko ho ka maaloalo ole mai o kekahi mea. "Aole kaua e ku maanei o noonoo ia mai e h.akilo ana kaua ī keia wahi," wahi a Patse; "e hoomau aku no kaua i ka hde ana a hoi loa aku no Berafoda." . "Pololei kela," wahi a Bakoma, "pehea kau nana aku 1 keia wahi maikai paha ea?" Aohe pane a Patse. * . "Aohe pilikia o kela pukapa," wahi ana i pane aku ai, he mau minute mahope ilio; "heaha ka mea keakea i kekahi kanaka mai ke komo ana i ka hale ina e makemake ana oia e hele ma ke alanui mahope, kahi e hiki aku ai j ka lua m'aina? ' "Aohe mea nana e keakea," wahi a Bakoma, "aohe nae he maa o na kanaka i ke komo mai ma kela alanm a hiki 1 ka hale. "A pehea, aole anei kekahi mea i hoohuoi 1 ko Dekona noho ana ma keia wahi?" .... • u i "O ko'u lohe," wahi a Bakoma, "i kekahi manawa i hala hope ae nei, he elua mau kanaka opiopio i maalo mai ma kela wahi me -a manao e hakilo iko Dekona noho ana. Ma kela alanui mai mahope i laua i komo mai ai me ka manao e komo mai e likemekauemanao | la. He ahiahi kela manawa a ma ko'u lohe ua k.pakuia laua mai | kela \vahi aku e Dekona a e kekahi mea e ae paha me ka pu. "O ko laua oki loa no hoi ia?"

"Ae, pela ka oleloia mai ia'u. A ke manao nei au aohe no he ka-1 naka mahōpe mai i hoao iki e komo hou iloko o kela wahi." Ua nui ka hauoli o ko Patse noonoo i kona ikemaka ana i kela wahi o Dekona ana i manao wale ai malaila ka heana o ka poe | powa. "He pono ia'u ke komo iloko o kela wahi," wahi ana i nalu iho ai, "ma kekahi ano e hiki ana no ka mea, aohe e loaa ana ka ike ma ke kamailio maoli ana aku i kela kanaka ke halawai aku me ia i ke kaona. "Manao au e hoouna au i kekahi leka apuhi iaia, oiai nae ke manao pu nei no au e ike mua ana no paha kela ia mea; ina au e hoao e hoouna leka aku iaia o kela ano; o ka pono loa paha e kali iki au malia o loaa ae kekahi haawina pomaikai ke halawai aku au me ia i ka hora elima o keia ahiahi." Ma kela huli hoi ana o laua ua hiki aku la laua i kai i ka manawa kupono loa, me ka loaa ole o kekahi mau ulia poino, a ma ka hora elima ponoi noho iho la oi.a ma ka lanai e kali ana no kana kanaka. MOKUNA XXIV I ka hiki pono ana ae i ka hora elima ua hiki io mai la o Dekona e like me kana i olelo mai ai. "E ke kanaka opio," wahi ana," heaha ka mea hou?" "Ke kauma'ha nei au i ka hoike aku ia oe," wahi a Patse, "aohe i loaa ia'u kekahi kanaka maloko o keia hokele i kamaaina ia Nikolasa Kata, a e like no hoi me ka'u i kamailio ,mua aku ai ia oe i keia kakahiaka, o ke kanaka nana au i kamailio mai i kela mea hou, ua hoi." "Ua pau ae la no kela, e Mr. " "Dikekona," wahi a Pat§e. "Ua pau ae la no kela, e~Mr. Dikekona, ke kaumaha nei au no ko'u hoounauna ana aku ia oe e huli ia kanaka no'u me ka hoouluhua ana aku ia oe no ia mea, a nolaila he mea pono ia'u e hoohauoli aku ia oe i keia ahiahi. Noonei no oe?" "Aohe," wahi a Patse; he mau wahi la pokole wale ae nei no ko'u ianei." * "A pehea, he manao no anei kou e noho loihi loa maanei?" "Ke mau mai hoi palia ka hana, alaila manao ko'u pono o ka hoonoho loihi ana iho." "Aole keia he wahi kupono no kekahi kanaka naauao opiopio e like me oe, e Mr. Dikekona. "Malia he pololei kau, aka e nana mai no hoi oe, aohe maa mau o ka loaa o ka hana i kekahi kanaka e like me kana e makemake ai." "Pela no ko'u manao. Ke manao nei nae au he hiki no ia'u- ke kokua aku ia' oe ma kekahi ano." "Hauoli loa au ke loaa mai ia hana," wahi a Patse. "Pela no ka paa o ko'u manao. Pehea la kou manao" e pii. kaua iuka i ko'u hale a malaila ko kaua aina ahiahi. He malihini oe ma keia wahi a ia kaua e holo'aku ai e ike aku ana oe ia uka o kela wahi nani, lioni aku i na ea huihui o ke kuahiwi, a he mea kokua nui loa mai ia i kou ola ki'no." Ua like loa no keia olelo mali a Mr. Dekona ia P?itse me ka ka Nananana i olelo aku ai i ka Nalo, "E 'oluolu anei oe e komo ae iloko o ko'u rumi hookipa? He nui na mea nani maloko olaila, a ina oe e kipa iki ae ana la e ike ana no oe nou iho. Oia kekahi wahi nani loa au i ike ole ai mamua." I ka puni ana o ka nalo, komo koke aku la oia iloko o ka rumi a 0 kona hopena ua pau ia i ka amuia e ka Nananana, aneane no e like loa keia me ia moolelo. •"A oiai hoi o ko Mr. Fela la hana nui loa keia he pai nupepa, nolaila manao au aole paha ana ha.na nui nau?" wahi a Mr. Dekona. "Aole paha e hiki ia'u ke pii pu me oe i keia ahiahi," wahi a Patse manao au a ka la apopo noonoo aku ko'u pii pu me oe iuka." "A pehea, ina no hoi kaua e.hele i ka holoholo kaa, a ina 110 hoi no kou hauoli loa e liala aku ana kaua i ko'u hale a malaila ko kaua paina ahiahi?" Ikaika no ke koi a ke alii o na powal "E hele 10 paha kaua i ka holoholo kaa," wahi a Patse. Ahaha! ke aneane aku la ka Nalo e komo i ka upena punawelewele a ka Nananana! "Aohe palia ana iho malaila; hele mai ina he makemake oe." Ua hauoli loa o Patse no kona hoi ikaika ia ana aku e pii pu me Dekona oiai nae, aia no iloko ona ka manao e hunakele loa i kana mikiona a o kona hauoli nae 110 kona konoia ana oia kana e hoopalaimaka aku nei imua o kona enemi. He lehulehu na kanaka e kuku mai ana ma kahi kokoke aku ia laua a no ia kumu ua hooliilii loa iho la o Dekona i kana kamailio ana i lohe ole mai ai lakou. . \ "Hookahi a'u mea e ha'i aku ia oe, e Mr. Oekona,"* wahi ana, me ka leo kuoo; "aohe maa.mau 0 ke konoia o kekahi poe i ko'u hale, a ia oe wale no au i makemake ai e kono aku, mamuli o ko'u ike aku i kou ano keonimana malihini." ' "Pela wau e hoomaopopo aku la," wahi a Patse. "A o ka mea oiaio no e hoike mua aku no au ia oe, he malihini -oe ia Berafoda nei." Aohe a Patse paneno kana olelo malimali, aka akaaka wale aku la no me kekahi minoaka hoopalaimaka. O loko o Patse i kela manawa ua hele a hakipue ka manawa. "E hoomaopopo. mai oe i keia, ao'he o'u makemake e hoolauna me na kanaka o Berafoda nei a e hookamaaina aku ia lakou a lilo niai 1 mau hoiilauna; he poe maikai no lakou, aka o na kanaka opiopio e like me oe ka'u hilinai loa." "Alaila," wahi a Patse, "hauoli loa au i ko'u lilo ole ana i kupa no keia wahi." ( Mamua ae nei, ua kamailio aku o Dekona ia Patse, e hele koke laua, a eia nae nana ka houlolohi, a aku no nae o Patse aia kekahi mea ano e iloko o kona noonoo kahi i nu ai. A- i ka Patse nana aku me he mea la ua hoomanao ae paha o Dekona i kekahi mea, a me ka emoole, pane koke mai la oia ia Patse: "E kala mai ka oe ia'u no kekahi minute, he mau leka ka kekahi a'u e hoouna aku ana; ua poina loaia au S ka lawe aku nei i ka haleleka." Nanao iho la oia iloko o kona mau pakeke a unuhi ae la i kekahi pu-a leka a pane mai la: "E kali iki iho oe m/aanei; a hoi koke mai no au." Holo awiwi aku la oia maluna o ka lanai, a iaia i iho aku ai i ke alapii haule kekahi o kana mau leka e paa ana mai kona lima iho. "Aole oia i ike i ka haule ana, a i kona haule pono ana aku ilalo 0 ke alanui helewawae hoomaka aku la oia e holo i kumu e hiki koke aku ai i ka haleleka. I ko Patse wa i ike aku ai i ka haule ana iho o ka leka, aole oia 1 kahea aku ia Dekona, aka, holo aku la oia a loaa ka leka a huna iho la iloko o kōna poli me ka ike oleia mai. Mamua 0 kona hookomo ana iho i ka pakeke, alawa mua iho la oia i ka inoa mawaho, a me ka hikilele loa, ike iho la oia i ka inoa o Kata, ua makaukau loa e hoouna ia aku ka leka, a koe wale no aohe i sila ia a aohe no i kapili ia i ke pooleka. "E, he haawina laki maoli ka s hoi keia," wahi a ka makaikiu i nalu iho ai. "He oiaio anei ua kuhihewa au ma ke koho ana i keia kanaka he enemi no Kata?" Lolelole mua ae la oia i ka leka me ka manao ikaika iloko ona e wehe a e heluhelu iho i ka manao oloko. "E ku-e mau ana au ia'u iho e like me ka loihi s o ko'u ola ana ke ike au i kekahi mea maloko nei e hoopoino aku ana ia Kata, a hana ole au i kekahi hana e hoopakele ae ai iaia." Nana aku la oia i kai a ike aku la ia Dekona e holo ana no me ka manao e hiki koke aku i ka haleleka. "lie mea kupaianaha eia iloko o keia leka pela ko'u manao," wahi ana i nalu iho ai. "Ina au e Wehe ana e heluhelu he pono ia'u ke heluhelu awiwi i pau pono ia'u ka mamua o kona hoi ana mai/' No kekahi sekona kona paa ana i ka leka me kā~ manao kanalua

iloko ona no ka wehe, oiai hoi kona mau linia e naka ana nie ka haalulu. "Manao au e kala mai ana no o Kata ia'u," wahi ana i nalu iho ai me ka holopono ole nae, "ina au e wehe ana a heluhelu, aka nae ma ke koho iho he leka apuhi keia iaia i kuniii nona e make ai." Holo aku ia oia a ma kekahi kihi, wehe awiwi ae la i Ica leka a heluhelu ka holo iho la, a penei na manao oloko: Berefoda, Vt., Augate 17. 1895. "E Mr. Kata, Aloha oe: —Kaumaha au no ko'u iohe ana mai i kou ma'i aka : nae, ua hauoli au ia manawa hookahi no i ko'u lohd ana e hiki mai ana oe i Berafoda nei i kekahi manawa kokoke loa. "E oluolu anei oe e lilo i malihini na'u? E hoike koke mai oe i hiki ai ia'u ke hoomakaukau aku i kekahi mau meaai kupono nau. "Ua hauoli nui au i ko'u ike ana i ka hana i lawelaweia e kekahi 0 kona mau kokua, oiai eia maanei e hana nei ma ke ano he mau mea hanu mea hou no koonei nupepa. Aole au i ike i ke kumu o kona hiki ana mai ia nei, aohe no o'u makemake e ike ia mea. Me ke kanalua ole ke hana nei oia e like me ke kupono ana i manao ai, no ka mea, o ke kanaka e like me oe ke ano, aole ou makemake e i kekahi kanaka hana kapulu. "Ua hoomaopopo koke au iaia, a eia nae, i ko'u nana aku me he mea la aole oia i hoomaopopo mai ia'u. Manao au e haawi aku iaia 1 kekahi wahi paani lealea, a e hoike pu aku iaia i ko'u manao maikai nona ia manawa hookahi, no kou pono, nolaila, ua kono aku nei iaia e hoohala i keia ahiahi me a'u ma ko'u hale, a'u i manaolana ai malaila kaua e noho ai no ka hoolana ana i kou ma'i no kekahi t:ianawa loihi. "E oluolu anei ia Mrs. Kata e holo pu mai me oe? E hoolana i kou manao, e ,ka elemakule, e loaa ana 110 ia oe kekahi mau la loihi maluna o keia ilihonua. , Kou hoaloha mau loa, "Motimara Dekon^" Hookomo hou iho la o Patse i ka leka iloko o ka wa-hi a holo mama aku la i ka haleleka. . ' "Manao au ua haule keia leka au," >vahi ana i kona manawa i hui aku ai me Dekona. "Nau paha keia leka, aole anei?" a haawi aka J la oia i ka wa-hi leka. "Auwe! ae," wahi a Dekona, me ka helehelena kaumaha e pahola ana ma kona mau maka. "Pehea-i maopopo ai ia oe na'u keia leka? Mahalo nui maoli au ia oe 110 kou hoihoi hou ana mai la, ina aole e Inaopopo-ia'u ua haule." Nana iho la oia me ke akahele loa a pane mai la "He hana hemahema maoli no keia a'u i hana ai; aole au i sila i keia leka aohe no hoi i kau i pooleka." Sila koke iho la oia i ka leka a kau iho la i pooleka a hookomo koke aku la i ka pahu leka. "A oia," wahi ana, "i keia manawa e hoomakaukau kaua no ka pii ana i ka mauna." Oiai laua ma ke alaliele he nui ka Dekona hoakaka i ke ano o ka noho ana o na kanaka ma kela wahi ame ke ano o ka waiho ana o ka aina, me he mea la aohe i ike mua o Patse i kela wahi, me ke kuhikuhi ana i na wahi ano nui 0 ka aina e like no hoi me ka Bakoma kuhikuhi ana. He liilii loa ka Patse mau wahi olelo, no ka mea, aole oia e UAna ana me ke akahele wale no no ka hana nui ana i hiki aku ai i Berafoda, . \aka o kekahi kumu he kanalua nui kona no kela leka a Dekona ia Kata. "He hana lokoino maoli kela na'u," wahi ana i nalu iho ai, "ina e hooia mai ana oia aohe o'u kuleana e wehe ai i kela leka, a eia no hoi kekahi aole au i ike pehea la ati i kuhihewa ai. Ma kekahi ano eia o Dekona ke imihala nei ia'u. "Ina he kanaka epa keia, alaila e hoomau aku ana au i keia hana, a ina aole. alaila e noi aku.ana au ia Kata e kala mai ia'u." Ua ike no o Patse ina o ka leka i hoounaia ai ia Kata a o kona manao maoli no ia nana e heluhelu iho, alaila, o ko Dekona manao maoli no mahope iho o ke komo ana o ke poo o Kata iloko o kona hale ,aole ia e oili ola hou aku ana mailaila aku. Ua lilo loa iho la kela i mea nui nana e nalu ai me ke ano uluku loa o kona noonoo. Ina i loaa maopopo iaia ka ike o Dekona ke poo o ka poe powa na lakou i hoao e pepehi ia Kata ame Chika ina aole oia e maka'u. A ia laua i hookokoke aku 'ai i ka hale hoomaka liilii aku la kela mau manao uluku e nalowale mai iaia aku. A hiki iho la 110 hoi i kela manawa pau mai la ko Dekona kamailio oluolu ana iaia. Ma ka- Patse nana aku ua hooikaika nui o Dekona e kaohi i kona manao inaina nona a ua hoomaopopo aku lā no nae oia ia mea i kela manawa. "Mai manao iho oe e Mr. Dekona he kupaianaha maoli ko'u noho hookahi ana r keia wahi mamao loa mai ke kulanakauhale mai," wahi ana, mahope iho o kekahi mau minute lehulehu o kona noha hamau ana." "He lil>e ole paha ka manao o kela ame keia," wahi a Patse. "Ae, oia maoli no e Patse; he hale nani ko'u maanei a e hoikeike aku ana.au ia oe ke hiki aku kaua." "He nani io 110 ke nana mai mawaho/' wahi a Patse. "O oe wale 110 ke kanaka mua loa e ike aku ana ia loko o kela hale," wahi a Dekona. "Ua ike no au e haawi mai ana oe ia'u i na hoohanohano ana ma na ano apau," wahi a Patse, "a he mahalo nui ko'u ia oe no ia hana maikai au, aka nae, aohe pāu iki o ko'u'pohihihi i keia kono au niamuli o kau hoakaka ponoi." "O, he mau kumu no ka'u ame a'u no nae ia, a e ike koke aku ana no oe," wahi a Dekona. 1 ko -aua hiki ana aku i ka pukapa, aohe kekahi mea i holo mai e wehe aku i ka puka, o Dekona ponoi no ka i lele aku ilalo a wehe aku la i ka pukapa. • "E ike mai oe na'u ponoi no e lawelawe ka'u mau mea apau," wahi ana i hoakaka mai ai. | Hopu mai la ia i ke kaulawaha o na lio a ka'i maoli aku la a kaa, j maloko. I "Ma keia wahi e komo mai ai aohe rula o ke komo ana," wahi ana; "a e hoikeike aku ana nae au ia oe i ka puka mamua mai mamua o ka pau ana o ka kaua hana maanei." "Eia nae he maikai no hoi ia au e ike la," wahi a Patse me ka hauoli. Ia laua i lele aku ai mai ke kaalio aku puka mai ana kekahi wahine u'i a ma kona helehelena nae ke naiia aku ua hele a haikea, aole no he ma'i maoli pela ko Pate nana aku, aka me he mea la no ka hoopaa loaia iloko o ka hale me ka loaa ole he manawa holoholo nona iwaho o ke ea oluolu. I kona wa i ike mai ai ia Patse, ua hoopahaohao loa ia oia, a he wahi leo hoohikilele kana o ka hoopuoho ana ae, a emi hou aku la iloko o ka hale a o ko Dekona manawa no ia i pane koke aku ai: "E kali ik iiho oe e Elese; (o keia ka inoa o ka wahine) he hoaloha ko'u i hali pu mai la me a'u." Aole i hooki iki ka nana ana o kela wahine ia Patse me he helehelēna o ka minamina e pahola ana maluna o kona mau maka, a hiki i kona hele ana mai imua e halawai me Patse. Ma ka Patse nana aku aole oia i ike mua i kekahi wahine u'i me na he.lehelena kaumaha e like me kona. "E Elese, o Mr. Dikekona keia o Nu loka," wahi a Dekona, me ka leo kuoo. "E Mr. Dikekona, o ka'u wahine keia." Kunou haahaa aku la o Paste imua ona, a hoao ae la ka wahine e minOaka, aohe nae me kaikaika pono, me ka hiki kupono ole hoi iaia ke kamailio mai. "Komo aku iloko e Mr. Dikekona," wahi a Dekona, "mai hoohilahila oe, e noho oe me he mea la o kou home maoli no keia. E hele iki ae au e wehewehe i na lio a hoi mai." ' . I iAoleiEau. I